2 Corintios 4:7 - Qullan Arunaka DC

⁷ Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

Aymar Bibliia 1986

⁷ Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

Qullan Arunaca

⁷ Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

2 Corintios 4:7 Jak'a apnaqawi uñst'ayäwi

Job 10:9

Amtasimaya, nayarux ñiq'it luristaxa, jichhasti ¿wasitatti laq'ar tukuyxitäta?

Job 33:6

Jumampi, nayampix Diosan nayraqatapan mayakïtanwa; nayas ñiq'ita luratakirakïtwa.

Job 4:19

¡ukatsa juk'ampiw jaqir jan alkatkaspati, jaqin t'ukhätap layku, laq'a patxar utachat ñiq'i utar uñtatätap layku, ukanakasti thuthar uñtat pallalljatäspawa!

Lamentaciones 4:2

Jerusalén markan jakirinakasti, wali munatäpxänwa, qurïpkaspas ukham uñjatäpxänwa, jichhasti ñiq'i phukhükaspas ukham uñjatakïxiwa, jan yäqañ sañu luririn luratjama.

Mateo 13:44

“Diosan qhapaq markapax uraqin imantat qurir uñtatawa. Mä jaqix uka imantat quri jikxati, ukatsti pachparuw imanti; ukatsti kusisitaw taqi kunatix jupan utjki ukanak aljantasin uka uraqi alasxi.

Mateo 13:52

Ukat Jesusax jupanakar säna: —Kunapachatix kamachi yatichirix Diosan qhapaq markapat sum yatxi ukkhaxa, utani jaqjamawa, jupasti imat yänakapatxa, machaq yänaka, mirq'i yänak apsunki ukar uñtatawa —sasa.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

1 Corintios 1:28

Diosax jisk'achat jaqiru, akapachan jan yäqat jaqiruw ajllisi khitinakatix yäqatäpki ukanakar aynacht'ayañataki.

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 13:4

Chiqpachansa pisi ch'aman jaqjamaw ch'akkatat uñjasïna, ukampis Diosan ch'amap laykuw jakaski. Uka kipkarakiw nanakax jupankasax pisi ch'ama kankañanïpxta, ukampis jupampi mayakïxasax Diosan ch'amap laykuw jakapxta, ukhamat jumanakar yanapt'añataki.

2 Corintios 4:1

Ukat nanakax jan qarjasipkti, Diosaw khuyapayasiñapan aka luräwi katuyapxitu.

2 Corintios 5:1

Jiwasanakax akapachankir utar uñtatakïtanwa, apnaqañ utar uñtata, ukax janiw wiñayatakïkiti; ukampis yattanwa, uka utatix tukusinixa, Diosax alaxpachan wiñay uta wakicharapistu, ukasti janiw jaqinakan amparapampi luratäkiti.

2 Corintios 6:10

Llakitäpkirista ukham uñjasipxta, ukampis kusisitakipunïsipktwa; jan kunanïpkirista ukham uñjasipxta, ukampis waljaniruw qamiriptayapxta; janis kunanïpkirista ukhamäpxtwa, ukampis janiw kunas pist'apkituti.

Efesios 2:5

Ukat Cristompi chika jakañ churistu, juchanakasan jiwataskchïyätan ukasa. Jumanakax Diosan khuyapayasiñapat qhispiyasiñ katuqapxtaxa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

Colosenses 2:12

Kunapachatix jumanakax bautismo katuqapkta ukkhasti, Cristomp chik p'amp'antataw uñjasipxtaxa, ukatsti jupamp chika jaktayatäpxaraktawa, Tatitur jiwatat jaktayir ch'aman Diosar iyawsapxatam layku.

Colosenses 2:3

taqi yatiñasa, amuyt'asiñasa Cristonak utji.

1 Tesalonicenses 1:5

Kunapachatix nanakax Diosan suma yatiyäwi arunakap yatiyapksma ukkhasti, janiw aru tuqikïkänti, jan ukasti Diosan ch'amapa, Qullan Ajayun luräwip tuqiw taqi iyawsañampi uñacht'ayapxsma. Kunjämtix jumanak taypin askinakamatak nanakax sarnaqapkta uk sum yatipxtaxa.

1 Tesalonicenses 4:4

sapa maynis qullan kankañana, axsart'añampi janchip apnaqañ yatiqpan,

2 Timoteo 2:20

Mä jach'a utanxa janiw qurit qullqit lurat yänakakit utjkixa, jan ukasti lawata, ñiq'it lurat yänakax utjarakiwa; mayanakax jach'a urunakan apnaqañatak uchatawa, mayanakasti inürunakan apnaqañatak uchatarakiwa.

Jueces 7:2

Tatitusti Gedeonarux sänwa: “Jumamp chikäpki uka jaqinakax sinti waljaniwa, nayatix israelitanakar yanapasa madianitanakar atipjayäxa, naya nayraqatan jach'achasipxani, ukatsti jupanakas atipjapkaspa ukham amuyasipxani.