Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.
Levítico 26:6 - Qullan Arunaca Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja. Aymar Bibliia 1986 Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja. Qullan Arunaka DC Jumanakarux uka uraqin samarañ churapxäma, ukatsti jan kuna llakinikiw ikt'apxäta, nayaw jumanakan markamat monte animalanaksa, nuwasiñanakatsa jark'askä. |
Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.
Ucampis jumajj mä yokall wawanïyätawa, jupasti suman jaquirïniwa; ucjjarusti nayaraquiw uñisirinacaparojj suma chuyma churaraquï, wact'ayaraquï take chekansa samarata sarnakayañapataqui. Ucatwa sutipajj Salomón satäni. Horasaparuwa Israel marcarojj samaraña, sumancaña churaraquï.
Uqhamawa Josafatan reinopajja sumaqui sarantäna, Diosaw jupar samara churäna marca jac'anacapampi.
Samarañamansti janiw qhitis sustjcaraquïtamti. Waljaniw juman yanapama thakeri jutapjjani.
Kalanacas janiraquiw yapumanjja jan walt'aycätamti, khoru animalanacasa jumampejj sumancaraquiniwa.
Vacanacajjajj wallk'ecamaquiwa; janiw sulluririnacajj utjquiti, janiraquiw thaquinacajjan warariyasiñanacas utjquiti.
Nayajj jan cuna llaquiniw iquintta, mäquiw icjaracta, Tatay, jumaquiw iyawsañ chuymamp jacayistajja.
Cuntejj Tatitojj arscän uc ist'ä: Diosajj sumancañjjat marcaparojj yatiyani, takpach chuymamp jupar iyawsirinacaru, jan wasitat ñankha lurapjjañapataqui.
Nayasti juman nayrakatamatjja uca jakenacjja janiw mä maranacti alisnuccäjja, ucat orakejj jan mayjäñapataqui, uqhamarac kollunquir animalanacas phokhantas jumanacaru jan wali lurañapataqui.
Samart'ascäta ucqhasti janiw ajjsarayascätati; iquintjjäta ucqhasa jan ajjsarasaw icjjaraquïta.
Uca arunacasti saräwimanjja irpätamwa, iccäta ucqhasti imätamwa, iquit sartjjäta ucqhasti jumarojj parlaraquïtamwa.
Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.
Ucanjja janiw leonanacajj utjcaniti, janiraquiw monte animalanacas jac'achasincaniti. Uca thaquinjamwa khespiyatanacajj jutjjapjjani, qhitinacarutejj Tatitojj khespiyqui ucanacajja.
Nayaw khansa ch'amacsa uscta, sumancañsa, chijinacsa nayaw apayanta. Naya, Tatituw take ucanac lurta.
Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.
“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.
“Nayatejj mä marcaru cunayman monte animalanac qhitirista, uca marcan utjir jakenacaru jiwarayapjjañapataqui, uca marcjja ch'usa wasararu tucuyapjjaspa, uqhamat uca chekjja jan qhitis ajjsarañatjja pasañ muncaspati, uca animalanacar ajjsaratap laycu.
“Nayatejj guerranaca aca marcjjaru apayanirista, uqhamaraqui uywanacana, jakenacana jacañanacapsa apakañataqui arsuraquirista ucapachajj,
“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.
Jupanacampisti mä arust'äwiruw mantaraquëjja, uqhamat mä suma jacasipjjañanacapataqui. Aca marcatsti uca ajjsarcañ animalanacjja chhaktayjjaraquïwa, uqhamat ovejanacajjajj pampanacan jani cuns ajjsarasa jacasipjjañanacapataqui, uqhamaraqui ch'uminacansa iquisipjjañanacapataqui.
Pampanquiri kokanacasti achunac churapjjaraquini, orakes sumwa achuraquini, jupanacasti jan cuns ajjsarasaw pachpa orakepan jacasipjjani. Cunapachatejj nayajj marcajjaru t'akhesirinacapat khespiyä ucapachasti, jupanacajj yatipjjaniwa nayan Tatitütajja.
Jïsa, nayaw jumanacjjarojj mach'ampi, usunacampi, jiwañampi apayanëjja, uqhamaraqui jumanacjjarojj monte animalanacaw jutani, ucanacasti jan wawani jumanacarojj jaytapjjätam. Jumanacatsti, waljaniruw guerranacan jiwarayaraquëjja. Naya Tatituw ucjja arsta” sasa.
“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.
Esposajjaruw tucuyasïma, jumaruquiraquiw munäma, ucapachaw jumajj Tatiturjam uñt'asitäta.
Nayan leyinacajjarjama sarnakapjjam, arsutanacajjarusti phokhapjjaraquim. Ucanacarusti phokhapjjapunim, ucapachaquiw uca orakenjja cusisita jacasipjjaraquïta.
Orakesti sumwa achuraquini, jumanacasti uca orakenjja cusisitaw jacasipjjaraquïta, ucatsti uca achunacjja sist'asiñcamaw mank'asipjjaraquïta.
Jumanacjjarusti montenquiri khoru animalanac antutanëjja, ucanacasti jumanacarojj jan wawani antutapjjätam, uywanacamsa jisc'a jisc'a tucjapjjaraquini, jumanacarus juc'aruw tucjapjjaraquïtam, janiraquiw qhitis jumanacan thaquinacamanjja sarnakcjjapjjaniti.
Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.
Jumanacasti uñisirinacamarusa jaltayapjjaraquïtawa, uqhamarac jumanacan uñisirinacamasa espadanacamampi jiwarayataw uñjasipjjaraquini jumanacan nayrakatamanjja;
Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!
Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.
Aca payïri templosti nayrïri templot sipansa c'ajquirïniwa, ucatsti suman sarnakasiñwa utjayaraquï aca chekanjja. Naya take ch'amani Tatituw acjja arsta.”
Jupaw t'unjani Efrainan carronacapjja, Jerusalenanquir caballonacsa, guerrasiñ arconacsa, sumañcañwa marcanacaru yatiyanejja, apnakaraquiniwa kotat kotaru, Eufrates jawirata orak tucuycama.
“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.
Herodesajj: “Kharüruw marca nayrakatar irpsü” siscän uca arumajja, Pedrojj pani soldadonac taypinwa iquiscäna, cadenanacamp chinuntata. Maynïr soldadonacasti cárcel puncunaracwa uñjasipcäna.
Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana.