Levítico 26:25 - Qullan Arunaca

²⁵ Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Aymar Bibliia 1986

²⁵ Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Qullan Arunaka DC

²⁵ Jumanakxarux mä nuwasiñ jutayä, ukaw juchanakam uñt'asiyapxätam nayan arust'äwi arunakax p'akintapxatamata, jumanakasti markanakamar imantasiriw jaltxapxäta; ukampis nayax usunak apayanipxäma, jumanakasti uñisiriman amparaparuw jalt'apxarakïta.

Levítico 26:25 Jak'a apnaqawi uñst'ayäwi

2 Samuel 24:15

Uqhamasti Tatitojj mä jach'a usu apayanïna take Israel marcaru, ucärmanthi alwat kalltasina, cunürutejj tucusiñapäcäna ucacama, uqhamasti Dan sisqui uca marcata, Beerseba marcacamasti pakallko tunca waranka jakenacaw jiwarapjjaraquitaynajja.

1 Reyes 8:33

“Cunapachatï uñisirinacajj Israel marcamaru atipjapcani juchanaca juma nayrakatan lurapcani ucqhajja, ucatsti marcamatejj jumar cutt'anjjätam uqhamarac sutimarusa yupaycharaquini, ucat oracionapana aca templona mayisiraquïtam ucqhajja,

1 Reyes 8:37

“Cunapachatï aca orakena utjcani mach'anacasa, usunacasa, ayrunacasa lupimpi wañsjjani, sirq'is sirq'intjjani, t'ijut'ijunacasa wal utjani ucqhajja; cunapachatï uñisirinacajj marcanacajjaru muyuntasina nuwantapcani, jan ucajj cuna jan walt'añanacasa usunacasa jutani ucqhajja,

2 Reyes 17:3

Ucatjja Oseas reyirojj Asirianquir Salmanasar sat reyiw jutasina nuwantäna; Oseasasti jupar jaysasajj impuestonacwa jupar pagäna.

2 Crónicas 24:24

Sirio ejercitotjja mä juc'a tamaquiwa purinipjjäna, ucampis Tatituw amparanacaparu catuyäna mä jach'a ejército, jupanacajj nayra awquinacapan Tatitupar apanucupjjatap laycu. Uqhamaw Joás reyejj t'akhesïna cuna mutuyäwi catokañapatejj wact'cäna ucanac catokasina.

Salmos 94:1

Uqhämat uqhäm cutsuyasir Tatay, uqhämat uqham apsusir Diosay, uñachayasimaya.

Éxodo 5:3

Jupanacasti parlasipcaquïnwa: —Hebreonacan Diosapawa nanacaru jicjjatapjjetu, uca laycusti nanacajj sarjjapjjäwa wasaranjama quimsür sararu, ucanwa nanacan Tatitu Diosajjarojja sacrificionac loktanipjjäjja. Jupasti capasaquiw nanacarojj mutuyapjjetaspa usumpi, jan ucajj espadampi jiwarayasina.

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Isaías 65:12

Jichhajj jumanacarojj jan walt'añaquiw suyt'apjjtam; espadampi jiwarayatäpjjätawa. Nayasti jumanacarojj jawsapjjsmawa, jumanacajj janiw ist'apquistati uca laycu; parljjayapjjsmawa, janiraquiw ist'apquistasa; cuntejj nayajj jan munctjja ucwa lurapjjaractajja, cuntejj nayarojj jan munasquitu ucwa ajllipjjaractajja.”

Jeremías 19:7

Aca chekanwa Judá orakena, uqhamaraqui Jerusalén marcan amtatanacapjja t'unjä. Uñisirinacapampiw jupanacarojj atipjayä, jiwarayaraquï, jiwata janchinacapasti siwek'aranacana, montenquir animalanacan mank'apäniwa.

Jeremías 24:10

Jupanacjjarusti guerranacampi, mach'anacampi, cunayman usunacampwa apayaniraquëjja, cawquïri oraktejj jupanacaru nayra awquinacaparusa churcta ucanjja jan maynisa kheparañapcama.”

Jeremías 50:28

(Babiloniat jaltanjjeri jakenacaw Sionarojj purinipjje, cunjämsa Dios Tatitojj Babilonia marcarojj lurcatayna uca marcajj yakha marcanacaru uqhamaraqui Tatitun templopampi lurcatayna uqhamarjama, take ucanaca yatiyasisaw purinipjje.)

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 9:16

Cawquïr marcanactejj awquinacapasa ni jupanacasa uñt'apqui uca marcanac tokeruw ananucuraquï; espada ayt'ataraquiw jupanacarojj arcnakayä, jan maynis kheparañapcama.”

Lamentaciones 2:21

Callenacansti waynanacampi, chuymani jakenacampiquiw jiwarata liwirtasipqui; marcajjanquiri waynanacasa, tawakonacasa, espadampi jiwarayataw uñjasipjje, colerasiñama urunsti jiwarayañcamaw chhojjriñchjaractajja; ¡jan qhuyapt'ayasisaw jiwarayaractajja!

Ezequiel 14:17

“Nayatejj guerranaca aca marcjjaru apayanirista, uqhamaraqui uywanacana, jakenacana jacañanacapsa apakañataqui arsuraquirista ucapachajj,

Ezequiel 20:37

Nayaw jumanacarojj cunjämatejj mä awatirejj tamaparojj suma uñaquipqui uqhama uñjapjjaraquïma, ucatsti sumwa jacthapipjjaraquïma, cuna arust'äwitejj utjcän uca phokhañaruw uchapjjaraquïma.

Ezequiel 29:8

“Ucatpï naya, Tatitojj, sistjja: Egipto, nayaw jumarojj espadanacampi nuwjayäma, jakenacamsa, animalanacamsa jiwarayapjjaraquiniwa.

Ezequiel 33:2

“Jumajj chacha, marca masinacamaru parlam, ucatsti saraquim: ‘Cunapachatejj nayajj guerra mä marcaru apayanta ucapachasti uca marcanquiri jakenacajj mayniruw ajllipjje uñch'uquirïñapataqui.

Ezequiel 5:17

Jïsa, nayaw jumanacjjarojj mach'ampi, usunacampi, jiwañampi apayanëjja, uqhamaraqui jumanacjjarojj monte animalanacaw jutani, ucanacasti jan wawani jumanacarojj jaytapjjätam. Jumanacatsti, waljaniruw guerranacan jiwarayaraquëjja. Naya Tatituw ucjja arsta” sasa.

Ezequiel 6:3

aqham sasa: ‘Israel kollunaca, ist'apjjam, cuntejj Tatitojj sisqui: kollunaca, jisc'a kollunaca, jawiranaca, vallenaca. Jumanacjjarojj guerranac apayanipjjäma, jach'a kollunacan yakha diosanacamaru yupaychapcta uca chekanacsa k'alwa t'unjäjja.

Oseas 11:6

Marcanacapasti espadan tucjataraquïniwa, sayt'asiñ perkanacapasti tucjataraquïniwa, jupanacan pachpa amtatanacap laycu.

Levítico 26:6

Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Habacuc 3:5

Jupa nayrakatsti sariwa ajjsarcañ t'akhesiñanaca, khepapatsti jach'a fiebre usunaca.

Números 14:12

Jupanacarojj jiwarayiri usu apayanï jan uca orake catuntapjjañanacapataqui; ucampis jumarojj taket sipansa mä jach'a marca tucuyäma, jupanacatsa juc'ampi ch'amani —sasa.

Números 16:49

Uca usumpi jiwatanacajj tunca pusin waranka pakallko patacani jakenacänwa, ucampisa janiraquiw jact'atäpcänti cawquïri jakenacatejj jiwarapcäna Coré chachas Dios contra sartascäna ucanacatjja.

Números 31:3

Ucatsti Moisesajj marcaruwa parläna aqham sasa: —Jumanacatjja mä kawkhanejj armantasipjjam, waquichrantasipjjam, ucatsti nuwantapjjam madianaru, jupanacar phoksusiñataqui, Tatitu Diosan sutipjjaru.

Lucas 21:11

Utjaniwa jach'a orak qhathatinaca, mank'at awtjayasiñanaca, uqhamarac usunaca take chekana; alajjpachansti sustjascañanacampi uqhamarac jach'a unañchanacampiw uñjasini.

Deuteronomio 28:21

Diosaw mä azot'inac apayanïtam jumaru tucjañataqui cawquïri oraktejj catcäta ucana.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.

Deuteronomio 32:35

cawquïri phoksusiñ urutejj jutcani, ucata cuntï mayitaparjama churañataqui, cuna urutï aynacht'añapajj purincani ucqha. ¡Niyaw jac'ancjje t'unjatäñap urojja, niyaw jac'ancjje horasapajja!

Deuteronomio 32:41

Cunapachatejj lliphipquir espadajj afilasi, ucat cheka cancañajj laquintaraqui, ucapachaw uñisirinacajjatjja phoksusëjja. ¡Uqhamaraquiw phoksusëjja qhitinacatejj uñisipquitu ucanacatsa!

Jueces 15:11

Uqham ist'asinsti Judá tribunquir quimsa waranka jakenacasti tantacht'asiwayasajj Etam sat kala janqhara p'iyaruw sarapjjäna. Ucar purisajj Sansón chacharojj sapjjänwa: —¿Janiti yatcta filisteonacajj jiwasanacatsa juc'ampi ch'amanïtapjja? ¿Cunatsa aqhama jan walt'añanacar apantapjjesta? —sasa. Ucat Sansón chachajj saraquïnwa: —Janiw nayajj cuna jan walsa lurcti, jan ucasti jupanacawa nayarojj jan wali lurapjjetu —sasa.