Juan 8:19 - Qullan Arunaka DC

¹⁹ Ukatsti jiskt'apxarakïnwa: —¿Kawkinkarak awkimasti? —sasa. Jesusasti jupanakarux sarakïnwa: —Jumanakax janiw nayar uñt'apkistati, janirakiw Awkixarus uñt'apktati. Nayarutix uñt'apxitasmaxa, Awkixarux uñt'apxarakismawa —sasa.

Aymar Bibliia 1986

¹⁹ Ucatsti jisct'apjjaraquïnwa: —¿Cawquinquis Awquimajja? —sasa. Jesusasti ucjjarojj sänwa: —Jumanacajj janiw nayar uñt'apquistati, ni Awquejjarusa. Nayarutejj uñt'apjjetasmajja, Awquejjarojj uñt'apjjaraquismawa —sasa.

Qullan Arunaca

¹⁹ Ucatsti jisct'apjjaraquïnwa: —¿Cawquinquis Awquimajja? —sasa. Jesusasti ucjjarojj sänwa: —Jumanacajj janiw nayar uñt'apquistati, ni Awquejjarusa. Nayarutejj uñt'apjjetasmajja, Awquejjarojj uñt'apjjaraquismawa —sasa.

Juan 8:19 Jak'a apnaqawi uñst'ayäwi

Jeremías 22:16

T'aqhisiyatanakarusa, jan kunaninakarus arxatarakïnwa, ukat taqi kunas jupatakix walt'arakïna. Ukapï nayar uñt'añaxa. Naya, Tatituw uk arsta.

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Juan 1:10

Uka Arux akapachankänwa; Diosasti jupa tuqi akapach lurkäna ukasa, akapachankirinakax juparux janiw uñt'känti.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 15:21

Taqi akanaksti, nayan sutix laykuw lurapxätam, nayar khithankitu ukar jan uñt'apxatap layku.

Juan 16:3

Awkirus, nayarus jan uñt'apxatap laykuw taqi ukanak lurapxani.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 7:28

Ukanak ist'asinsti, Jesusax Tatitun utapan yatichkasin jach'at arsüna: —¡Jumanakax uñt'apxistawa, kawkit jutataxsa yatipxaraktawa! Ukampis janiw nayan munañaxat jutkti, jan ukasti, khititix chiqäki ukan khithanitaw jutta, juparusti jumanakax janiw uñt'apktati.

1 Corintios 15:34

Jumanakax sum amuyasipxam, janirak juch lurkxapxamti, jumanakat yaqhipanakax janïraw Diosar uñt'apkiti. Uksti jumanakan p'inqa tukuñamatakiw sapxsma.

Gálatas 4:9

Ukampis jichhax Diosar uñt'xapxtawa, chiq sasinsa, Diosax jumanakar uñt'xapxtamwa. Ukhamasti, ¿kunatarak wasitampi uka pisi ch'amani, t'ukhasirinakan luqtirinakapar tukuñ munapxtasti?

Efesios 1:17

Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

1 Juan 2:23

Khitinakatix Yuqar jan uñt'ir tukupki ukaxa, janirakiw Awkirux uñt'kiti; ukampis khititix Yuqar katuqki ukax Awkirux katuqarakiwa.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

2 Juan 1:9

Khititix Tatit Jesucriston yatichäwipat saranukki ukax, janiw Diosampïkiti; khititix yatichäwiparjam sarnaqki ukïrikiw Awkimpisa Yuqampisa.