Juan 16:2 - Qullan Arunaka DC

² Jumanakarux sinagoganakat jaqunukupxätam, yaqhipanakarusti jiwayapxätamwa; uka luratapampix Diosarus luqtapkaspa ukham amuyapxani.

Aymar Bibliia 1986

² Jumanacarojj sinagoganacatjja jaksupjjätamwa, yakhepanacarojj jiwayapjjätamwa; uca luratapampejj Diosaru sirvipcaspa uqham amuyasipjjani.

Qullan Arunaca

² Jumanacarojj sinagoganacatjja jaksupjjätamwa, yakhepanacarojj jiwayapjjätamwa; uca luratapampejj Diosaru sirvipcaspa uqham amuyasipjjani.

Juan 16:2 Jak'a apnaqawi uñst'ayäwi

Isaías 65:5

Sapxarakiwa: ‘Ukar qhiparam, jan jak'achasistati, nanakax Diosan qullan ajllit markapäpxtwa’ sasa. Uka jaqinakax uru phuqhat nakhir ninar uñtatäpxiwa; nasatsa jiwq'ipax ch'isintayarakituwa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Daniel (hebreo) 11:33

Markankir jach'a yatiñan jaqinakasti walja jaqinakaruw yatichapxani, ukampis jank'akiw jupanakarux jiwarayapxani, ninaruw nakhantayapxani, utjir yänakapsa lunthatjapxarakiniwa, jupanakat waljaniruw jaya markanakar uywat jaqir tukuyañatak apapxani. Ukasti mä qawqha urunakakïniwa.

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Mateo 24:9

“Jumanakarusti, nuwjañataki, jiwayañatakiw katuyapxätam, taqi jaqinakarakiw nayar arkapxatam laykux uñisipxätam.

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Juan 12:42

Ukhamäkipansa, judionakat waljaniw Jesusar iyawsapxäna, wali aytat jilïri jaqinakatsa iyawsapxarakïnwa. Ukampis jupanakax fariseonakar axsarasaw jan qhan arsupkänti, sinagogat jan jaqunukuyasiñataki.

Juan 16:25

“Jichhakamasti taqi akanakxa uñacht'äwinak tuqiw sapxsma; ukampis pachax purininiwa, ukkhasti janiw uñacht'äwinak tuqi parlkxapxämati, jan ukasti Awkixat qhanpach arsupxäma.

Juan 16:32

Ukhamax pachax purinxiwa, ukasti jichhawa, sapa mayniw taqi tuqir jaltxapxäta, nayarusti sapak jaytapxitäta; ukampis nayax janiw sapäkti, jan ukasti, Awkiw nayampïski.

Juan 4:21

Jesusasti juparux sarakïnwa: —Warmi, arsutaxar iyawsam, Diosar yupaychañ pachax jak'ankxiwa, janiw aka qullurusa, Jerusalén markarus Diosar yupaychirix sarkxapxätati.

Juan 4:23

Ukampis uka pachax puriniwa, jichhapï, Awkir chiqpach yupaychirinakax Ajayun irpata, chiqa kankañampi yupaychapxanixa. Awkisti ukham yupaychatäñ muni.

Juan 9:22

Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Juan 9:34

Ukatsti juparux sapxarakïnwa: —Jumax juchan phuqt'ataw yurtaxa, ¿ukhamäkasati nanakar yatichañ munapxista? —sasa. Uk sasin jupar sinagogat jaqunukupxäna.

Hechos 5:33

Uk ist'asinsti, jilïrinakax walpun q'apisipxäna, apostolunakar jiwayañ munapxarakïna.

Hechos 7:56

Ukat jupax säna: ¡Uñtapxam! Alaxpach jist'arat uñjaskta, jaqin Yuqaparusti Diosan kupïxapankaskir uñjarakta, sasa.

1 Corintios 4:13

Nanakxat jan walinak parlapxi, ukampis llamp'u chuymampiw nanakax kunsa amuyt'ayapxarakta. Mä t'unarjamaw uñjapxitu, jan kunatak aski jaqirjamaw uñjapxitu. Jichhürkamas taqi jaqinakat sipansa wali jisk'achatäpxaraktwa.

Filipenses 3:6

kamachir phuqhañ laykusti, Diosan iglesiapar uñisiñampi arknaqirïyätwa, janiw khitis kamachi jan phuqhataxat juchañchkitaspati.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.

Jueces 6:30

—Yuqamar irpsunim, jiwayapxäwa. ¡Baal diosan altarap allinukutayna, altar jak'ankkän uka quqampach tinksuyatayna! —sasa.