Juan 17:8 - Qullan Arunaka DC

⁸ jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.

Aymar Bibliia 1986

⁸ Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

Qullan Arunaca

⁸ Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

Juan 17:8 Jak'a apnaqawi uñst'ayäwi

Proverbios 1:23

Nayan iwxa arunakaxar ist'apxita, nayaw ajayuxamp phuqt'apxäma, amtäwinakax yatiyapxarakïma.

Proverbios 1:3

yatichäwinaka, ch'ikhi kankañ yatichañataki; aski luräwimpi, chiqa kankañan sarnaqañamp jikxatañataki;

Proverbios 2:1

Munat wawaxay, jumatix arunakax katuqitäta; kamachi arunakaxsa imäta,

Proverbios 4:10

Munat wawaxay, arunakax ist'asin katuqita, jakañ urunakamasti jilxataniwa.

Proverbios 8:10

Qullqit sipana, suma qurit sipansa, yatichäwinakampi, yatiñ kankañamp jikxatapxam” sasa.

Mateo 13:11

Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.

Juan 12:49

Nayax janiw naya pachpat parlkti; jan ukasti nayar khithankitu uka Awkiw yatiyitu kuntix arsuñaxäki, yatichañaxäki uka.

Juan 14:10

¿Janit iyawsktasti nayampi Awkimpix mayakïpxataxsti? Yatiyapksma uka arunakxa, janiw naya pachpatakti sapksmaxa. Nayan jakki uka Awkiw luräwinakap luraski.

Juan 15:15

Janiw nayax jumanakar “uywatanaka” sas sutichapksmati, mä uywatax janiw uywiripan luratanakap yatkiti. Nayax jumanakarux “jila masinaka” sapxsmawa, kuntix Awkixax siskitu uk jumanakar yatiyatax layku.

Juan 16:27

pachpa Awkin jumanakar munatap layku. Diosax jumanakarux munasipxtamwa, jumanakan nayar munapxatamata, Diosat nayan jutatax iyawsapxatam layku.

Juan 16:30

Jichhax taqi kun yatitam yatipxta, janirakiw khitin jumar jiskhiñapsa munktati. Ukat nanakax Diosat jutatam iyawsapxta —sasa.

Juan 17:14

Nayasti jupanakarux arunakam churta, ukampis akapachankirinakax jupanakarux uñisiwa, jupanakan jan akapachankirïpxatap layku, kamisatix nayax jan akapachankirïktxa ukhama.

Juan 17:18

Kamisatix nayarux akapachankirinak taypir khithanistaxa, uka pachparakiw jupanakarux akapachankirinak taypir khitta.

Juan 17:21

Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Juan 17:23

Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 3:17

Diosax janiw Yuqap akapachar juchañchañatak khithankiti, jan ukasti akapachan jupa tuqi qhispitäñapatakiw khithani.

Juan 3:33

Kawkïritix iyawski ukaxa: Diosan arsutapax “Chiqawa” siwa;

Juan 6:68

Simón Pedrosti juparux sänwa: —Tatay, ¿khitin ukarurak sarapxästi? Juman arunakamax wiñay jakañ arunakawa.

Juan 8:42

Jesusasti jupanakarux sänwa: —Chiqpachan Diosatix awkimäspa ukaxa, jumanakax munapxitasmawa, nayax Diosat jutta ukat akankarakta. Janiw nayax munañaxat jutkti, jan ukasti Diosaw nayarux khithanitu.

1 Corintios 11:23

Nayax yatichapksma ukxa, Tatitut katuqta. Tatit Jesusax aljantatäñapäkän uka arumaw t'ant'a irtäna,

1 Corintios 15:1

Jichhasti jilatanaka, Diosan suma yatiyäwi arunak yatiyapksma ukat amtasipxañam munta. Jumanakax uka suma yatiyäwi arunak iyawsapxta, ukarjamarakiw sayt'atäsipktaxa.

Deuteronomio 18:18

Nayaw jilanakap taypit jumjam profeta sayt'ayä, ukatsti kuntix nayax, parlam siskä uk jupanakar parlañapataki, nayax arskä ukanak sañapataki.

1 Tesalonicenses 2:13

Ukat nanakax Diosar sapa kuti yuspagarapxta, kunapachatix nanakax Diosan yatiyäwip yatiyapksma ukkhaxa, jumanakax Diosan yatiyäwipjam katuqapxtaxa, janiw jaqinakan yatiyäwipjamak katuqapktati. Chiqpachansa uka Diosan yatiyäwipaw juma iyawsirinak tuqix qhansti.

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.

1 Juan 4:14

Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.