92 Jan wali ajayunakat jarkʼaqasiñat parlir Biblian jiskʼa tʼaqanakapa

Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui.

Ucatsipansa, iyawsañanacamajj mä escudjamäpan, Supayan akquir flechanacapat jarc'akasiñataqui.

Diosaruy jaysapjjam, Supayataquisti sayt'asipjjaraquim, uca Supayasti jumanacatjja jaltawayjjaraquiniwa.

Wawanaca, jumanacajj Diosanquirïpjjtawa, atipt'apjjaractawa uca c'arinacaru; cawquïritejj jumanacampïqui ucajja, juc'amp ch'amaniwa jupanacampïquis ucat sipansa.

Ajjsarcay lajja ch'amac chekawja sarcasasa, janiw cunarus ajjsarcäti, nayamp chic saratam laycu: lawamasa, thujrumasa, ch'am churitani.

Tatituw khanajjasa, khespiyasiñajjasa, ¿qhitirurac ajjsarästi? Tatituw jacañajjar arjjati, ¿cunarurac ajjsarästi?

Tatitun angelapaw iyawsirinacarojj uñjasqui, Tatitur wakaychirinacarusti imascaraqui.

Alajjpachanquir Take atipirin imat sarnaker jakejja,

Chijejj janiw jac'achascätamti, usus janiraquiw utamar purincaniti,

Diosajj angelanacaparuw qhitanini, sarnakäwim imañataqui.

Amparapjjaruw apapjjätam, cayuman kalar jan lanctasiñapataqui;

catarinacarusa, asïrunacarus takjjatascaquïtawa, leonanac taypinsa, ajjsarcañ animalanac taypinsa, sarnakascaquïtawa.

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

walja maranacaw jacayä, ¡khespiyäwejjampiw jupar cusisiyaraquï!”

Tatiturojj siwa: “Jumätaw imantasiñajjajja, jarc'akasiñajjasa, Diosajjay, jumaruw takpach chuymamp alcatsma” sasa.

Diosajj angelanacaparuw qhitanini, sarnakäwim imañataqui.

Tatituw take jan walt'añanacat imasctam; jupaw jacañam imasqui;

Tatituw mistutamsa, mantatamsa uñjascani, jichhürut wiñaycama.

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

ucampis jumar tucjañäquis uca armjja janiw qhitis jichhacam lurquiti. Qhitinacatejj jumar juchañchapcätam ucanacarojj amuct'ayätawa. Ucwa nayajj churta qhitinacatejj nayar sirvipquitu ucanacarojja: ‘Atipjäwi’ Tatituw ucjja arsu.

Ucampis Tatitojj chekawa, jupajj ch'amañchapjjätamwa, take jan walitsa imapjjaraquïtamwa.

Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.

Janipuniw jupajj tincuñam muncaniti, janipuniw jumar uñjirejj iccaniti.

Camisatejj kollunacajj Jerusalenar muyuntejja, uqhamaw Tatitojj marcapar muyunti jichhasa, wiñayasa.

Jumanacasti jan llaquisipjjamti, Tatituwa jumanac lantejj nuwasiscani —sasa.

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”

“Diosan thaquipajj chekapawa, Tatitun arsutanacapajj take chuymamp iyawscayawa, ¡Diosajj jupar take chuymamp alcatirinacarojj imascapuniwa!

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Uca Supayataquisti wal sayt'asipjjam iyawsañanacamanjja, yatipjjaraquim walja jilatanacan jumanacjamaraqui take chekan t'akhesipjjatapjja.

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.

Tatituw take jan walit khespiyasquitani, uqhamarac alajjpach reinopataquiw imaraquitani. ¡Jach'añchatäpan jupajj wiñayan wiñayapataqui! Uqhamäpan.

Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti.

Ucampis Tatay, jumaw nayan arjjatirejjätajja, jumaw jach'ar aptirejjätajja, jumaraquiw ch'amañchirejjätasa.

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Nanacan nuwasiñanacajjataquejj janiw acapach armanacati uscutäquejja, jan ucasti nanacan armanacajjajj pachpa Diosan ch'amapawa, cunanacatejj ch'amanïqui ucanacar tucjañataqui.

Diosaw imantasiñasajja, ch'amañchirisasa, jupaw chijinacan arjjatirisajja.

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Jupaquiw sipit känat khespiyätam, jupaquiw jiwañ usut jarc'akätam,

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Samarañ churir Diosajja janc'aquiw supayarojj ch'usaru tucuyani, jumanacampi uca supayaru takjjatayasa. Jesús Tatitusajj jumanacarojj bendispan.

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

Ucampisa naya quipcaw mä nina uyjam Jerusalenar muyuntayäjja, marca taypinracwa jach'a cancañajj uñacht'ayäjja. Naya Tatituw arstjja.’ ”

Yattanwa qhititejj Diosat awquinïqui ucajja, janiw juchan sarnakquiti Diosan Yokapan jupar imatap laycu, ucatsti Supayajj janiw llamct'quiti.

Mä sapa Dios, jiwasan Khespiyirisaraqui, jupajj ch'amaniw jumanacar imañataquejja jan tincupjjañamataqui, ucatsti jan k'añuni cusisiñan phokt'ata jupan c'ajquir nayrakatapan uñstapjjañamataqui.

Samart'ascäta ucqhasti janiw ajjsarayascätati; iquintjjäta ucqhasa jan ajjsarasaw icjjaraquïta.

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.

Tatitojj nayampïsquiwa: janiw ajjsarayascäti; ¿camächaraquitan jakesti?

Eliseosti sänwa: —Jan ajjsaramti, jiwasampïqui ucanacasti juc'ampiwa, jupanacampïqui ucanacata sipana —sasa.

jan ucasti jumanacan Tatitu Diosamaw jumanacampïsqui; ucatsti jupaw uñisirinacamampi nuwasiscani, jupanacarusti atipjapjjaraquïtawa’ sasa.

Tatitojj llaquisiñaman jumarojj ist'pan, Jacobon pachpa Diosapajj jumar arjjatpan;

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Mayampsa, mayampsa jan walt'añatjja khespiyascaquïtamwa, janiraquiw ñankhan jumjjaru jutañapsa muncaniti.

Ajjsarcay arum ch'amacarojj jan ajjsarcamti, urun flecht'at mich'inacarus jan ajjsarcamti,

ch'amacamp chic purinir usunacarus jan ajjsarcamti, uru khanan jiwarayir usunacarus janirac ajjsarcamti;

Uqhamajj jichhajj yattwa, janiwa cunas Diosan munasiñapatjja apakquistaspati, janiw jiwañasa, ni jacañasa, ni angelanacasa, ni alajjpach ch'amanacasa, ni jichhasa, ni jutcani ucasa,

ni patancqui ucasa, ni mankhancqui ucasa, ni cuna yakha yänacasa Diosan munañapatjja apakquistaspati, uca munasiñsti Cristo Jesús Tatitus tokwa uñacht'ayistu.

Jan walt'añanacajj take toket muyuntapcchitu ucqhasa, janipuniw atipjayasipcti, llaquisiñanacas wal utjcchejja, janipuniw k'ala aynacht'atäpcti.

Uñisiñampis arcnakapcchitu ucasa, janipuniw sapa irpanucutäpcti, orakerus taquisipcchitu ucasa, janipuniw tucjatäpctsa.

Tatituruw nayajj art'asta, jupasti take llaquinacat irpsutu;

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Diosajjay, nayamp timasirinacat khespiyita, nayar uñisirinacat arjjatita.

Takeniraquiwa, inti jalsu toketpacha inti jalanta tokecama, Tatitun jach'a cancañap uñjasajj ajjsarapjjani. Jupasti walja umani jawirar uñtataw jutani, mä jach'a ch'amani thayan onjjtayataraqui.

jupaw timanacajjan k'apisiñapat khespiyitu, nayar kallcatir jakenacat antutayitu. ¡Tatay, jumaw khoru jakenacat khespiyistajja!

Nayar arjjatir Tatitojj kollanäpan. Jupaw ch'ajjwañatac amparanacajj waquichi, luc'ananacajjarus nuwasiñatac waquicharaqui,

Jupajj cheka sarnaker jakerojj imiwa, asqui jakerojj arjjataraquiwa.

Jesusajj saraquïnwa: —Simón, Simón, amuyasim, Supayajj mayiwa jumanacarojj trigjam jawk'suñataqui.

Ucampis nayaw jumataquejj mayta jan iyawsañamajj pist'añapataqui. Jumasti nayaru cuttanjjät ucqhajj ch'amañcht'am jilanacamaru jan mayjt'asipjjañapataqui —sasa.

Tatitusti uqhamäspaw siwa: “Ch'amani jakerojj aparapjjaniwa cuntejj guerran aparanqui ucjja, khoru jakerusti cuntejj jicjjatasqui ucjja apakapjjaraquiniwa. Naya quipcaw jumampi ch'ajjwqui uca jakempejj catjasëjja; naya quipcaraquiw wawanacamarus khespiyäjja.

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Tatay, nayar nuwañatac jaljjatirinacampejj jumay nuwasim, nayamp ch'ajjwirinacampejj jumay ch'ajjwam.

Suyt'añamas utjascaraquiniwa, jan cuna ajjsarasaw jacasiraquïta, Diosan uñjataw jan cuna ajjsarasa ict'asiraquïta.

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Tatay, jumaw sum uñjtajja qhititejj mä sapa amtañaniquïqui ucarojja, jupan jumaru iyawsatap laycu,

Take acanacansti atipirinacat sipansa juc'ampïtanwa jiwasar munquistus ucan yanapapampi.

Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.

Tatay, ñankha lurir jaket jarc'akasita, khoru arun jaket imjjatita,

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”

Diosaw khespiyapjjetu, jichhas khespiyasipcaquituwa uca jach'a jiwañatjja. Juparu catuyasisaquiw suyt'asipcaracta, jichhas yanapasipcaquitaniwa,

Nayajj jan cuna llaquiniw iquintta, mäquiw icjaracta, Tatay, jumaquiw iyawsañ chuymamp jacayistajja.

Janiw ajjsarayascätati acatjamata ajjsaraña jutirirusa, janiraquiw juchararanacjjar tucjaña urojj jutcani ucarusa,

Tatitusti ch'amañchätamwa jan ajjsarañamataqui, imaraquïtamwa jan sipitar jalt'añamataqui.

Janiw maycsmati acapachat apsuñamataqui, jan ucasti maysmawa Supayat imañamataqui.

Tatituw juman imirimajja, jupaw juman jac'amancasqui.

Intejj janiw urojj ñankha lurcätamti, phajjsis janiraquiw arumajj camächcätamsa.

Wiñaya jaquir Diosaw imantasiñamajja, wiñayataqui ch'amapaw wayjjäsiscaractam, juparaquiwa juma nayräjjat uñisirimarus jaltayi, ucatsti jumaruwa t'unjañatac qhitaractam.

Tatitojj asqui jaken arnakasitaparojj ist'iwa, take llaquinacapat waysuraqui.

Ucampis qhititejj nayar ist'quitani ucajja, sumancañanwa jacasini, ucatsti janiw ajjsarayascaniti cuna jan walt'añanacansa.’

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Sinti arumäjjewa, urusti niyaw jac'achasisinqui, ucatpï apanucuñasajja cunatejj ch'amacan lurasquis ucjja, ucatsti cunjämtejj mä soldadojj armantasqui uqhamaraquiw armantasiñasa khanan sarnakañataqui.

Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Jiwasanacajj Tatituruw take chuymamp iyawsapjjtan: jupaw arjjatirisajja, jarc'akerisasa.

jumaw nayan imantasiñajjätajja. Jumaw timasirejjat jarc'aker ch'aman pucarätajja.

“Jumasti, nayan uñisirejja marca, aynacht'atajjatjja jan cusisimti, aynacht'atatsa sartascaquïwa. Lajja ch'amacas muyuntitpan ucasa, Tatituw khanajjajja.

qhitinacatejj Diosan wawanacapäqui, ucanacajja, acapacharojj atipjiwa. Iyawsañasasti acapacharojj atipt'ayaraquistuwa.

Jupaquiw khespiyitu, arjjataraquitu. Janiw pächascäti, jupaw imantasiñajjajja.

Asqui jakejj jan walinacamp t'akhescchi ucasa, Tatituw take ucanacat waysu;

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Tatituw nayarojj yanapasquitu, ucatwa jaken jan wali arunacapajj jan chuyma ust'ayquituti, ucatracwa nayajj mä karkar uñtata suma sayt'astjja, yatiractwa nayajj janiw cuna p'enksa pascäti.

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Jumaw imantasiñajjätajja, jarc'akasiñajjätasa, arunacamaruw takpach chuymajj catuyta.

Tatitojj uywatanacaparojj khespiyiwa, jupar iyawsirinacajj janiw juchañchatäpcaniti.