Juan 16:3 - Qullan Arunaka DC

³ Awkirus, nayarus jan uñt'apxatap laykuw taqi ukanak lurapxani.

Aymar Bibliia 1986

³ Acjj lurapjjaniwa, jan Awquiru ni nayaru cunapachas uñt'apjjatap laycu.

Qullan Arunaca

³ Acjj lurapjjaniwa, jan Awquiru ni nayaru cunapachas uñt'apjjatap laycu.

Juan 16:3 Jak'a apnaqawi uñst'ayäwi

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 15:21

Taqi akanaksti, nayan sutix laykuw lurapxätam, nayar khithankitu ukar jan uñt'apxatap layku.

Juan 15:23

khitinakatix nayar uñisipkitu ukanakax Awkixarux uñisirakiwa.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 8:19

Ukatsti jiskt'apxarakïnwa: —¿Kawkinkarak awkimasti? —sasa. Jesusasti jupanakarux sarakïnwa: —Jumanakax janiw nayar uñt'apkistati, janirakiw Awkixarus uñt'apktati. Nayarutix uñt'apxitasmaxa, Awkixarux uñt'apxarakismawa —sasa.

Juan 8:55

Ukampis jumanakax janiw uñt'apktati, nayasti juparux uñt'twa; nayatix: “Janiw jupar uñt'kti” siristxa, jumanakjam k'ari jaqïristwa. Chiqpachansa nayax jupar uñt'twa, kuntix jupax siski uk lurarakta.

Hechos 3:17

“Jilatanaka, jichhax yatxtwa, jan sum amuyt'kasaw jumanakasa, jilïrinakamas Jesusarux jiwayapxtaxa.

1 Corintios 2:8

Aksti janiw jichhür akapach apnaqirinakax amuyapkiti, jupanakatix amuyasapän ukax janiw alaxpach Tatiturux cruzar ch'akkatapkasapänti.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

1 Timoteo 1:13

Nayrax jan wali arunakampiw jupa tuqi arusis jisk'achäyäta, qhuru chuymampiw arknaqäyäta. Ukampis Diosaw nayat khuyapayasitu, nayax janïraw ukapachax jupar arkkäyätti, kuntix lurkäyät uksa janirakiw yatkäyätti.

1 Juan 2:23

Khitinakatix Yuqar jan uñt'ir tukupki ukaxa, janirakiw Awkirux uñt'kiti; ukampis khititix Yuqar katuqki ukax Awkirux katuqarakiwa.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Juan 4:8

Khititix jan munaski ukax janiw Diosarux uñt'kiti, ukampis Diosax munasiñawa.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.