Levítico 26:7 - Qullan Arunaca

⁷ Jumanacasti uñisirinacamarusa jaltayapjjaraquïtawa, uqhamarac jumanacan uñisirinacamasa espadanacamampi jiwarayataw uñjasipjjaraquini jumanacan nayrakatamanjja;

Aymar Bibliia 1986

⁷ Jumanacasti uñisirinacamarusa jaltayapjjaraquïtawa, uqhamarac jumanacan uñisirinacamasa espadanacamampi jiwarayataw uñjasipjjaraquini jumanacan nayrakatamanjja;

Qullan Arunaka DC

⁷ Jumanakasti uñisirinakamarux jaltayapxätawa, espadampi jiwarayataw jumanak nayraqatan uñjasipxani;

Levítico 26:7 Jak'a apnaqawi uñst'ayäwi

1 Crónicas 19:15

Cunapachatï amonitanacajj uñjapjjatayna sirio jakenacan jaltjjapjjatapjja, jupanacajj jaltjjapjjaraquitaynawa, Joab chachan Abisai jilapatjja, ucatsti marcaruw imantasjjapjjatayna. Ucatjja Joab chachajj Jerusalenaruw cutt'anjjäna.

Ester (hebreo) 9:16

Provincianacan jaquir judionacasti tunca quimsan uru sarakatansti tantachasipjjänwa jacañanacapa jarc'akasiñataqui, uqhamat uñisirinacapar tucjañataqui. Jupanacasti pakallko tunca pheskan waranka jakenacwa jiwarayapjjäna, ucampis janiw yänacapjja llamct'apcänti.

Salmos 81:15

Tatitur uñisirinacajj ajjsarañat liwirtapjjaspa, juchañchäwipasti jan mayampitaquïspawa.

Levítico 26:36

“Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Levítico 26:6

Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Levítico 26:8

jumanacat pheskaniwa pataca uñisirinacaru chhuctayanejja; jumanacat patacanisti tunca waranka uñisirinacaruw chhuctayapjjaraquïtajja; jumanacan uñisirinacamasti jumanaca nayrakatan jiwarapjjaraquini.

Deuteronomio 28:7

“Diosaw amparanacamar catuyätam cunapachatejj uñisirinacamajj nuwantapjjätam ucqhajja. Jumanacampi nuwasiñataquejj suma formt'ataw jutantapjjani, ucampis jumanacar uñjasajj janiw cunjäm jaltjjapjjatapsa amtasipcaniti.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Josué 23:10

Jumanacat mä sapa jakequiw waranka jakenacaru jaltayaspajja, Diosajj jumanacat arjjatasin nuwasitap laycu, cunjämatï jupa quipca arsuwayqui uqhama.

Jueces 15:15

Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.

Jueces 4:16

Ucañcamasti Barac sat chachajj arctascaquïnwa carronacaru, soldadonacaru Haroset-goim sat chekacama. Uca urusti Sisaran ejercitopatjja soldadonacajj janiw maynis jilt'cänti jan ucasti takeniw jiwarapjjäna.

Jueces 7:23

Ucatsti israelitanacajj jawsthapitänwa Neftalí, Aser, take Manasés uca tribunacata madianitanacaru arctapjjañapataqui.

1 Samuel 14:13

Jonatanasti cumpucamaquiw uca amsta maqhatawayäna, yanapiripasti khepat arcaraquïna. Cawquïrinacarutejj Jonatanajj korumt'ayancän ucanacarojja, yanapiripaw jiwarayaraquïna.