Sofonías 3:13 - Qullan Arunaca

¹³ Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.

Aymar Bibliia 1986

¹³ Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.

Qullan Arunaka DC

¹³ Israel markan jilt'iri jaqinakasti, jan wali luräwinakxa janiw lurkxapxaniti, k'arisiñsa apanukxapxaniwa, jupanakax sallqa arunaksa janiw parlkxapxaniti. Jupanakax jan kun axsarasaw manqt'asipxani, samart'apxarakini” sasa.

Sofonías 3:13 Jak'a apnaqawi uñst'ayäwi

2 Crónicas 20:30

Uqhamawa Josafatan reinopajja sumaqui sarantäna, Diosaw jupar samara churäna marca jac'anacapampi.

Job 11:19

Samarañamansti janiw qhitis sustjcaraquïtamti. Waljaniw juman yanapama thakeri jutapjjani.

Salmos 119:3

jan cuna ñankha luririnacasa, Tatitun thaquipan sarnakerinacas cusisiñaniraquiwa.

Salmos 120:2

Tatay, c'ari parlirinacat jarc'aketa, c'arimp aynacht'ayir lajjrat khespiyita.

Salmos 120:3

C'ari lajjran jake, ¿cunarac catokätasti?

Salmos 23:2

suma ch'ojjña pastonacaruw samart'ayitu; k'oma uma thiyanacaruw awatitu,

Isaías 17:2

wiñayatac apanucutaw uñjasini, pastonacaquiraquiw ucanjja jiljjani; uywanacasti ucanwa c'uchiqui pasto mank'arapjjaraquini.

Isaías 35:8

Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.

Isaías 54:14

Cheka cancañaw jumarojj ch'amani tucuyätam, t'akhesiyatäñatsa ajjsarañatsa khespitaw uñjasiraquïta, jach'a ajjsarañas janiraquiw mayampsa jumarojj llaquisiycjjätamti.

Isaías 6:13

Inas mä kawkha jakenaca kheparapjjchini, ucanacas tucjataraquïniwa, cunjämatejj mä kokajj qhuchhunucusejja ucatsti tronco sapaquiw kheparjje —sasa. (Ucampis uca troncotjja mä suma kollana aliw ch'ichtanjjani).

Isaías 60:21

“Marcamanquiri take jakenacasti suma jakenacäniwa, orakepatsti wiñayataquiw jupanacancjjani; cawquïri altï nayajj ayrcäyätjja ucat sartirïpjjtawa, amparajjampi uscutäpjjtawa, nayan jach'a cancañajj uñacht'ayañataqui.

Isaías 63:8

Jupajj siwa: “Jupanacajj nayan marcajjawa, janiw aca wawanacajjajj ch'ojjña lurapquitaniti” sasa.

Isaías 65:10

Sarón sat vallesti uywanacampi phokt'atäniwa, Acor sat vallensti uywanacajj wali mank'arapjjaraquini, uca uywanacasti nayar thakeri marcancaniwa.

Jeremías 23:4

Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Ezequiel 39:26

Nayaw jupanacarojj wasitat yakha marcanacat tantachthapjjaraquëjja, uqhamaraqui uñisirinacan marcapäqui ucanacatsa; ucapachaw pachpa orakenacapan c'uchiqui jacasjjapjjani, janiraquiw qhitis jupanacarojj sustjcaniti. Uqhamatwa nayajj k'oma cancañajj uñacht'ayaraquëjja, walja marcanacaw ucjja uñjapjjaraquini. Israelitanacasti t'akhesipjjaraquiniwa jupanacar jisc'achañampi uñjatäpjjatapjja, nayar jan take chuyma arcapjjatap laycu.

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Levítico 26:6

Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Miqueas 4:4

Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!

Miqueas 7:14

“¡Tatitu, marcamarojj uñjamaya, juman ovejanacamaru, jupanacasti sapaquiw ch'umi mankhancasipqui, suma orakenacana! Anaquimaya nayrapachanacanjama, Basán, uqhamaraqui Galaad uca chekanquir pastonacaru.

Sofonías 2:7

Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Sofonías 3:5

Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Zacarías 8:12

Sumancañaw jupanac taypinjj satatänejja, uva yapunacasti achupjjaniwa, orakesti sumwa achuraquini, alajjpachasti sullanaca apayaniraquini. Nayasti churäwa take ucanaca aca marcan kheparasa utjnokapqui ucanacaru.

Zacarías 8:16

Acaw jumanacan lurapjjañamapunejja: Maynit maynicamajj cheka arunacpuni parlapjjam, chekaparaqui uñjapjjam, quejanacansti sumancaña utjayapjjam;

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Mateo 13:41

Jaken Yokapasti angelanacaparojj qhitaniraquiniwa, Diosan reinopata take juchanacar tincuyiri jakenacar apthapiri, uqhamarac qhitinacatejj jan asqui lurapqui ucanacarusa.

Juan 1:47

Jesusasti Natanaelaru jac'achasinquir uñjasajj sänwa: —Acajjay, chekpach israelitaw juti, jupansti janiraquiw cuna sallkjañas utjquiti —sasa.

Colosenses 3:9

Jan jumanacajj c'arintasipjjamti, nayra jacäwinacamsa, luräwinacamsa apanucjjapjjsta ucajja.

1 Pedro 3:14

Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa.

1 Juan 5:18

Yattanwa qhititejj Diosat awquinïqui ucajja, janiw juchan sarnakquiti Diosan Yokapan jupar imatap laycu, ucatsti Supayajj janiw llamct'quiti.

Apocalipsis 14:5

Janiraquiw cuna c'ari arunacas jupanacanjj utjcänti, Diosan nayrakatapansti jan cuna juchanïpjjänwa.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.