Levítico 26:6 - Qullan Arunaka DC

⁶ Jumanakarux uka uraqin samarañ churapxäma, ukatsti jan kuna llakinikiw ikt'apxäta, nayaw jumanakan markamat monte animalanaksa, nuwasiñanakatsa jark'askä.

Aymar Bibliia 1986

⁶ Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Qullan Arunaca

⁶ Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Levítico 26:6 Jak'a apnaqawi uñst'ayäwi

2 Reyes 2:24

Eliseosti kutikipstasin jupanakar uñkatäna, ukatsti Tatitun sutipxaruw jupanakar ñanqhachäna. Ukspachaw pä jukumarix ch'umit mistunïna, ukatsti jupanakat pusi tunka payaniruw jisk'a jisk'a tukjäna.

1 Crónicas 22:9

Ukampis jumax mä yuqall wawanïyätawa, jupasti sumankayir jaqïniwa; ukhamarus nayaw uñisirinakaparux taqi chiqansa sumankañan sarnaqayañapatakix tukt'ayä. Sutipax Salomón satäniwa. Israel markarux pachaparuw samaraña, sumankaña churäxa.

2 Crónicas 20:30

Josafat reyin marka apnaqañapasti sumakiw sarantäna, Diosaw juparux marka jak'anakapampi suman jakayäna.

Job 11:19

Khitir jan axsarasaw samart'äta, waljaniw juman yanapam thaqhir jutapxani.

Job 5:23

Qalanakax janiw yapuman jan walt'aykätamti, qhuru animalanakasti jumampix sumankaniwa.

Salmos 144:14

Vacanakaxax wallq'ikamakiwa, janiw sulluririnakax utjkiti. Janirakiw thakhinakaxan warariyasiñanakas utjkiti.

Salmos 147:14

Tatituw uraqimarux sumankañ uchi, jilarkir suma trigompiw sist'aytam.

Salmos 29:11

Tatituw markaparux ch'am churi; jupaw markaparux sumankañ churi.

Salmos 3:5

5 (6) Ikintkäsa, ikkäsa, uñatatkä ukapachasa: Tatituw nayarux yanapaskitu.

Salmos 4:8

8 (9) Nayax jan kuna llakiniw ikintta, mäkirakiw ikt'awayxta, Tatay, jumakiw iyawsañ chuyman jakayista.

Salmos 85:8

8 (9) Kuntix Tatitux arskän uk ist'ä: Diosax sumankañxat markaparux yatiyani, taqpach chuymamp jupar iyawsirinakaru, wasitat ñanqha jan lurapxañapataki.

Éxodo 23:29

Ukampisa, janiw uka jaqinakar mä maranak alisnukkäti, jan ch'usa wasar uraqir tukuskañapataki, janirak pampa animalanakas jumar jan wal lurañatak mirantaskañapataki.

Proverbios 3:24

Samart'askäta ukapachax janiw axsarayaskätati; ikintkxäta ukkhasa, jan axsarasaw ikxäta.

Proverbios 6:22

Uka arunakaw saräwiman irpätam, ikiskäta ukkhasti ukanakaw imätam, ikit sartkäta ukkhasti ukanakaw parlarakïtam.

Isaías 35:8

Ukansti mä thakhiw utjani, ukasti “Qullana Thakhi” satäniwa; khitinakatix jan q'umachatäpki, pisi amuyunïpkaraki ukanakax janiw uka thakhinjam sarnaqapkaniti.

Isaías 35:9

Ukan janiw leonanakax utjkaniti, janirakiw yaqha monte animalanakas jak'achasinkaniti. Qhispiyatanakaw uka thakhinjam kuttanxapxani,

Isaías 45:7

Nayaw qhansa ch'amaksa uskta, sumankañsa, chijinaksa nayaw apayanta. Naya Tatituw taqi ukanak lurta.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 31:26

Ukapachaw nayax uñatatta. Samkasiskakitätwa, ukampis uka samkax nayatakix wali sumapunïnwa.

Ezequiel 14:15

“Nayatix mä markar monte animalanak khitirista, uka markan utjir jaqinakar jiwarayapxañapataki, uka marka ch'usa wasarar tukuyapxañapataki, ukhamat monte animalanakar axsarasax uka chiqa jan khitis sarakipañapataki,

Ezequiel 14:17

“Nayatix aka markxar nuwasiñanak apayanirista, ukatsti uywanakana, jaqinakan jiwarayatäpxañapatak arsurista,

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Ezequiel 34:25

Jupanakampisti mä arust'äwiruw mantä, ukhamat mä suman jakasipxañapataki. Aka markatsti axsarkañ animalanak chhaqtayxä, ukhamat ovejanakaxan jan kun axsaras pampanakan jakasipxañapataki, ch'uminakansa ikisipxañapataki.

Ezequiel 34:27

Pampankir quqanakasti achunak churapxani, uraqis suma achunak churani, jupanakasti jan kun axsarasaw pachpa uraqipan jakasipxani. Kunapachatix nayax markaxaru t'aqhisiyirinakapat qhispiykä, ukapachaw jupanakax yatipxani, nayan Tatitütaxa.

Ezequiel 5:17

Jïsa, nayaw jumanakxarux mach'ampi, usunakampi, jiwañampi apayanï, monte animalanakaw wawanakamarux q'al manq'arani. Jumanakatsti, waljaniruw nuwasïwinakan jiwarayarakï. Naya, Tatituw uk arsta” sasa.

Oseas 2:18

18 (20) “Khä urunsti, Israel markatakix, pampankir laq'unakampi, jamach'inakampi, katarinakampix mä suma arust'äwiruw mantä, aka markatsti, nuwasiñ yänakap aparasin q'al t'unthapï, ukhamat markaxax samart'at sarnaqasxani.

Oseas 2:20

20 (22) Warmixaruw tukuyasïma, jumarukiw munasïma, ukapachaw jumax Tatiturjam uñt'asitäta.

Levítico 25:18

Nayan kamachinakaxarjam sarnaqapxam, arsutanakaxarus phuqhapxarakim. Ukanakarusti phuqhapxapunim, ukapachakiw uka uraqin kusisit jakasipxäta;

Levítico 25:19

uraqix suma achunak churani, jumanakasti uka uraqin kusisitaw jakasipxäta, uka achunaksa sist'asiñkamaw manq'asipxarakïta.

Levítico 26:22

Jumanakxarusti qullunkir qhuru animalanak antutanï, ukanakasti wawanakamsa, uywanakamsa q'al manq'antapxani, ukat jilt'irinakasti juk'akïxapxaniwa, thakhinakamas ch'usa wasarar tukutäniwa.

Levítico 26:25

Jumanakxarux mä nuwasiñ jutayä, ukaw juchanakam uñt'asiyapxätam nayan arust'äwi arunakax p'akintapxatamata, jumanakasti markanakamar imantasiriw jaltxapxäta; ukampis nayax usunak apayanipxäma, jumanakasti uñisiriman amparaparuw jalt'apxarakïta.

Levítico 26:7

Jumanakasti uñisirinakamarux jaltayapxätawa, espadampi jiwarayataw jumanak nayraqatan uñjasipxani;

Miqueas 4:4

Ukapachasti taqinis jan axsarasaw jakasipxani, sapa mayniw uva, higo alin ch'iwipana samart'asxarakini. ¡Aka arunakasti taqi ch'aman Tatitun kipka arunakapawa!

Sofonías 3:13

Israel markan jilt'iri jaqinakasti, jan wali luräwinakxa janiw lurkxapxaniti, k'arisiñsa apanukxapxaniwa, jupanakax sallqa arunaksa janiw parlkxapxaniti. Jupanakax jan kun axsarasaw manqt'asipxani, samart'apxarakini” sasa.

Hageo 2:9

Aka payïr utasti nayrïr utat sipan k'ajkirïniwa, ukansti suman sarnaqasiñ utjayarakï. Naya, taqi ch'aman Tatituw arsta.”

Zacarías 9:10

Jupaw Israelan nuwasiñ carronakap t'unjani, Jerusalenan caballonakapsa tukjani, nuwasïwin mich'inak antutt'añanaksa p'akirani. Markanak taypin sumañkañ yatiyani, maysa qutata, maysa qutakamaw apnaqani, Éufrates jawirat qalltasina uraq tukuykamaw marka sarayani.

Juan 14:27

“Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

Hechos 12:6

Mä arumaxa, Pedrox pani soldadonak taypin ikiskäna, pä cadenanakamp chinuntata. Anqansti, maynïr soldadonakax carcelar mantañ punku uñjasipkarakïna. Herodesax marka nayraqatan Pedror uñstayañ munkän uka nayräx uru.

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.