Levítico 26:7 - Qullan Arunaka DC

⁷ Jumanakasti uñisirinakamarux jaltayapxätawa, espadampi jiwarayataw jumanak nayraqatan uñjasipxani;

Aymar Bibliia 1986

⁷ Jumanacasti uñisirinacamarusa jaltayapjjaraquïtawa, uqhamarac jumanacan uñisirinacamasa espadanacamampi jiwarayataw uñjasipjjaraquini jumanacan nayrakatamanjja;

Qullan Arunaca

⁷ Jumanacasti uñisirinacamarusa jaltayapjjaraquïtawa, uqhamarac jumanacan uñisirinacamasa espadanacamampi jiwarayataw uñjasipjjaraquini jumanacan nayrakatamanjja;

Levítico 26:7 Jak'a apnaqawi uñst'ayäwi

1 Crónicas 19:15

Ukatsti kunapachatix amonitanakax sirio jaqinakar jaltxapxir uñjapxän ukkhaxa, jupanakax Abisai chachat jaltxapxarakïnwa, jupax Joab chachan jilapa, ukatsti markaruw imantasxapxäna. Ukhamasti Joab chachax Jerusalenaruw kutt'anxäna.

Ester (hebreo) 9:16

Yaqha suyunakan jakir judionakasti, pachpa phaxsita, tunka kimsan uru saraqataruw jakañanakap qhispiyasiñataki, ukhamarak uñisirinakapar tukjañatak tantachasipxäna, ukürusti jupanakax paqallq tunka phisqan waranqa jaqinak jiwarayapxäna, ukampis janiw yänakap llamkt'apkänti. Tunka pusin uru saraqatarusti, jupanakax samarxapxänwa, wali kusisitaw manq'äwinakamp uruyapxäna.

Salmos 81:15

15 (16) Tatitur uñisirinakax axsarañat liwirtapxaspa, juchañchäwipasti jan mayampitakïspawa.

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Levítico 26:6

Jumanakarux uka uraqin samarañ churapxäma, ukatsti jan kuna llakinikiw ikt'apxäta, nayaw jumanakan markamat monte animalanaksa, nuwasiñanakatsa jark'askä.

Levítico 26:8

jumanakat phisqanikiw patakanir chhuktayañatak munasini, jumanakat patakanisti tunka waranqa uñisirinakaruw chhuktayapxani; uka uñisirinakamasti jumanak nayraqatan jiwarapxani.

Deuteronomio 28:7

“Diosaw jumar nuwantir uñisirinakamarux amparamar katuyätam. Jumamp nuwasirix suma siqicht'ataw jutantapxani, ukampis jumar uñjasax janiw kunjäm jaltxapxatapsa amtasipkaniti.

Deuteronomio 32:30

¿Kunjämarak mayni sapak waranqanir jaltayisti? ¿Kunjämarak paninikisti tunka waranqanir jaltayisti? ¡Arxatir Dios sapakiw uñisirinakamar atipjaytamxa!

Josué 23:10

Jumanakat maynikiw waranqa jaqinakarux jaltayaspa, Tatitu Diosamax jumanakat arxatasin nuwasitap layku, kunjämtix jupa kipka arsuwayki ukarjama.

Jueces 15:15

ukatsti ukawjan asnon chhuyu änkha ch'akhap uñjasin, ukampiw waranqa filisteonakarux jiwarayäna.

Jueces 4:16

Ukchañkamasti, Barac chachax soldadonakampiru, carronakampirux Haróset-goím chiqakamaw arktaskakïna. Uka urusti Sísara chachan ejercitopat janiw mä soldados qhispkänti, taqiniw jiwarapxäna.

Jueces 7:23

Ukatsti Neftalí, Aser, Manasés israelita ayllunkirinakax jawsthapitäpxänwa, madianitanakar arktapxañapataki.

1 Samuel 14:13

Jonatanasti kumpukamakiw makhatawayäna, yanapiripasti qhipapat arkäna. Jonatanax kawkïr filisteonakarutix qurumt'ayankäna ukanakarux yanapiripaw jiwarayäna.