2 Corintios 4:6 - Qullan Arunaka DC

⁶ Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Aymar Bibliia 1986

⁶ Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Qullan Arunaca

⁶ Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

2 Corintios 4:6 Jak'a apnaqawi uñst'ayäwi

Génesis 1:3

Diosasti sänwa: “Qhanax utjpan” sasa. Qhanasti ukspachaw utjxäna.

Salmos 63:2

2 (3) ¡Qullan utaman uñjañ munsma, ch'amamampi jach'a kankañamampi uñjañ munta,

Salmos 74:16

Jumankiw urusa, arumasa; jumaw phaxsimpiru, intimpirux uchtaxa;

Salmos 90:16

¡Uywatanakamax luratanakam uñjapxpan, wawanakapasti qhapaq kankañam uñt'apxarakpan!

Isaías 35:2

Taqiniw Tatitun jach'a kankañap uñjasax kusisipxani, Tatitux uka ch'usa wasar uraqirux Líbano qullur uñtat jiwak tukuyani, wali sum achuri Carmelo qullur uñtata, jan ukax Sarón siski ukkha suma qhirwar uñtata.

Isaías 40:5

Ukapachaw Tatitux jach'a ch'amap uñacht'ayani, taqi jaqinakarakiw uñjapxani. Pachpa Tatituw ukham arsu.”

Isaías 45:7

Nayaw qhansa ch'amaksa uskta, sumankañsa, chijinaksa nayaw apayanta. Naya Tatituw taqi ukanak lurta.

Isaías 60:2

Aka uraqirusti ch'amakaw muyunti, markanakarus aruma ch'amakaw muyunti, ukampis Tatituw jumxan qhanani, jumxanarak Tatitun qhanapax uñstani.

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 11:40

Ukampis Jesusax saskakïnwa: —¿Janit nayasti sisksma, jumatix iyawsäta ukax, Diosan jach'a ch'amap uñjäta sasasti?

Juan 12:41

Isaías profetasti, Jesusan jach'a kankañap uñjatap laykuw ukham qillqäna, jupatarak ukham arsüna.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

2 Corintios 2:10

Ukhamasti jumanakatix khitirus pampachapxät ukaxa, nayas juparux pampacharakïwa. Nayatix kuna utjipansa pampachstxa, jumanakat khuyapt'ayasisaw Criston nayraqatapan pampachta.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

Efesios 1:17

Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Efesios 1:18

Jumanakan amuyunakam qhanjtayañapatakiw Diosarux mayirakta, kuna suyt'äwirutix jawskistu uk yatipxañamataki, kunja muspharkaña, jilarkir waxt'äwtix Diosax qullan markapankirinakar churki uk yatipxañamatakiraki,

Efesios 5:8

Nayrax jumanakax ch'amakan jakapxäyätaxa, ukampis jichhax Tatitumpi mayakïxasax qhanan jakxapxtaxa. Ukhamasti qhanankirinakjam sarnaqapxam,

Filipenses 2:6

Jupax Diosäkchïn ukasa, janiw Diosjam uñjatäñ munkänti,

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 6:4

Khitinakatix mä kutix Diosan qhanap katuqapkäna, Diosan luräwip munapkäna, Qullan Ajayu katuqapkäna,

1 Pedro 1:12

Ukampis Diosax jupanakaruxa, kuntix yatiyapkäna ukax jan jupanakatakïtapa, jan ukasti jiwasatakïtap amuyt'ayarakïna. Ukatpï jichhax, jumanakarux uka pachpa arunak khitinakatix parlapktam jupanak tuqi yatiyataxa. Jupanakasti alaxpachat khithanit Qullan Ajayun ch'amapampiw parlapxaraktamxa. Angelanakasti ukanak uñjañ munapxarakïnwa.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

2 Pedro 1:19

Ukhamat profetanakan yatiyäwipax juk'amp thurt'at uñjasi. Ukhamax uka arunakar ist'apxam, uka arunakaw Criston kuttaniñapkamax kunjämsa sarnaqapxäta ukanak yatichapxätam, jakañanakamsa sumaruw tukuyarakini.