Levítico 26:25 - Qullan Arunaka DC

²⁵ Jumanakxarux mä nuwasiñ jutayä, ukaw juchanakam uñt'asiyapxätam nayan arust'äwi arunakax p'akintapxatamata, jumanakasti markanakamar imantasiriw jaltxapxäta; ukampis nayax usunak apayanipxäma, jumanakasti uñisiriman amparaparuw jalt'apxarakïta.

Aymar Bibliia 1986

²⁵ Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Qullan Arunaca

²⁵ Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Levítico 26:25 Jak'a apnaqawi uñst'ayäwi

2 Samuel 24:15

Ukhamasti, Tatitux mä jach'a usu taqpach Israel markxar apayanïna, ukärmanthit qalltasina, kimsïr urukama; ukatsti Dan markata, Beerseba markakamax paqallq tunka waranqa jaqinakaw jiwaräna.

1 Reyes 8:33

“Kunapachatix uñisirinakax Israel markamar atipjkani, juma nayraqatan juchachasitap layku, ukatsti markamatix jumar wasitat makhatxasin sutimaru yupaycharakini, ukat aka utan mayisirakïtam ukkhaxa,

1 Reyes 8:37

“Kunapachatix aka uraqin mach'anakasa, usunakas utjani, ayrunakas lupimpi wañsxani, sirk'is sirk'intxani, t'iju t'ijunakas mirantxani; uñisirinakaxas markanakaxar muyuntasin katuntapkani, jan ukax kuna jan walt'añanakasa, usunakas jutkani ukapachasti,

2 Reyes 17:3

Ukatsti, Asiriankir Salmanasar reyiw jutasin Oseas reyir nuwantäna, juparusti atipjänwa, ukatsti qullqi churañapatakiw wayt'äna.

2 Crónicas 24:24

Sirio markan ejercitopax mä juk'a tama soldadonakakïkchïna ukasa, Tatitux mä jach'a ejército jupanakan amparaparux katuyäna, jupanakan nayra awkinakapan Tatit Diosapar apanukupxatap layku. Ukhamaw Joás reyix mutuyäwi katuqasax t'aqhisïna.

Salmos 94:1

¡Ukhamat ukham kutsuyasir Tatay, uñachayasikimaya!

Éxodo 5:3

Moisesampi, Aaronampisti juparux sapxänwa: —Hebreonakan Diosapaw nanakar jikxatapxitu, ukhamasti wasararuw sarapxä, kimsür sararu, ukan Tatit Diosaxar wilañchanak luqtanipxä, jan sarapkirista ukasti, jupax kuna usumpisa, jan ukax espadampkamas jiwarayapxakitaspawa —sasa.

Isaías 1:20

nayatak sayt'asisipkakïta ukasti, mä nuwasïwin jiwarapxäta.” Pachpa Tatituw uk arsu.

Isaías 65:12

jichhax jumanakarux jan walt'añakiw suyt'apxtam; espadampi jiwarayatäpxätawa. Nayax jumanakaruw jawsapxsma, jumanakasti janiw ist'apkistati; arxayapxsmawa, janirakiw ist'apkistasa; kuntix nayax jan munktxa uk lurapxtaxa, kuntix nayarux jan kusisiykitu uk ajllipxaraktaxa.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 24:10

Jupanakxarusti nuwasiñanakampi, mach'anakampi, kunayman usunakampi apayanï, ukhamat kawkïr uraqtix jupanakaru nayra awkinakaparusa churkta uka uraqit q'al chhaqtayarakï.”

Jeremías 50:28

(Babiloniat jaltanxir jaqinakaw Jerusalén markarux purinipxi, kunjämsa Tatitu Diosax Babilonia markarux Tatitun utap t'unjapxatapat q'al tukjkarakitayna ukanakat yatiyiri.)

Jeremías 51:11

Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!

Jeremías 9:16

16 (15) Ukatsti kawkïr markanaktix awkinakapasa, jupanakasa jan uñt'apki uka markanakaruw ananukurakï; espadas ayt'ataw jupanakar arknaqayä, taqinin jiwarañapkama.”

Lamentaciones 2:21

Waynanakampi, chuymani jaqinakampix marka thakhinakan jiwarataw liwirtasipki; markaxankir waynanakasa, tawaqunakasa, espadampi jiwarayataw uñjasipxi; phiñasiñam urunsti jiwarayañkamaw chhuxriñchjtaxa, ¡jan khuyapt'ayasisaw jiwarayaraktaxa!

Ezequiel 14:17

“Nayatix aka markxar nuwasiñanak apayanirista, ukatsti uywanakana, jaqinakan jiwarayatäpxañapatak arsurista,

Ezequiel 20:37

Nayaw jumanakarux kunjämatix mä awatirix ovejanakapar sum uñakipki ukham uñakipapxarakïma, mayat mayat markaxäpxañamatakix ajllipxäma, mä arust'äwi jumanakampix lurarakï.

Ezequiel 29:8

“ ‘Ukatpï naya, Tatitux sistxa: ‘Egipto, nayaw jumarux espadanakampi nuwjayäma, jaqinakamsa, uywanakamsa jiwarayapxarakiniwa.

Ezequiel 33:2

“Jumax Ezequiel, marka masinakamar parlam, jupanakarusti sarakim: ‘Kunapachatix nayax nuwasiñ mä markar apayankta ukapachax uka markankir jaqinakax mayniruw uñch'ukirïñapatak ajllipxi.

Ezequiel 5:17

Jïsa, nayaw jumanakxarux mach'ampi, usunakampi, jiwañampi apayanï, monte animalanakaw wawanakamarux q'al manq'arani. Jumanakatsti, waljaniruw nuwasïwinakan jiwarayarakï. Naya, Tatituw uk arsta” sasa.

Ezequiel 6:3

parlam, akham sasa: ‘Israel qullunaka, Tatitun arunakap ist'apxam. Tatitux jach'a qullunakaru, jisk'a qullunakaru, jawiranakaru, qhirwanakarux akham siwa: Jumanakxarux nuwasiñanak apayanipxäma, qullu patanakan diosanakamar yupaychañ chiqanak q'al t'unjä.

Oseas 11:6

Markanakapasti espadan tukjatäniwa, jupanakan pachpa amtatanakapatxa, sayt'asiñ pirqanakapas tukjatarakïniwa.

Levítico 26:6

Jumanakarux uka uraqin samarañ churapxäma, ukatsti jan kuna llakinikiw ikt'apxäta, nayaw jumanakan markamat monte animalanaksa, nuwasiñanakatsa jark'askä.

Amós 4:10

“Egipto markar apaykäyäta uka pachpa t'aqhisiñ jumanakarux apayanipxsma, waynanakarusti nuwasïwinakan jiwarayta, caballonakapsti uñisirinakaruw katxaruyta; nuwasïwin jiwaratanakan q'aphinakapsa mukhirayaraktwa, ¡ukampis jumanakax janiw nayan ukarux kuttanipktati!” Tatitux ukham siwa.

Habacuc 3:5

Axsarkañ t'aqhisiñanakaw jupan jutäwip yatiyi, qhipapatsti jach'a usunakaw jutaraki.

Números 14:12

Nayaw jupanakar jiwarayir usu apayanï, uka uraq jan katupxañapataki; ukampis jumarux taqit sipan mä jach'a markaruw tukuyäma, jupanakat sipan juk'amp ch'amani —sasa.

Números 16:49

49 (14) Ukürusti tunka pusin waranqa paqallqu patakan jaqinakaw jiwaräna, Coré chachamp chika jiwarapkatayna uka jaqinakar jan jakhusa.

Números 31:3

Ukat Moisesax markar parläna, akham sasa: —Jumanakat mä qawqhanix nuwasiñatak wakichrantasipxam, ukatsti Madián markar katuntapxam, jupanakat Tatitun sutipxar phuqsusiñataki, jiwasar jan yanapt'añ munapxatap layku.

Lucas 21:11

Taqi chiqan uraq khathatinaka, manq'at awtjayasiñanaka, usunakampiw utjani, alaxpachansti mulljaskañanakampi, jach'a unañchanakampiw uñjasini.

Deuteronomio 28:21

Kawkïr uraqtix katkäta uka chiqanxa Tatituw axsarkañ usuñanak jumar tukjañatak apayanini.

Deuteronomio 32:25

Thakhinakan wawanakapax espadampkam jiwarayataw uñjasini, uta manqhanakansa axsarañakiw utjani; yuqall wawasa, imill wawas jiwaraniwa, awkinakasa, ñuñuskir wawanakas jiwararakiniwa.

Deuteronomio 32:35

phuqsusiñ urux purinkani ukkhataki, aynacht'añapax purinkani ukkhataki. ¡Niyaw jak'ankxi jupanakar t'unjañ uruxa, niyaw jak'ankxi mutuyäwipaxa!’ sasa.

Deuteronomio 32:41

lliphipkir espadax ariptayä, uñisirinakaxar phuqsusiñataki. ¡Nayar uñisir jaqinakarux luratapatjam churä!

Jueces 15:11

Ukham ist'asinsti, Judá ayllunkirit kimsa waranqa jaqinakaw Etam chiqankir qarqa putur sarapxäna, Sansonarusti sapxänwa: —¿Janit yatkta filisteonakan jiwasanakat sipan juk'amp ch'amanïtapxa? ¿Kunatarak akham jan walt'añar puriyapxistasti? —sasa. Sansonasti sänwa: —Nayax kunjämtix jupanakax nayar lurapkitu, ukakirak nayax jupanakar lurta —sasa.