Jeremías 30:11 - Qullan Arunaca

¹¹ Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Aymar Bibliia 1986

¹¹ Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Qullan Arunaka DC

¹¹ Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 30:11 Jak'a apnaqawi uñst'ayäwi

2 Samuel 24:12

“Davidar uñjiri saram, ucatsti nayan sutejjaru saraquim, nayajj juparu quimsa amtäwinac churä, ucatsti ajllispan, cuntejj jupajj nayan lurañajj munqui uca” sasa.

Salmos 6:1

Tatay, janiquiy k'apisiñamamp tokentistati; janirac tipusiñamampis mutuyistati.

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Isaías 43:25

“Ucampis nayajja, Diosamätajj laycojj, jake jiwayatanacamjja pichsmawa, juchanacamatsti janiw mayampsa amtascjjäti.

Isaías 8:10

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 1:8

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Jeremías 10:24

Cheka cancañamarjama asquichapjjeta, janiraqui colerasimti, jan ucasti t'unjapjjetasmawa.

Jeremías 15:20

Nayasti jumarojj aca marcataquejj broncet lurat perkjama tucuyaraquïma, jan atipcaya. Jumataquejj wali sartasipcani, ucampis janiw atipapcätamti, nayaw jumampi chicäscta, jumar khespiyañataquejja. Naya Tatituw uca arunacjja arsta.

Jeremías 4:27

Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Jeremías 5:10

¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Jeremías 5:18

Tatitusti sascaquiwa: “Uca urunacansti janiraquiw takpacha t'unjcäti.

Lamentaciones 3:22

Tatitun munasiñapasti, qhuyapayasiñapasa jan tucusquiriraquiwa.

Ezequiel 11:13

Nayan uqhama Tatitun sutipjjaru parlañajjcamasti, Benaniasan yokapa Pelatías jakesti jiwataw liwnoktawayi. Nayasti p'ekejja orakeru puriyañcamaraquiw alt'asta, wali jach'at art'aracta aqham sasa: “¡Ay Tata! ¿Israelat mä juc'a jilt'irinacarojj tucjaraquïtati?” sasa.

Ezequiel 6:8

Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.

Oseas 11:9

Janiw colerampi atipayascäti, janiraquiw Efrainarus tucjcäti; nayasti Diosätwa, janiw jakëcti uca laycu. Nayajj jumanac taypin utjasiri Kollana Diosätwa, janiraquiw jumar tucjiri jutcti.”

Levítico 26:44

“Take ucanaca pasquipansa uqhamarac jumanacajj uñisirinacaman marcapana jacapcäta ucasa, janiw nayajj jumanacarojj apanucupcämati, janiraquiw jisc'achapcämasa; janiraquiw jumanacarojj t'unjapcämati, uqhamarac cuna amtäwinacarutejj nayra awquinacamampi purcäyätjja ucanacatsa amtasipuniraquïwa, nayätwa jumanacan Tatitu Diosamajj uca laycu.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Hechos 18:10

Nayaw jumampïscta, janiw qhitis cuns camachcätamti. Walja jakenacaw aca marcanjj utjasquitu” sasa.

Deuteronomio 4:31

Diosasti suma chuymanïtap laycojj janiw jaytanucupcätamti ni t'unjapcätamsa, janiraquiw armascaniti cawquïri arust'äwirutï awquinacamampi mantawayqui ucanacsa, ni arupampi arsuwayqui ucanac phokhañsa.

2 Timoteo 4:22

Tatit Jesucristojj jumampipunïpan, uqhamarac Diosajj qhuyapayasiñapjja churpan take jumanacjjaru.