Juan 17:21 - Qullan Arunaca

²¹ Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Aymar Bibliia 1986

²¹ Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Qullan Arunaka DC

²¹ Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Juan 17:21 Jak'a apnaqawi uñst'ayäwi

Jeremías 32:39

Jupanacarusti take urunacapana nayaru jach'añchquirwa tucuyaraquëjja, pachpa jupanacan asquipataqui uqhamaraqui wawanacapan asquipataqui.

Sofonías 3:9

“Cunapachatejj ucanacajj purinini ucqhajj, take marcanacan parläwinacapwa k'omachä, uqhamata takenin Diosaru yupaychapjjañapataqui, ucatsti mayaquiraqui Diosaru sirvipjjañapataqui.

Zacarías 14:9

Uca uruw Tatitojj take acapacha apnakanejja. Jupa sapaquiw Tatitünejja, sutipasti mä sapaquiraquïniwa.

Marcos 3:24

Mä marcantejj jilïrinacajj walja jaljtäwiru t'akjtaspajja ucat jupanaccam nuwasipjjaraquispa ucqhajja, uca marcajj janiw jayataquïcaspati.

Juan 10:16

Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Juan 10:30

Awquimpi nayampejja mayaquïpjjtwa —sasa.

Juan 10:38

Ucampis lurstjja ucajja, janis nayarojj iyawsapquita, luräwinacajjarojj iyawsapjjam, Awquejj nayancatapa yatipjjañamataqui, nayasti Awquincatajjaraqui —sasa.

Juan 11:42

Yattwa jumajj nayarojj ist'apunistawa, ucampis nayajj ucjja sistwa aca jakenacan asquipataqui, jumajj nayaru qhitanquista uc iyawsapjjañapataqui —sasa.

Juan 13:32

Jaken Yokapajj Diosan jach'a cancañap uñacht'aychi, ucatsti Diosajj Yokan jach'a cancañapwa uñacht'ayaraquini, ucsti janc'aquiw luraraquini.

Juan 13:35

Jumanacatejj maynit maynicama munasipjjätajja, takeniw amuyapjjani nayan discipulonacajjäpjjatama —sasa.

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 17:18

Cunjämtejj nayarojj acapachanquirinac taypiru qhitanistajja, uca pachparaquiw jupanacarojj acapachanquirinac taypiru qhitta.

Juan 17:20

“Janiw jupanac sapataquiquit acjj mayctjja, jan ucasti qhitinacatejj khepanacat nayaru iyawsapquitani jupanacan arunacap ist'asina ucanacampitaquiw maysma.

Juan 17:25

Suma Awquiy, acapachajj janiw uñt'ctamti, ucampis nayajj uñt'smawa, acanacasti yatjjapjjewa juman nayaru qhitanitama.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 17:8

Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

Juan 3:17

Diosajj janiw Yokapjja acapachar juchañchañataqui qhitanquiti, jan ucasti acapachajj jupa toke khespitäñapataquiw qhitani.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Hechos 2:46

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Hechos 4:32

Diosar iyawsirinacasti waljanïnwa. Jupanacasti mä chuymaquïpjjänwa, mä amtañaniquiraqui. Cunanacapatejj utjcäna ucanacatjja janiraquiw qhitis siscänti: “Nayanquituwa” sasajja, jan ucasti take cunanacapas takenincänwa.

Romanos 12:5

uqhamaraquiw jiwasanacajj waljanïcstan ucasa, Cristonjja maya sapa cuerpoquïtanjja, ucatsti takenis maynit maynicamajj mä cuerpjamaquïtanwa.

1 Corintios 1:10

Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

1 Corintios 12:12

Cunjämatejj cuerposajj take cunanïqui uqhamar uñtataraquiw Cristojja. Uca take cunanacasti waljäcchi ucasa, mä sapa cuerporu tucutaquiwa.

1 Corintios 6:17

Cunapachatejj mä jakejj Tatitur catuyasi ucqhajj uca jakempi Tatitumpejj ajayunjja mayaquëjjaraquiwa.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

1 Juan 5:7

Quimsa testigow ucjjatjja alajjpachanjja utji, ucanacasti acanacawa: [Dios Awqui, Jacañ Aru, Kollan Ajayu; aca quimsanisti mayaquiwa.