“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.
Juan 14:7 - Qullan Arunaka DC Jumanakatix nayar uñt'apxchistaxa, Awkixar uñt'apxarakïtawa; jumanakax jichhatpach juparux uñt'apxtaxa, jichhas uñjasipkaraktawa —sasa. Aymar Bibliia 1986 Jumanacatejj nayaru uñt'apjjetasmajja, Awquejjarojj uñt'apjjaraquismawa; jichhatpachaw uñt'apjjaracta, uñjasipcaraquïyätawa. Qullan Arunaca Jumanacatejj nayaru uñt'apjjetasmajja, Awquejjarojj uñt'apjjaraquismawa; jichhatpachaw uñt'apjjaracta, uñjasipcaraquïyätawa. |
“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.
“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”
Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.
Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.
Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.
Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.
Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.”
Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.
“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.
jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.
Janiw khitis Awkirux uñjkiti; jan ukasti, khititix Diosat jutki ukakiw jupar uñji.
Ukatsti jiskt'apxarakïnwa: —¿Kawkinkarak awkimasti? —sasa. Jesusasti jupanakarux sarakïnwa: —Jumanakax janiw nayar uñt'apkistati, janirakiw Awkixarus uñt'apktati. Nayarutix uñt'apxitasmaxa, Awkixarux uñt'apxarakismawa —sasa.
Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.
Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,
Awkinaka, taykanaka, qalltatpach utjkän ukar uñt'apxatam laykuw jumanakar qillqanipxsma. Waynanaka, Supayar atipt'apxatam laykuw jumanakar qillqanipxsma.