Juan 1:18 - Qullan Arunaka DC

¹⁸ Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Aymar Bibliia 1986

¹⁸ Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Qullan Arunaca

¹⁸ Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Juan 1:18 Jak'a apnaqawi uñst'ayäwi

Génesis 16:13

Kunjämatix Agar warmix Tatitumpi parlkatayna ukkhaxa, “Uñjiri Dios” sasaw sutichäna, jupasti sarakïnwa: “Diosaw nayarux uñjitu, ukat jichhas jakaskarakta” sasa.

Génesis 18:33

Kunapachatix Tatitux Abraham chachampi parlañ tukuyxän ukkhaxa, uka chiqat sarawayxänwa; Abrahamasti utjasïwiparuw kutt'xäna.

Éxodo 23:21

Janiw jupat saraqätati, juparuw jaysäta, janiw jupatak sayt'asïtati, janiw jumanakan juchanakam pampachkaniti, jupax nayan sutixaruw taqi kuns luri.

Éxodo 24:10

Ukansti Israelan Diosaparuw uñjapxäna: Sayt'atäkän uka chiqasti walipuniw qhanäna zafiro sat qaljama, pachpa alaxpach qhanjama.

Proverbios 8:30

nayax Tatitump chikaw jan saraqtas ukankäyäta. Nayaw jupan sapür kusisiñapäyäta, jupan nayraqatapansti taqi urunakan k'uchirt'asïyäta;

Isaías 40:11

Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.

Lamentaciones 2:12

Wawanakasti taykanakaparux sapxänwa: “¡Janiw t'ant'asa, vinosa utjkxistuti!” sasa. Markan thakhinakapansti wawanakax jiwaratjamaw liwirtapxäna, taykanakapan amparanakapan samaqkäwiw amukt'awayxapxäna.

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 12:41

Isaías profetasti, Jesusan jach'a kankañap uñjatap laykuw ukham qillqäna, jupatarak ukham arsüna.

Juan 13:23

Manq'apkän ukkhasti, Jesusan maynïr wali munat yatiqiripax jupa jak'ankaskänwa,

Juan 14:9

Jesusasti juparux sarakïnwa: —Felipe, akkha mararakis jumanakampïtxä, ¿janit jichhakam uñt'kistasti? Khititix nayar uñjkituxa, Awkirux uñjarakiwa, ukhamasti ¿kunatarak mayistasti: “Awkir uñacht'ayapxita” sasasti?

Juan 17:26

Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.”

Juan 17:6

“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.

Juan 3:11

Qhanak sisma, nanakax yatipkta ukat parlapxta, kuntix uñjapkta ukarak qhanañchapxta, ukampis jumanakax janiw iyawsapktati kuntix sapksma ukxa.

Juan 6:46

Janiw khitis Awkirux uñjkiti; jan ukasti, khititix Diosat jutki ukakiw jupar uñji.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

Deuteronomio 4:12

ukatsti Tatitux nina taypit parlanipxtam. Jumanakasti arunakap ist'apxtawa, ukampis janiw jupar uñjapktati.

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

Josué 5:13

Mä urusti, Josué chachax Jericó marka jak'ankasin, jupan nayräxapan mä chacharuw uñjäna, amparapar espadas apt'ata. Josué chachasti jupar jak'achasisin akham jiskt'äna: —¿Jumax nanakankirïtati, jan ukax uñisirinakaxankirïtacha? —sasa.

1 Juan 4:12

Diosarux janipuniw khitis uñjkiti, ukampis jiwasatix maynit maynikam munasiñäni ukkhaxa, Diosax jiwasan jaki, munasiñapasti jiwasan uñstaraki.

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?

1 Juan 4:9

Diosax jupan mä sapa Wawap akapachar khithanisaw munasiñap uñacht'ayistu, ukhamat jiwasax jupïpan wiñay jakañanïñasataki.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.