Levítico 26:5 - Qullan Arunaka DC

⁵ trigosti jumanakatakix uvanak apthapiñkamaw utjani, uvanakas yapuchañ urukamaw utjarakini; sist'asiñkamaw t'ant'sa manq'apxäta, markamansti wali sumanarak utjasipxäta.

Aymar Bibliia 1986

⁵ trigosti jumanacataquejj uvanac cosechapjjañamcamaw utjaraquini, uvanacasa yapuchañ horascamaw utjaraquini; sist'asiñcamaraquiw t'ant'sa mank'apjjäta, wali sumaracwa uca orakenjja utjasipjjäta.

Qullan Arunaca

⁵ trigosti jumanacataquejj uvanac cosechapjjañamcamaw utjaraquini, uvanacasa yapuchañ horascamaw utjaraquini; sist'asiñcamaraquiw t'ant'sa mank'apjjäta, wali sumaracwa uca orakenjja utjasipjjäta.

Levítico 26:5 Jak'a apnaqawi uñst'ayäwi

Salmos 144:13

Pirwanakaxax phuqhantatawa, kunayman manq'añanakampi phuqhantatawa. Uywanakaxax walipuniw miranti, uraqixan waranq waranqa tamanakaw mirantaraki.

Salmos 90:1

Tatay, mitat mita jaqinak taypin, jumaw nanakan imantasiñaxätaxa.

Éxodo 16:8

Moisesasti saskakïnwa: —Jayp'thapiruw Tatitux manq'añatak aycha churapxätam, willjtarusti walja t'ant'a churapxarakïtam, sist'asiñkamaw manq'apxäta. Jupax jumanakan arusitanakam ist'iwa, ¿kunatarak nanakatak arusipxtasti? Janiw jumanakax nanakatak arusipktati jan ukasti Tatitutakiw tuqisipxtaxa —sasa.

Proverbios 1:33

ukampis nayar ist'irixa, sumankañan jakasini, janiw kuna ñanqharus axsarkaniti.”

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 1:19

Jumanakatix jaysapxitäta ukaxa, kuntix uraqin sum achki ukanakat manq'asipxäta,

Isaías 30:23

Yapuchasitamar purxatañapatakisti, Tatitux jallu apayanïtam, ukhamat uraqix walja jilarkiri trigo achuntani. Uka urun uywanakamax walja manq'añanïpxaniwa.

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Oseas 2:18

18 (20) “Khä urunsti, Israel markatakix, pampankir laq'unakampi, jamach'inakampi, katarinakampix mä suma arust'äwiruw mantä, aka markatsti, nuwasiñ yänakap aparasin q'al t'unthapï, ukhamat markaxax samart'at sarnaqasxani.

Oseas 2:20

20 (22) Warmixaruw tukuyasïma, jumarukiw munasïma, ukapachaw jumax Tatiturjam uñt'asitäta.

Joel 2:19

sarakiwa: “Jichhax trigo, vino, aceite apayanipxäma, ukanakampi sist'asipxañamkama, Diosar jan uñt'ir jaqinakan jumanakat larusipxañap janiw munkäti.

Joel 2:22

Pampankir animalanaka, jan axsarapxamti, chhuxllanakax ch'uxñatatxaniwa, quqanakas achunak churxani, higosa, uvasa jilarkirirakiw utjani.

Joel 2:26

Jumanakasti sist'asiñkamaw manq'apxäta, Tatitu Diosamarurakiw yupaychapxäta, nayasti jumanakatakix jach'a muspharkañanak lurta. Markaxasti janipuniw mayampis p'inqachatäkxaniti,

Amós 9:13

“Urunakasti jutaskiwa, ukkhaw trigo yapu apthapisipkani ukapachax yapux qhulliñäxarakiniwa, janïraw uva apthapisax ch'irwañ tukuyapkaniti, ukkhasti trigox phawañäxarakiniwa. Jach'a qullunaka, jisk'a qullunak tuqsa vinox umjamaw jalani.

Mateo 23:37

“¡Jerusalén, Jerusalén, profetanakar jiwayir marka, Diosan khithanitanakapar qalampi k'upjir marka! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Hechos 14:17

Ukampis Diosax aski luratapampiw jupanakar uñacht'ayäna jupan jakatapa, alaxpachat jallunak apayanisa, suma achunak apayanisa, manq'añanak utjayasa, chuyman kusisiñ churasa.

Deuteronomio 11:15

ukhamat jumanakax suma manq'at sarnaqapxäta, uywanakaman manq'añapatakisti pampanakaman ch'uxñanak jilayarakini.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.