Jeremías 30:10 - Qullan Arunaca

¹⁰ “Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Aymar Bibliia 1986

¹⁰ “Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Qullan Arunaka DC

¹⁰ “Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 30:10 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Isaías 14:3

Israel marca, cunapachatejj Tatitojj t'akhesiñanacamat samaraycätam ucqhajja, uqhamaraqui llaquisitanacamata, jachcaña esclavo tucutamata samarañ churcätam ucqhajj

Isaías 35:9

Ucanjja janiw leonanacajj utjcaniti, janiraquiw monte animalanacas jac'achasincaniti. Uca thaquinjamwa khespiyatanacajj jutjjapjjani, qhitinacarutejj Tatitojj khespiyqui ucanacajja.

Isaías 43:5

Jan ajjsaramti, nayaw jumampïscta. Inti jalsu toketsa, inti jalanta toketsa, nayaw jakenacamjja anthapinjjä.

Isaías 44:1

“Jacobon marcapa, Israel, jichhajj ist'ita, sirvirejja, nayan ajllisita.

Isaías 44:2

Nayätwa jumar uscusir Tatitumajja, janïra taycaman puracapat nascta ucqhatpachwa jumarojj sayt'aysma yanaparacsma, Jesurún, Jacobon marcapa, jan ajjsaramti, sirvirejja, nayan ajllisita,

Isaías 46:11

Inti jalsu toket mä jakeru jawsta, jayatpach jupajj aycha mank'an jamach'ir uñtataw jutani, juparaquiw amtatanacajj-jja phokhani. Arstwa, uqham luraraquëjja; amtastwa, uca amtatanacajjsti phokharaquïwa.’

Isaías 46:13

‘Khespiyasiñarojj nayaw mäqui puriyanëjja, khespiyasiñajjajj janiw khept'caniti, janiraquiw jayancquisa. Nayaw Sionarojj khespiyasiñ churä, nayaraquiw Israelarojj jach'añchäwjj churä.’ ”

Isaías 49:12

“¡Uñtapjjam! Jayat jutapjje, Mayninacajj amstata, mayninacasti inti jalanta toketraqui, mayninacasti Asuán sisqui ucsa toketraqui jutapjje.

Isaías 49:25

Tatitusti uqhamäspaw siwa: “Ch'amani jakerojj aparapjjaniwa cuntejj guerran aparanqui ucjja, khoru jakerusti cuntejj jicjjatasqui ucjja apakapjjaraquiniwa. Naya quipcaw jumampi ch'ajjwqui uca jakempejj catjasëjja; naya quipcaraquiw wawanacamarus khespiyäjja.

Isaías 54:4

Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 23:4

Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Jeremías 23:6

Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Jeremías 23:8

jan ucasti aqham sasaw juramento lurapjjani: ‘Israelitanacaru amsta tokenquir marcanacata, cawqui marcanacarutejj ananuccatayna ucanacat cuttayanjjiri Tatitojj jacasquiwa’ sasa. Ucatsti pachpa utanacapan jacasipjjaraquini.”

Jeremías 29:11

Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.

Jeremías 29:14

Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 30:3

mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 33:16

uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Ezequiel 16:52

Jichhasti jumajj jisc'achjataw uñjasïta, cullacanacamat sipansa juc'ampi ajjtascañ jucha luratanacamampisti, cullacanacaman juchanacapajj janiw cunäquisa. Jichhajj jumaw uca t'akhesiñjja t'akhesïta, cullacanacamaru janis juchanïcaspa uqham uñstayatam laycu.

Ezequiel 38:11

Ucatsti saraquïtawa: ‘Mä pisi ch'ama marcar nuwjiriw sarä, cawqhantejj jakenacapajj c'uchiqui uqhamaraqui samarata jacasisipqui, take cawquïri marcanacatejj jan perkanacampi muyuntayatäqui, puncunacanïcaraquisa, trancanacapas utjcaraquiti ucanacaruw nuwjä.’

Daniel (hebreo) 12:1

“Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Oseas 2:18

“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.

Oseas 2:20

Esposajjaruw tucuyasïma, jumaruquiraquiw munäma, ucapachaw jumajj Tatiturjam uñt'asitäta.

Oseas 6:11

Uqhamaraquiw jumataquis, Judá, cunürücanitï mutuyäwimajj ucsa chimpt'jjaractwa.” “Cunapachatï Israel marcajjan cuttanjjañapa munta,

Joel 2:21

“Walpun cusisim orake, janirac ajjsaramti, Tatitusti jach'a luräwinacwa lurani uca laycu.

Miqueas 4:9

Jichhasti, ¿cunatrac uqham warartasti parto usumpi k'ewisir warmjama? ¿Janiti reyimajj juman utjcjjejja? ¿Jan ucajj amuyt'irinacamacha jiwarjje ucatch jachta?

Zacarías 3:10

Cunapachatï uca urojj purinjjani ucapachajj jumanacajj maynit maynicamaw suman kamart'añataqui jawsayasipjjäta uva alinacan higo kokanacan ch'iwipana. Naya take ch'aman Tatituw arstjja.’ ”

Juan 12:15

“Jan ajjsaramti, Sión marca; uñtam, Reyimaw juti, mä asnor konjjatata.”