Miqueas 4:5 - Qullan Arunaca

⁵ Yakha marcanacajj pachpa diosanacaparuw jaysapjjejja, ucampis jiwasanacajj Tatitu Diosasarupuniw jaysañäni.

Aymar Bibliia 1986

⁵ Yakha marcanacajj pachpa diosanacaparuw jaysapjjejja, ucampis jiwasanacajj Tatitu Diosasarupuniw jaysañäni.

Qullan Arunaka DC

⁵ Yaqha markanakax pachpa diosanakaparuw jaysapxi, ukampis jiwasanakax Tatit Diosasarupuniw jaysañäni.

Miqueas 4:5 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

2 Reyes 17:29

Ucampis sapakat marcaw jupanacan pachpa diosapa lurasïna, cawqhantejj jacapcäna ucqhana, ucanacsti uchapjjänwa alto kollu patanacan santuarionacaparu, samaritano jakenacajj lurapcäna ucanacaru.

2 Reyes 17:34

Jichhürunsa lurasipcaquiwa cunjämtï nayrajj lurapcäna uqhama. Jupanacasti janiw Tatiturojj yupaychapquiti, leyinacaparjamasa ewjja arunacaparjamasa sarnakapquiti, yatichäwiparjamasa, camachi arunacaparjamasa phokhapquiti, ucanacsti Tatitojj churänwa Jacobon familiapana phokhapjjañapataqui, qhitirutejj Israel sasa sutichcäna ucaru.

Salmos 20:6

Jichhacuchaw yattjja: Tatitojj ajllit reyiparuw atipjayi, kollan alajjpachatpach juparojj ist'i, atipir amparapamp muspharcañanac luri.

Salmos 48:14

“Acapï Tatit Diosasajja” sasa. Jupaw wiñay irpirisajja.

Salmos 71:16

Tatay, jach'a luräwinacamat yatiyä, takpach asqui atipjatanacamat arsuraquï.

Isaías 2:5

¡Jacobon marcapa, jin sarañäni, Tatitun khanapanarac sarnakañäni!

Isaías 26:13

Tatitu, nanacan Diosajja, mayninacaw nanacarojj apnakapjjetojja, ucampisa jumaquïtaw nanacan apnakerejjajja, uqhamarac Tatitojjasa.

Isaías 26:8

Nanacas waliquiraquiw jicjjatasisipcta juman leyinacamarjam sarnakasajj, Tata; chuymanacajjasti jumatacracwa lup'iñ munasqui.

Jeremías 32:40

Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Zacarías 10:12

Nayaw ch'ama churapjjäma, sutejjanwa sarantapjjaraquinejja. Naya Tatituw, arojja churtjja.”

Hechos 14:16

Nayra urunacanjja Diosajj take jakenacarojj munañanacaparjamaquiw sarnakayäna.

Deuteronomio 27:10

Uqhamasti jumanacajj jaysapjjam, camachi arunacaparjama, leyinacaparjama sarnakasa.”

Colosenses 2:6

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.