2 Corintios 4:7 - Qullan Arunaca

⁷ Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

Aymar Bibliia 1986

⁷ Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

Qullan Arunaka DC

⁷ Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

2 Corintios 4:7 Jak'a apnaqawi uñst'ayäwi

Job 10:9

Amtasimaya, nayarojj ñek'etwa luristajja, jichhasti ¿wasitatti lak'aru tucuyjjetäta?

Job 33:6

Jumampi, nayampejj Diosan nayrakatapanjja mayaquïtanwa; nayasa ñek'eta lurataraquiquïtwa.

Job 4:19

¡ucatsa juc'ampiwa jakejj jan asquïcaniti, jupajj pisi ch'amätap laycu, uqhamaraqui lak'a patjjaru utachata ñek'e utäcaspa uqhamaraquiwa, ucanacasti thuthar uñtat pallalljatäspawa!

Lamentaciones 4:2

Sión marcan jaquirinacasti, wali munatäpjjänwa, korïpcaspasa uqhama uñjatäpjjänwa, jichhasti ñek'e phuqhücaspasa uqham uñjataquëjjewa, jan yäkaña phuqhu luririn luratjama.

Mateo 13:44

“Diosan reinopajj cunjämatejj mä korejj oraken imantatäquis ucamp sasiwa. Mä jakew uca imantat kori jicjjati, ucatsti uca pachparuw wasitat imantjjaraqui, ucatsti cusisitaw take cunatejj jupan utjquis ucanac aljantasin uca orakjja alasjje.

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

1 Corintios 1:28

Diosajj ajllisiw jan yäkatäquis ucanacaru, uqhamarac jisc'achatäquis ucanaca, qhitinacatejj jach'achatäqui ucanacar p'enkachañataqui.

2 Corintios 10:10

Nayarusti sapjjaraquituwa: “Cartanacajj wali khoru arunacaniwa ucampis jupampi parlañajj jan yäkañjamaquiraquiwa” sasa.

2 Corintios 13:4

Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

2 Corintios 5:1

Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

2 Corintios 6:10

Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

Efesios 2:5

Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 2:12

Cunapachatï jumanacajj bautisatäpcäyäta ucapachajj Cristompi chic imantatäjjapjjtawa, uqhamarac jupampi chica jactayatäjjapjjaractawa, Tatitur jiwatat jactayir ch'aman Diosar iyawsapjjatam laycu.

Colosenses 2:3

Uca Criston imantatäscaraquiwa take yatiñasa, amuyt'asiñasa.

1 Tesalonicenses 1:5

Cunapachatejj nanacajj khespiyasiñ arunac parlapcäyäsma ucqhajja janiw nanacan arunacajjaquïcänti, jan ucasti Kollan Ajayun ch'amapampiw parlatäna, uqhamarac aca arunacajj chekätap yatisinaraqui. Jumanacajj yatipjjtawa cunjäms jumanac taypin sarnakapjjtjja, jumanacan asquinacamataqui ucjja.

1 Tesalonicenses 4:4

sapa maynis mä sapa warminiquïpan k'oma cancañana, uqhamarac munasiñansa.

2 Timoteo 2:20

Mä jach'a utanjja janiw korit kollket lurat yänacaquit utjqui, jan ucasti utjaraquiwa lawata, uqhamarac ñek'et lurat yänacajja; mayanacajja jach'a urunacan apnakañataqui, mayanacasti inürunacan apnakañataquiraqui.

Jueces 7:2

Diosasti Gedeonarojj saraquïnwa: “Jumampïpqui uca jakenacajja sinti waljanïpjjewa. Nayatejj israelitanacar yanapasa atipjayäjja madianitanacaru ucajja alabasipjjaspawa jupanacaquis ch'amanacapampi khespiyasipcaspa uqhama.