Levítico 26:26 - Qullan Arunaka DC

²⁶ “Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Aymar Bibliia 1986

²⁶ “Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Qullan Arunaca

²⁶ “Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Levítico 26:26 Jak'a apnaqawi uñst'ayäwi

2 Reyes 6:25

Ukham muyuntat uñjasipan, Samaria markan manq'at t'aqhisiñax utjäna, mä asno p'iqi alasiñax kimsaqallq tunka qullqïnwa, paloman mä juk'a wanup alasiñas phisqa qullqirakïnwa.

Salmos 105:16

Khä uraqirux mach'a apayanïna, manq'añanak jupanakat apaqäna.

Isaías 3:1

¡Jichhax wal amuyasipxam! Taqi ch'amani Tatitusti, Judá markatxa, Jerusalén markatsa, taqi yänakap apaqxani, manq'añanaksa, umañanaksa q'al apaqxani.

Isaías 5:10

Jach'a uraqir yapuchat uvasa, mä jisk'a turril vinok churani. Tunka khumu jathampi yapuchat yapusti, mä khumu trigok achuni.”

Isaías 9:19

19-20 (18-19) Taqi ch'amani Tatitun phiñasiñap laykuw aka markax q'ala nakhantayat uñjasi, ninasti markarux q'al nakhantasin tukji; pachpa wawanakapan aychanakap manq'apxi, jilanakapatsa janiw khuyapt'ayasipkiti. Akan mayniw uquntirix utji, ukampis manq'at awtjayasiskakiwa, khayansti maynirakiw manq'irix utji, janiw sist'askiti.

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Ezequiel 14:13

“Mä markatix nayatak sayt'asis jucha lurani, janirak taqi chuymampi arkkitani ukaxa, uka markarux mutuyäwa, manq'añ imasitanakapsti q'al apaqarakï. Uka markxarusti mach'a apayanirakï, jaqinakasa, uywanakasa manq'atjamaw jiwarapxani.

Ezequiel 4:10

Manq'amsti manq'añäki ukkhakiw manq'äta, sapa urusti chikat ukkhak manq'arakïta;

Ezequiel 4:16

Ukxarusti saskakituwa: “Jerusalén markansti manq'at pist'atäñ utjayä. Manq'sti juk'at juk'atak katuqapxani, umasa juk'at juk'atak churasini, jaqinakasti wali jach'a llakimpi, axsartañampiw manq'apxani, umt'apxarakini.

Ezequiel 4:17

Umas manq'as pist'akipuniniwa, jupanakkamasti wali axsarañampiw uñkatasipxani. Juchanak luratanakapatsti jakkirpacharakiw ñusantapxani” sasa.

Ezequiel 5:16

Nayaw jumanakxarux manq'at awtjayasiñ apayanï, ukasti axsarkañ t'unjir mich'inakar uñtatäniwa. Jïsa, jumanakxarux t'unjatäñampi, mach'ampi, manq'at pist'at sarnaqañampi apayanï.

Oseas 4:10

Niyakixay Tatitur yupaychañ apanukupxchixa, manq'asipkanisa, janiw sist'asipkaniti, yaqhanakampis wawanïñatak sarnaqasipkaniwa, ukampis janiw wawanïpkaniti.

Levítico 26:27

“Taqi ukanak katuqkasinsa janipun nayar ist'apkitäta, jan ukasti nayatak sayt'asisipkakïta ukasti,

Miqueas 6:14

Manq'askätawa, ukampis janiw sist'askätati, manq'atxa awtjayasiskakïtawa; taqi kunsa apthapiskätawa, ukampis jan kunanikiw uñjasiskäta, kunsa jikxatäta ukkhaxa, nuwasïwimpiw taqi ukanak t'unjayä.

Hageo 1:6

Jumanakax wal yapucht'apxtaxa, ukampis juk'ak apthapipxtaxa; manq'apxtawa, ukampis janiw sist'asipktati; umapxtawa, ukampis umat pharjatakïsipktawa; isthapisipxtawa, ukampis janirakiw junt'thapipktati; irnaqatat qullqi katuqapkta ukampix janiw kunsa jikxatapktati.