Juan 17:24 - Qullan Arunaka DC

²⁴ “Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Aymar Bibliia 1986

²⁴ “Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Qullan Arunaca

²⁴ “Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Juan 17:24 Jak'a apnaqawi uñst'ayäwi

Génesis 45:13

Awkixarusti taqi kuntix uñjapkta ukanak yatiyapxam, ukhamarak kunja jach'a jilïrïktix Egipto markan ukanakatsa. ¡Jichhax jank'akiy awkixar irptanirapipxita! —sasa.

Mateo 25:21

Uka jilïristi juparux sänwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Mateo 25:23

Uywiripasti uk ist'asin sarakïnwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Mateo 26:29

Nayax sapxsmawa, janiw mayampis aka uvan achupat umkxäti, kunürutix Awkixan qhapaq markapan jumanakampi machaq vino umkä ukürkama —sasa.

Lucas 12:37

Kawkïr uywatanakarutix uywiripax suykir jikxatki ukanakax kusisiñanïpxiwa. Qhanak sapxsma, uka uywiripax jupa pachpaw manq'añatak uywatanakapar qunt'ayani, ukatsti sapa maynir manq'a luqtarakini.

Lucas 23:43

Jesusax juparux sarakïnwa: —Chiqpachaw sisma, jichhürpachaw nayampi chika kusisiñ chiqankäta —sasa.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 12:26

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Juan 14:3

Sarxatax qhipatsti, jumanakatakiw mä uta wakichä; ukatsti jumanak irptiriw wasitat jutä; nayax utjaskä ukawjan utjasipxañamataki.

Juan 15:9

Kamisatix Awkix nayar munaskitu, ukhamarakiw nayax jumanakar munasipxsma; ukhamax pachpa munasiñan jakapxam.

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Juan 17:22

Kamisatix jumax nayar ch'am churkista uka pachpa ch'amarak jupanakar nayax churta, jupanakan mayar tukutäpxañapataki, kamisatix jumampi nayampix mayakïtan ukhama.

Juan 17:5

Jichhax Awkixay, juman jak'aman kunjäm jach'a kankañanïkäyättix janïra akapacha utjkipana, uka pachpa jach'a kankañay churxita.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 6:39

Khithankitu ukan munañapasti akawa: Jupax katuykitu ukanakatxa, janiw maynirus chhaqhayañaxäkiti, jan ukasti tukuy urun jiwatat jaktayañaxawa.

Juan 8:58

Jesusasti jupanakarux sarakïnwa: —Qhanak sapxsma, Abrahamax janïr yurkän uka nayratpach nayax utjta —sasa.

1 Corintios 13:12

Jichhasti Diosarux chhayphuk uñjtan; ukampis mä uruw ajanuy ajanu uñkatapxañäni. Jichhasti nayan yatiñaxax janiw phuqhatpachäkiti, ukampis mä uruw Diosarux uñt'ä, kunjämtix jupax nayar uñt'kitu ukhama.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

2 Corintios 5:8

ukampis taqi iyawsañasaw utjistu, ukatsti Tatitumpi jakir sarxañatakix jiwxañak munsnaxa.

1 Tesalonicenses 4:17

ukatsti jakirinakax jupanakamp chikaw qinayxar aptatäñäni, ukhamat Tatitump alayan jikisxañataki, ukhamaw Tatitumpix wiñayatak jakxañäni.

1 Pedro 1:21

Jumanakasti Cristo tuqirakiw Diosarux iyawsapxtaxa, uka Diosarakiw Cristorux jiwatanak taypit jaktayi, jach'arus aptaraki; ukatpï jumanakax Diosarux iyawsapxtaxa, suyt'apxaraktasa.

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Apocalipsis 21:22

Janiw kuna qullan utsa uka markan uñjkti, uka markan qullan utapasti Tatituwa, taqi ch'aman Diosawa, Corderorakiwa.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.