Juan 17:23 - Qullan Arunaka DC

²³ Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.

Aymar Bibliia 1986

²³ Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Qullan Arunaca

²³ Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Juan 17:23 Jak'a apnaqawi uñst'ayäwi

Juan 10:38

Ukampis luräwinakap lurstxa ukax, janis nayarux iyawsapkita, jan ukasti, luräwinakaxar iyawsapxam, ukhamat Awkix nayankatapa, nayasti Awkinkataxarak mäpit yatipxäta —sasa.

Juan 13:35

Jumanakatix maynit maynikam munasipxätaxa, taqiniw nayan yatiqirinakäpxatam amuyapxani —sasa.

Juan 14:10

¿Janit iyawsktasti nayampi Awkimpix mayakïpxataxsti? Yatiyapksma uka arunakxa, janiw naya pachpatakti sapksmaxa. Nayan jakki uka Awkiw luräwinakap luraski.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

Juan 15:9

Kamisatix Awkix nayar munaskitu, ukhamarakiw nayax jumanakar munasipxsma; ukhamax pachpa munasiñan jakapxam.

Juan 16:27

pachpa Awkin jumanakar munatap layku. Diosax jumanakarux munasipxtamwa, jumanakan nayar munapxatamata, Diosat nayan jutatax iyawsapxatam layku.

Juan 17:11

“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Juan 17:21

Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Juan 17:26

Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.”

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 17:8

jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.

Juan 3:17

Diosax janiw Yuqap akapachar juchañchañatak khithankiti, jan ukasti akapachan jupa tuqi qhispitäñapatakiw khithani.

Juan 6:56

Khititix nayan janchix manq'ki, wilaxsa umkaraki ukax, nayampix mayakiwa, nayasti jupampix mayakirakïtwa.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Filipenses 3:15

Taqi khitinakatix iyawsañan wali jiltatäxtan ukanakax ukham amuyañasa. Jumanakatix mä kunansa mayja amuyapxstaxa, Diosaw jumanakarux uk uñjayasipkätam.

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

Colosenses 2:2

Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,

Colosenses 3:14

Taqi ukanakat sipansti, munasiñan phuqt'atäpxam, uka munasiñaw mayar tukuyirixa.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

1 Juan 1:3

Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Juan 4:19

Diosaw nayraqat jiwasanakar munasistu, ukat jiwasax jupar munasipxañasa.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.