Jeremías 46:21 - Qullan Arunaca

²¹ Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Aymar Bibliia 1986

²¹ Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Qullan Arunaka DC

²¹ Qullqi layku nuwasir soldadonakapasti, lik'i vaca qallunakjamäpxiwa, jupanakasti jalakamakiw mistuwayxapxani, janirakiw sayt'asiñatakix ch'amanïpkaniti, t'unjatäñap urusti puriniwa, mutuyatäñ pachapas purinirakiwa.

Jeremías 46:21 Jak'a apnaqawi uñst'ayäwi

2 Samuel 10:6

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

Salmos 37:13

Tatitusti jupat larusiwa, tucusiñ urup purinitap yati.

Proverbios 15:17

Vaca aycha uñisiñampi mank'añat sipansa, juc'amp asquiwa munasiñampi ch'ojjñanaca mank'añajja.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Isaías 34:7

Vaca kallunacasa, toro vacanacasa, búfalo sisqui uca uywanacjamaw liwirtapjjaraquini; orakepasti wilampi jurichjatäniwa, lak'asti liq'inacampi k'ala lluch'sutaraquïniwa.

Jeremías 18:17

Inti jalsu toket jutir thayjamaw Israelarojj ananucu; uñisirinacapatsti jaltayaraquïwa. Nayajj jupanacataquejj mayswa uñtäjja, janiw uñcatcäti, mutuyäwipajj purincani uca urojja.”

Jeremías 46:22

Egiptosti mä asirjama qhuyt'asisaraquiw jaltjjani, cunapachatejj ejercitonacajj jac'achasinini, hachanacampiw nuwantapjjaraquini, kokanacäpcaspas uqhamwa phat'anucupjjaraquini.

Jeremías 46:5

“¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Jeremías 46:9

“¡Caballeriajj sarantpan! ¡Carronacasti nayraru sarantapjjpan! ¡Guerran nuwasirinacasti sarantapjjpan; Etiopía, Libia tokenquir soldadonacasti escudonacampi armantata sarantapjjpan; Lidianquiri soldadonacasa, jupanacasti wali sum arconacjja apnakañ yatipjjpan!

Jeremías 48:44

Jiwayirinacat jaltirejja p'iyaruw jalantapjjani, uca p'iyat misturinacasti sipitaruw jalt'apjjaraquini, nayaraquiw Moab marcjjarojja mutuyäwipan urupjja apaniraquï.

Jeremías 49:8

Dedán marcanquir jakenaca, jalacamaqui mistuwayjjapjjam, sum imantasiri sarjjapjjam. Esaú marcsti t'unjaraquïwa; nayan jupanacaru mutuyañ horasasti purinjjaraquiwa.

Jeremías 50:11

“Jumanaca, caldeonacasti, marcajjaru k'epsurinaca, ¡jichhajj cusisipjjam, c'uchirt'asipjjaraquim! ¡Vaca kallur uñtat paston sinc'usipjjam! ¡Caballonacjamaraqui wararipjjam!

Jeremías 50:27

¡Take soldadonacaparusti thiyat jan mayani jiwarayapjjam! ¡Mataderoru anaquipjjaraquim! ¡Ay, jupanacata! ¡Jupanacan urupajj puriniwa!. ¡Mutuyäwi catokaña urupas puriniraquiwa!

Ezequiel 30:22

Ucatpï naya Tatitojj sistjja: Nayajj egiptonquir Faraón reyin uñisiripaw tuctjja. Paypach amparanacapwa p'aquiräjja, c'umara amparamppacha, cawquïritejj p'aquitäcän ucamppacha, ucatsti amparapan espada ayt'atäquis ucsa liwinucusiyaraquïwa.

Ezequiel 35:5

“Jumasti israelitanacan wiñay uñisiripaw tuctajja, cunapachatejj jupanacajj jucha luratanacapat mutuyäwi catokasipcäna ucapachaw jumajj nuwaractajja.

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Amós 6:4

Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Abdías 1:13

T'akhesiña urupansti janiw marcajjarojj mantañamäcänti. Chijir puritapatsti janiraquiw cusisiñamäcänti jan walt'añ urupanjja, uqhamaraqui aynacht'añ urupansti janiw kamir cancañapjja lunthatañamäcänti.

Miqueas 7:4

Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Mateo 22:4

Yakha uywatanacaracwa wastata qhitaraqui jawsaniñapataqui: ‘Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan’ sasa.

Deuteronomio 32:15

“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.