Levítico 26:4 - Qullan Arunaca

⁴ nayajj jallunacsa horasaruw apayanipjjäma, orakesa uqhamarac frutanaca achuri kokanacasa wali sumwa achupjjaraquini;

Aymar Bibliia 1986

⁴ nayajj jallunacsa horasaruw apayanipjjäma, orakesa uqhamarac frutanaca achuri kokanacasa wali sumwa achupjjaraquini;

Qullan Arunaka DC

⁴ nayax jallunakxa pachaparuw apayanipxäma, uraqisa, quqanakasa suma achunak churapxani;

Levítico 26:4 Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

Job 5:10

Jupaw acapacharu jallu apayani, ucampiraquiw yapunacjja karpanti;

Salmos 104:13

Jumaw alajjpachatpach kollunacarojj karpantajja, alajjpach umampiw orakerojj sisantaytajja.

Salmos 67:6

Orakejj achunacap churi, Tatit Diosasaw asquinac churistu.

Salmos 67:7

¡Diosajj asquinacap churistpan! Acapachanquirinacasti jupar jach'añchapjjpan.

Salmos 68:9

Diosay, jumaw jilarquir umanac jalluntaytajja, wañantat orakemaruw ch'amañchtajja.

Salmos 85:12

Tatit pachpaw jall apayanini, orakesasti sum achuraquini.

Salmos 85:13

Asqui cancañajj jupan nayrakatap sarani, jupataquisti thac waquicharapini.

Isaías 30:23

Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.

Isaías 5:6

apanucuraquïwa. Janiraquiw qhuchhurt'apcanisa korsupcaraquinisa, koranacampi, ch'aphinacampiw chhaktayaraquini. Kenayanacarusti “Jan jupanacjjar jallumti” saraquïwa.

Jeremías 14:22

¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Ezequiel 36:30

Take kokanacarusa, orakenacarusa wali sumwa achuyjjaraquëjja, uqhamat jan yakha marcanac nayrakatan mank'atjama mä p'enka uñjasisipcañanacamataqui.

Joel 2:22

Pampanquir animalanaca, jan ajjsarapjjamti, pastonacasti ch'ojjñatatjjaraquiniwa, kokanacasti achjjaraquiniwa, higosa, uvasa jilarquiriraquiw utjani.

Levítico 25:19

Orakesti sumwa achuraquini, jumanacasti uca orakenjja cusisitaw jacasipjjaraquïta, ucatsti uca achunacjja sist'asiñcamaw mank'asipjjaraquïta.

Levítico 25:21

Nayaw jumanacarojj sojjtïri maräqui ucanjja bendicionanac apayasinipcäma, ucapachasti cosechjja jilarquiri quimsa marataquiw apthapipjjaraquïta;

Zacarías 8:12

Sumancañaw jupanac taypinjj satatänejja, uva yapunacasti achupjjaniwa, orakesti sumwa achuraquini, alajjpachasti sullanaca apayaniraquini. Nayasti churäwa take ucanaca aca marcan kheparasa utjnokapqui ucanacaru.

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Hechos 14:17

Ucampis Diosajj jupanacarojj yatiyänwa jupan jacatapa, jakenacar asqui luratap toke. Jupajjay jallsa, suma cosechanacsa churchistojja, uqhamarac walja mank'añanacsa jiwasanacan cusisiñasataqui —sasa.

Deuteronomio 11:13

“Jumanacatï Diosan camachi arunacapa jichha uruna churapcsma ucanaca phokhapjjäta, ucatsti Tatitu Diosamaru munapjjaraquïta, take chuymampi yupaychapjjaraquïta take jacañamampi ucqhajj,

Deuteronomio 11:14

juparaquiwa horasapar apayanipjjätam nayra jallsa khepa jallsa, jumanacan trigo, aceite, vino apthapipjjañamataqui.

Deuteronomio 28:12

Ucatsti jist'arätamwa uca imantat alajjpachapa, orakemar jallu munqui uc churaniñataqui, uqhamaraquiw bendicïtam take irnakañamarusa. Ucsti take marcanacaruw mayt'araquïta, ucampis jumajj janiw cunsa mayt'ascätati.

Santiago 5:7

Ucatpï jilatanaca, jumanacajj llamp'u chuymanïpjjamay Criston jutañapcama, yapu jakejj llamp'u chuymampiw jallupachan kalltañapjja suyt'i, ucatsti jall sarjjepansti yapu apthapjjaraqui.

Apocalipsis 11:6

Aca testigonacajj munañanïpjjewa alajjpacha jist'antañataquisa, uqhamata jupanacajj Diosjjat parlapcanis uca urunacajj jan jallojj puriñapataqui. Munañanïpjjaraquiw umsa wilar tucuyañataqui, uqhamarac acapachar cunayman mutuyañanacampi t'akhesiyañataquisa, kawkha cutitï jupanacajj munapcani ucqha cuti.