Miqueas 4:4 - Qullan Arunaca

⁴ Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!

Aymar Bibliia 1986

⁴ Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!

Qullan Arunaka DC

⁴ Ukapachasti taqinis jan axsarasaw jakasipxani, sapa mayniw uva, higo alin ch'iwipana samart'asxarakini. ¡Aka arunakasti taqi ch'aman Tatitun kipka arunakapawa!

Miqueas 4:4 Jak'a apnaqawi uñst'ayäwi

1 Reyes 4:25

Salomón reyejj jaccäna ucqhajja Judá, Israel jakenacajja, Dan ucata Beerseba ucqhacamajja samarataquiw jacapjjäna uva alinac thiyana, uqhamarac higo alinac thiyana.

1 Reyes 5:5

Ucatsti jichhajj mä templo Tatit Diosajjataqui luraña amtasta, ucasti cunjämatï Diosajj arscäna David awquejjampi, cunapachatï siscäna wawaparu jupajj reyit uchaña awquip lanti, uca wawapajj Diosan sutiparu mä templo lurayañapataqui.

Job 11:19

Samarañamansti janiw qhitis sustjcaraquïtamti. Waljaniw juman yanapama thakeri jutapjjani.

Salmos 72:3

Jach'a kollunacajj sumancañ apanpan, jisc'a kollunacas asqui cancañ puriyanpan.

Proverbios 3:25

Janiw ajjsarayascätati acatjamata ajjsaraña jutirirusa, janiraquiw juchararanacjjar tucjaña urojj jutcani ucarusa,

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Isaías 17:2

wiñayatac apanucutaw uñjasini, pastonacaquiraquiw ucanjja jiljjani; uywanacasti ucanwa c'uchiqui pasto mank'arapjjaraquini.

Isaías 22:25

‘Uca urunsti, cawquïr clavotejj uca chekan suma clavt'atäcän ucajj onjjtjjaniwa; waysutäniwa ucatsti jalaktjjaraquiniwa, take cunanacatejj ucan warct'atäcän ucanacasti p'aquirtjjaraquiniwa.’ ” Uqham siw take ch'amani Tatitojja.

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Isaías 32:17

Cheka uñjäwisti sumancañwa utjayani, samarañana sarnakasiña, jan ajjsarasa, ucasti wiñayataquïniwa.

Isaías 36:16

jan juparojj ist'apjjamti. Asirianquir reyejj qhitanipjjetuwa, jumanacajj jupampi sumar mantapjjañamataqui. Catuyasjjapjjam, ucatsti sapa maynis uva yapupatjja mank'asiscaniwa, higo yapupatsa uqhamaraqui, sapa mayniraquiw pachpa uma phuch'upat umasiscani.

Isaías 40:5

Ucapachaw Tatitojj c'ajquir cancañap uñacht'ayani, take jakenacaraquiw uñjapjjani. Pachpa Tatituw ucjja saraqui.”

Isaías 54:14

Cheka cancañaw jumarojj ch'amani tucuyätam, t'akhesiyatäñatsa ajjsarañatsa khespitaw uñjasiraquïta, jach'a ajjsarañas janiraquiw mayampsa jumarojj llaquisiycjjätamti.

Isaías 58:14

Uqhamtejj phokhätajja, cusisiñwa nayan jicjjatäta, nayasti jumarojj mä atipjirjamwa irpäma marcan kollu patanacap toke, Jacob awquiman herencianacapatwa cusisiyaraquïma.” Tatitu quipcaw ucjja arsu.

Jeremías 23:4

Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Ezequiel 34:25

Jupanacampisti mä arust'äwiruw mantaraquëjja, uqhamat mä suma jacasipjjañanacapataqui. Aca marcatsti uca ajjsarcañ animalanacjja chhaktayjjaraquïwa, uqhamat ovejanacajjajj pampanacan jani cuns ajjsarasa jacasipjjañanacapataqui, uqhamaraqui ch'uminacansa iquisipjjañanacapataqui.

Ezequiel 34:28

Yakha marcanacasti janipuniw jupanacarojj mayampsa catuntcjjapjjaniti, janiraquiw kamakenacas jupanacarojj mank'antcjjaniti. C'uchiquiw jacasipjjani jan qhitinsa ajjsarayata.

Ezequiel 38:11

Ucatsti saraquïtawa: ‘Mä pisi ch'ama marcar nuwjiriw sarä, cawqhantejj jakenacapajj c'uchiqui uqhamaraqui samarata jacasisipqui, take cawquïri marcanacatejj jan perkanacampi muyuntayatäqui, puncunacanïcaraquisa, trancanacapas utjcaraquiti ucanacaruw nuwjä.’

Ezequiel 39:26

Nayaw jupanacarojj wasitat yakha marcanacat tantachthapjjaraquëjja, uqhamaraqui uñisirinacan marcapäqui ucanacatsa; ucapachaw pachpa orakenacapan c'uchiqui jacasjjapjjani, janiraquiw qhitis jupanacarojj sustjcaniti. Uqhamatwa nayajj k'oma cancañajj uñacht'ayaraquëjja, walja marcanacaw ucjja uñjapjjaraquini. Israelitanacasti t'akhesipjjaraquiniwa jupanacar jisc'achañampi uñjatäpjjatapjja, nayar jan take chuyma arcapjjatap laycu.

Levítico 26:6

Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Miqueas 5:3

Jichhasti Tatitojj jupanquirinacarojj apanucuwa, ucampis cawquïr usur jake warmitejj utjqui ucan wawachasiñapcamaquiwa, ucatsti jaya marcar apanucuta israelitanacajj marca masinacapampiw tantacht'asjjapjjani.

Sofonías 3:13

Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.

Zacarías 3:10

Cunapachatï uca urojj purinjjani ucapachajj jumanacajj maynit maynicamaw suman kamart'añataqui jawsayasipjjäta uva alinacan higo kokanacan ch'iwipana. Naya take ch'aman Tatituw arstjja.’ ”