Juan 6:46 - Qullan Arunaka DC

⁴⁶ Janiw khitis Awkirux uñjkiti; jan ukasti, khititix Diosat jutki ukakiw jupar uñji.

Aymar Bibliia 1986

⁴⁶ Janiw qhitis uñjquiti Awquirojja, jan ucasti qhititejj Diosat jutqui ucaquiw jupar uñji.

Qullan Arunaca

⁴⁶ Janiw qhitis uñjquiti Awquirojja, jan ucasti qhititejj Diosat jutqui ucaquiw jupar uñji.

Juan 6:46 Jak'a apnaqawi uñst'ayäwi

Éxodo 24:10

Ukansti Israelan Diosaparuw uñjapxäna: Sayt'atäkän uka chiqasti walipuniw qhanäna zafiro sat qaljama, pachpa alaxpach qhanjama.

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 14:7

Jumanakatix nayar uñt'apxchistaxa, Awkixar uñt'apxarakïtawa; jumanakax jichhatpach juparux uñt'apxtaxa, jichhas uñjasipkaraktawa —sasa.

Juan 15:24

Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.

Juan 5:37

Nayar khithanir Awkisti, nayat qhanañchi, janiw jumanakax kunapachas arup ist'apktati, janirakiw ajanupsa uñkatapktati,

Juan 7:29

Nayax juparux uñt'twa, jupat jutatax layku, juparakiw khithanitu —sasa.

Juan 8:19

Ukatsti jiskt'apxarakïnwa: —¿Kawkinkarak awkimasti? —sasa. Jesusasti jupanakarux sarakïnwa: —Jumanakax janiw nayar uñt'apkistati, janirakiw Awkixarus uñt'apktati. Nayarutix uñt'apxitasmaxa, Awkixarux uñt'apxarakismawa —sasa.

Juan 8:55

Ukampis jumanakax janiw uñt'apktati, nayasti juparux uñt'twa; nayatix: “Janiw jupar uñt'kti” siristxa, jumanakjam k'ari jaqïristwa. Chiqpachansa nayax jupar uñt'twa, kuntix jupax siski uk lurarakta.

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

1 Juan 4:12

Diosarux janipuniw khitis uñjkiti, ukampis jiwasatix maynit maynikam munasiñäni ukkhaxa, Diosax jiwasan jaki, munasiñapasti jiwasan uñstaraki.