Juan 17:21 - Qullan Arunaka DC

²¹ Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Aymar Bibliia 1986

²¹ Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Qullan Arunaca

²¹ Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Juan 17:21 Jak'a apnaqawi uñst'ayäwi

Jeremías 32:39

Jupanakarusti taqi urunakapanxa, nayar jach'añchkir tukuyarakï, ukhamat jupanakatakisa, wawanakapatakis askïñapataki.

Sofonías 3:9

“Kunapachatix uka urux purinini ukkhaxa, taqi markanakan parläwinakap q'umachä, taqinis nayar yupaychapxañapataki, taqinis nayar arkapxañapataki.

Zacarías 14:9

Uka uruw Tatitux taqi akapach apnaqani. Jupa sapakiw Tatitünixa, sutipasti mä sapakirakïniwa.

Marcos 3:24

Mä markan jakirinakapatix payar t'aqjtatäspaxa, uka markax q'alaw tukusispa;

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 10:30

Awkimpi nayampix mayakïpxtwa —sasa.

Juan 10:38

Ukampis luräwinakap lurstxa ukax, janis nayarux iyawsapkita, jan ukasti, luräwinakaxar iyawsapxam, ukhamat Awkix nayankatapa, nayasti Awkinkataxarak mäpit yatipxäta —sasa.

Juan 11:42

Jumax ist'apunistawa, jichhasti, akankir jaqinak laykuw maysma, juman nayar khithanitam iyawsañapataki —sasa.

Juan 13:32

Jaqin Yuqapatix Diosan jach'a kankañap uñacht'ayanixa, Diosasti Yuqan jach'a kankañap uñacht'ayarakiniwa, uksti jank'akiw lurani.

Juan 13:35

Jumanakatix maynit maynikam munasipxätaxa, taqiniw nayan yatiqirinakäpxatam amuyapxani —sasa.

Juan 17:11

“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Juan 17:18

Kamisatix nayarux akapachankirinak taypir khithanistaxa, uka pachparakiw jupanakarux akapachankirinak taypir khitta.

Juan 17:20

“Ukampis janiw nayax jupanakatakik mayksmati, jan ukasti, akat qhiparusa jupanakan arup ist'asin nayar iyawsapkitani ukanakatakiw mayiraksma.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 17:8

jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.

Juan 3:17

Diosax janiw Yuqap akapachar juchañchañatak khithankiti, jan ukasti akapachan jupa tuqi qhispitäñapatakiw khithani.

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Hechos 2:46

Sapüruw Tatitun utapan tantachasipxäna, utanakapansti t'ant'a pachjapxäna, taqi kusisiñampi, llamp'u chuymampiw manq'asipxarakïna.

Hechos 4:32

Diosar iyawsirinakax waljanïnwa, jupanakasti mä chuymakïpxänwa, mä amtañanikïpxarakïnwa. Utjir yänakapax taqininkänwa, ukanakat janiw khitis: “Nayankituwa” siskänti.

Romanos 12:5

ukhamarakiw jiwasanakax waljanïkasas Criston mä sapa janchirukiw tukxtan, ukatsti maynit maynikamax pachpa janchin mayar tukt'atäxtanwa.

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

1 Corintios 12:12

Jaqin janchipax walja chiqanakat luratäkchi ukasa, mä sapa janchikiwa. Cristox ukham mayakirakiwa.

1 Corintios 6:17

Ukampisa, kunapachatix maynix Tatitur katuyasxi ukkhaxa, ajay tuqin Tatitumpix mayakïxiwa.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

1 Juan 1:3

Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

1 Juan 5:7

Kimsaniw qhanañchirixa: