2 Samuel 10:6 - Qullan Arunaca

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

Aymar Bibliia 1986

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

Qullan Arunaka DC

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

2 Samuel 10:6 Jak'a apnaqawi uñst'ayäwi

Génesis 34:30

Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

2 Samuel 10:5

Cunapachatejj Davidajj uc yatïna ucapachasti, jupanacaru catokapjjañapataquiw qhitäna, wali p'enkascañäpjjatap laycu, jupanacarusti Jericó marcaruw kheparayaraquïna, sunqhanacapa jilantayasipjjañapcama, ucat cuttjjapjjañapataqui.

2 Samuel 10:7

Ucampis Davidajj ucjja yatïnwa, ucatwa Joab jach'a jilïrirojj qhitaraquïna ejercitopan takpach soldadonacapampi.

2 Samuel 16:21

Ahitófelasti Absalonarojj saraquïnwa: —Awquiman warminacapampi iquintasim, cawquïrinactejj jupajj palacio uñjiri jaytawaycatayna ucanacampi, uqhamatwa take Israel marcan jakenacajj yatipjjani awquimampejj jan cuna lurañamas utj- jjatapa, uqhamaraqui jumar arquirinacasa juc'ampi ch'amañcht'asipjjaraquini —sasa.

2 Samuel 23:34

Elifelet sata Ahasbai sat jaken yokapampi, cawquïritejj Maaca sat jaken yokapäcaraquïna ucampi; Eliam jakempi cawquïritejj Gilo chekan utjasiri Ahitofel jaken yokapäcaraquïna ucampi.

2 Samuel 8:12

Edom, Moab, Amón, filisteonacata, amalecitanacata, uqhamaraqui cuntejj Hadad-ezer reyit guerran aparancataynas ucanacänwa. Uca Hadad-ezer jakesti Rehob jaken yokapänwa, Soba marcan reyipa.

2 Samuel 8:3

Davidasti Hadad-ezer sisqui uca Rehob jaken yokaparus atipjaraquïnwa, qhititejj Soba oraken reyïcan ucaru, cunapachatejj acajj wasitat orakenacapa Eufrates jawir token aptasjjañ munäna ucapacha.

2 Samuel 8:5

Ucatjja janc'aquiraquiw sirio jakenacajj purinipjjäna Hadad-ezer sisqui ucaru yanapt'añataqui, jupanacasti Damasco marcatwa purinipjjäna, Soba orakenquir reyipar yanapt'añataqui, ucampisa Davidajj uca sirionacarus atipjaraquiquïnwa, jupanacatsti pä tunca payan waranka jakenacaruw jiwarayaraquïnjja.

1 Reyes 11:24

Jupasti mä kawkha chachanacwa tantachäna, ucatsti jupajj mä tama lunthatanacan p'ekechiripänwa. Cunapachatï Davidajj jakenacar jiwaraycäna ucqhajja, Rezón chachajj Damasco marcaruwa sarjjäna, ucansti reyitwa utt'asjjäna.

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

Salmos 48:4

Acapachanquir reyinacajj mayaquiw jupataquejj sayt'apjje;

Éxodo 5:21

Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja.

Proverbios 25:8

Cuntï nayramampi uñjcäta ucjja jan mäqui tribunalaru yatiyiri saramti, yakha testigo jakesti yakharacwa khanañcharaquispa uca laycu, ucatsti jumajj tucuyarojj janiw camachcasmasa.

Jeremías 40:8

takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Jeremías 46:21

Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Deuteronomio 3:14

(Manasés tribun Jair sutini yokapajj Argob sat orakenacwa catuntasjjäna, Gesur, Maaca orakenacampis korpasqui uca chekacama, ucatsti sutinchänwa Basán orakerojja Havot-jair sasa pachpa sutipampi, cawquïr sutimpitï jichhürunsa uñt'atäsqui uqhama.)

Jueces 11:3

Ucatsti Jefté satajja utapata sarjjasinjja Tob sat chekaruw jaquir sarjjäna. Ucansti jupajj wali khoru jakenacampiw mayachasjjäna; cunjämarutejj sarnakañ munapqui uqhamaruw sarnakapjjäna.

Jueces 11:5

Galaad sat chekanquir jilïrinacajja Tob sat chekarojj Jefté sat chacharu jawsiriw qhithapjjäna.

Jueces 18:28

Uca marcasti, Sidón sat marcatjja jayancänwa, uqhamarac janiw cawqui marcampis sumanccänti uca laycusti janiw qhiti arjjatirisa utjcänti. Aca marcasti Bet-rehob sat vallencänwa. Uca khepatsti danitanacajja wastatampiw marcjja lurapjjäna, ucanwa jacjjapjjaraquïna.

1 Samuel 13:4

Take israelita jakenacasti yatipjjaraquïnwa, Saúl reyejj filisteo soldadonacarojj k'ala tucjatapa, ucat filisteo jakenacajj israelitanacaru wali uñisipjjäna, ucatpï ejercitojj Saúl reyimpi tantacht'asïnjja Gilgal sisqui uca chekana.

1 Samuel 27:12

Aquis reyisti Davidarojj suma jaket uñt'araquïna, chuymapansti saraquïnwa: “Davidajj israelitanacarojj uñisjjewa, uqhamasti nayan servirijjapunïniwa” sasa.