Levítico 26:4 - Qullan Arunaka DC

⁴ nayax jallunakxa pachaparuw apayanipxäma, uraqisa, quqanakasa suma achunak churapxani;

Aymar Bibliia 1986

⁴ nayajj jallunacsa horasaruw apayanipjjäma, orakesa uqhamarac frutanaca achuri kokanacasa wali sumwa achupjjaraquini;

Qullan Arunaca

⁴ nayajj jallunacsa horasaruw apayanipjjäma, orakesa uqhamarac frutanaca achuri kokanacasa wali sumwa achupjjaraquini;

Levítico 26:4 Jak'a apnaqawi uñst'ayäwi

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

Job 5:10

Jupaw akapachar jallu apayani, ukampiw yapunak qarpanti;

Salmos 104:13

Jumaw alaxpachatpach qullunakarux qarpantaxa, alaxpach umampiw uraqirux sisantaytaxa.

Salmos 67:6

6 (7) Uraqix achunakap churi; ¡Tatit Diosasaw askinak churistu!

Salmos 67:7

7 (8) ¡Diosax askinakap churistpan! ¡Akapachankirinakax jupar jach'añchapxpan!

Salmos 68:9

9 (10) Diosaxay, jumaw walja jallunak apayantaxa; markamax q'ala aynacht'atänwa, ukampis jumaw ch'am churtaxa.

Salmos 85:12

12 (13) Tatit pachpaw jallu apayanini, uraqisasti sum achurakini.

Salmos 85:13

13 (14) Aski kankañax jupan nayraqatap sarani, jupatakisti thakhi wakicharapini.

Isaías 30:23

Yapuchasitamar purxatañapatakisti, Tatitux jallu apayanïtam, ukhamat uraqix walja jilarkiri trigo achuntani. Uka urun uywanakamax walja manq'añanïpxaniwa.

Isaías 5:6

jan khiti tumpirin apanukurakïxa. Janiw khuchhurt'apkanisa, janirakiw qursupkanisa, quranakampi, ch'aphinakampiw chhaqtayani. Qinayanakarusti “jan uka yapunakxar jallumti” sarakïwa.

Jeremías 14:22

¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Ezequiel 36:30

Taqi quqanakan achunakap mirantayä, pampankir yapunakan achunakap mirantayarakï, ukhamat yaqha markanak nayraqatan manq'atjam jan mä p'inqa uñjasisipkañamataki.

Joel 2:22

Pampankir animalanaka, jan axsarapxamti, chhuxllanakax ch'uxñatatxaniwa, quqanakas achunak churxani, higosa, uvasa jilarkirirakiw utjani.

Levítico 25:19

uraqix suma achunak churani, jumanakasti uka uraqin kusisitaw jakasipxäta, uka achunaksa sist'asiñkamaw manq'asipxarakïta.

Levítico 25:21

Nayaw jumanakarux suxtïri maräki ukkhax walja achunak apayasinipkäma, uka achunakasti kimsa maratakix jilarkiriw apthapisini;

Zacarías 8:12

Sumankañaw jupanak taypin satatäxani. Uva yapunakax achu churani; uraqix suma achunak achuyani, alaxpachasti jallunakap apayanini. Nayasti taqi ukanak aka markankirinakat qhiparirinakarux churä.

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Hechos 14:17

Ukampis Diosax aski luratapampiw jupanakar uñacht'ayäna jupan jakatapa, alaxpachat jallunak apayanisa, suma achunak apayanisa, manq'añanak utjayasa, chuyman kusisiñ churasa.

Deuteronomio 11:13

“Jumanakatix jichha uruna churapksma uka kamachi arunakaru phuqhapxäta, ukatsti Tatit Diosamar munasipxäta, ukat taqi chuymampi, taqi jakañamampi yupaychapxarakïta ukkhaxa,

Deuteronomio 11:14

jupaw wakisitapar nayra jallsa qhipa jallsa apayanipxätam, jumanakan trigo, aceite, vino apthapipxañamataki,

Deuteronomio 28:12

Ukatsti jumatak suma imasitap jist'aranini, ukasti alaxpachawa, uraqinakamar wakisit pachapar jallu puriyaniñataki; ukatsti taqi irnaqäwinakamarux askinakampiw phuqt'ätam. Jumax walja markanakaruw mayt'äta, ukampis jumax janiw khititsa mayt'askätati.

Santiago 5:7

Ukampis jilatanaka, jumanakax Tatitun jutañapkamax llamp'u chuymanïpxam. Yapuchir jaqix achunak apthapiñatakix llamp'u chuymampiw jallupachan qalltañap suyt'i.

Apocalipsis 11:6

Jupanakax alaxpach jist'antañatakisa munañanïpxiwa, Diosat katuqat arunak parlapkani uka urunakan jallun jan puriñapatakisa, umanakan wilar tukuñapataki, akapach jaqinakar kunayman mutuñanakampi munataparjam qawqha kuti t'aqhisiyañatakis munañanïpxarakiwa.