Levítico 25:18 - Qullan Arunaca

¹⁸ Nayan leyinacajjarjama sarnakapjjam, arsutanacajjarusti phokhapjjaraquim. Ucanacarusti phokhapjjapunim, ucapachaquiw uca orakenjja cusisita jacasipjjaraquïta.

Aymar Bibliia 1986

¹⁸ Nayan leyinacajjarjama sarnakapjjam, arsutanacajjarusti phokhapjjaraquim. Ucanacarusti phokhapjjapunim, ucapachaquiw uca orakenjja cusisita jacasipjjaraquïta.

Qullan Arunaka DC

¹⁸ Nayan kamachinakaxarjam sarnaqapxam, arsutanakaxarus phuqhapxarakim. Ukanakarusti phuqhapxapunim, ukapachakiw uka uraqin kusisit jakasipxäta;

Levítico 25:18 Jak'a apnaqawi uñst'ayäwi

1 Reyes 5:5

Ucatsti jichhajj mä templo Tatit Diosajjataqui luraña amtasta, ucasti cunjämatï Diosajj arscäna David awquejjampi, cunapachatï siscäna wawaparu jupajj reyit uchaña awquip lanti, uca wawapajj Diosan sutiparu mä templo lurayañapataqui.

Salmos 103:18

arust'äwiparjam sarnakerinacataqui, arsutanacaparjam phokherinacataqui.

Salmos 4:8

Nayajj jan cuna llaquiniw iquintta, mäquiw icjaracta, Tatay, jumaquiw iyawsañ chuymamp jacayistajja.

Proverbios 1:33

Ucampis qhititejj nayar ist'quitani ucajja, sumancañanwa jacasini, ucatsti janiw ajjsarayascaniti cuna jan walt'añanacansa.’

Jeremías 23:6

Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Jeremías 25:5

Jupanacasti jumanacarojj sapjjäyätamwa: ‘Jan wali sarnakäwinacamjja uqhamaraqui jan wali luräwinacamsa apanucupjjam, cawquïri oraktejj Tatitojj jumanacaru nayra awquinacamarusa churcatayna ucan wiñayataqui jacapjjañamataqui.

Jeremías 33:16

uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Ezequiel 33:29

Cunapachatejj nayajj aca marcjja wasara tucuyäjja c'ala t'unjata jaytäjja, ajjtascaña juchanaca lurapjjatap laycu, ucapachaw yatipjjani nayan Tatitütajja.’

Levítico 19:19

“Nayan leyinacajjsti phokhapunim. Uywanacamsti janiraqui yakha casta uywanacampi catusiyamti. Janipun orakemarojj take casta jathanaca chharktasin yapuchamti. Janiraqui take casta telanacat lurata isinacampi isisimti.

Levítico 19:37

“Uqhamasti take leyinacajjsa, uqhamarac arsutanacajjsa phokhapjjapunim. Nayätwa jumanacan Tatitu Diosamajja.”

Levítico 25:19

Orakesti sumwa achuraquini, jumanacasti uca orakenjja cusisitaw jacasipjjaraquïta, ucatsti uca achunacjja sist'asiñcamaw mank'asipjjaraquïta.

Deuteronomio 12:10

Ucampis cunapachatejj jumanacajj Jordán jawira qhurcataru maqhatjjapjjäta, ucatsti Tatitu Diosamas uca orake churapctam ucana jacapjjäta, uqhamaraqui take muyuntapctam uca uñisirimat khespitäjjapjjäta jan cunaru ajjsarasa,

Deuteronomio 33:12

Benjamín triburojj saraquïnwa: “Tatitu Diosan munatasti iyawsañampiw jacani; alajjpachanquir Diosaw wiñayatac imani. ¡Jupan imataw jacaraquini!” sasa.

Deuteronomio 33:28

Israel marcajj jan ajjsarasaw jacani, wawanacapasa samarañanwa jacapjjani. Orakenacapanjja trigo yapunaca, uva yapunacaw utjani, janiraquiwa jallusa pist'caniti alajjpachatjja.