2 Samuel 16:21 - Qullan Arunaca

²¹ Ahitófelasti Absalonarojj saraquïnwa: —Awquiman warminacapampi iquintasim, cawquïrinactejj jupajj palacio uñjiri jaytawaycatayna ucanacampi, uqhamatwa take Israel marcan jakenacajj yatipjjani awquimampejj jan cuna lurañamas utj- jjatapa, uqhamaraqui jumar arquirinacasa juc'ampi ch'amañcht'asipjjaraquini —sasa.

Aymar Bibliia 1986

²¹ Ahitófelasti Absalonarojj saraquïnwa: —Awquiman warminacapampi iquintasim, cawquïrinactejj jupajj palacio uñjiri jaytawaycatayna ucanacampi, uqhamatwa take Israel marcan jakenacajj yatipjjani awquimampejj jan cuna lurañamas utj- jjatapa, uqhamaraqui jumar arquirinacasa juc'ampi ch'amañcht'asipjjaraquini —sasa.

Qullan Arunaka DC

²¹ Ahitofelasti ukxaruw Absalonar säna: —Awkiman uñt'at warminakapamp ikintasim, reyi uta uñjir jaytawayki ukanakampi, ukhamat Israel markan jaqinakax awkimar uñisitam amuyapxani, ukatsti jumar arkirinakax juk'amp ch'amañchasini —sasa.

2 Samuel 16:21 Jak'a apnaqawi uñst'ayäwi

Génesis 34:30

Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

Génesis 35:22

Mä uru Israelajj uca chekan jaccäna ucqhajja, Rubenajj Bilha warmin ucaruw saratayna, ucatsti ucampiw iquintatayna, uca warmisti awquipan uñt'atapänwa. Uc yatisinsti Jacob awquipajj walpun colerasïna. Jacobon wawanacapajj tunca payanïnwa.

Génesis 38:16

Thaquit maysaru saraktasinsti uca warmiruw jicjjati, janiraquiw yojjch'apätapjja yatcänti, ucatsti sänwa: —Nayajj jumampiw iquintañ munta —sasa. —¿Nayampi iquintasasti cunsa churitäta? —sasaw warmejj saraquïna.

Génesis 6:4

Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.

2 Samuel 10:6

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

2 Samuel 12:11

Naya Tatituw acjja arsta: Jichhasti jan walt'añanacjja juma contrajj pachpa utamatwa sartayäjja, juman uñjcataraquiw warminacamarus pachpa familiamat mayniru catuyaraquëjja, jupajj urpachaw uca warminacampejj iquintaraquini.

2 Samuel 13:5

Ucatsti Jonadab jakejj saraquïnwa: —Uqhamajj iquiñar mantam, ucatsti usuta tucuraquim. Cunapachatejj awquimajj jumar uñjir jutani ucapachajja, awquimarojj saraquïtawa: ‘Tamar cullacajjaru nayar uñjañapataqui qhitanita, aca pachpanaraqui phayarapitpan nayan uñjcata, uqhamat nayajj cuntejj jupajj churquitani uca mank'asiñajjataqui’ sasaw säta.

2 Samuel 15:16

Uqhamaw reyejj, kawkhanitejj palaciopan utjcän ucanacampi chica mistuwayjjäna. Tunca warminacaparuquiw jaytawayatayna palacio uñjapjjañapataqui, uca warminacasti reyin warminacapänwa.

2 Samuel 16:20

Ucata juc'ampi kheparusti Absalonajj Ahitófel jakerojj jisct'araquïnwa: —¿Camsapjjtas jumanacajja? ¿Cuna lurañasas waquisi? —sasa.

2 Samuel 17:7

Husai chachasti saraquïnwa: —Jichhamänjja, Ahitofelan amtatapajj janiw walïquiti.

2 Samuel 2:7

Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

2 Samuel 20:3

Cunapachatejj Davidajj palacioparu, Jerusalén marcat cuttanjjän ucapachasti, cawquïri tunca uñt'atanacaparutejj palacio uñjapjjañapataqui jaytawaycataynasa ucanacwa irptasjjäna, ucatsti mä utaruw irpantayjjaraquïna, wali suma guardiataraqui. Ucanwa jupanacarojj uñjayascäna, ucampisa janiraquiw maynirusa warmiscänti. Uqhamaw jupanacajj ucan jacapjjäna, jist'antata, ijma warminacjamaraquiw jacapjjäna jiwaña urunacapcama.

1 Reyes 11:25

Jupasti Salomonan jacañapcamajja Israelan uñisiripänwa; jupajj cuna jan walinactejj Hadad chachajj lurcän ucanacaruw mayachasïna, ucampis Israel marcarojj uñisïnwa. Uqhamatwa Rezón chachajj Siria marcan reyipa tucuwayäna.

1 Reyes 2:17

Jupasti sänwa: —Achict'assmawa, Salomón reyiruya mayirapita, sunamita Abisag tawako warmejjataqui churjjañapataqui; jupasti jumarojj janiw ‘Janiw’ siscätamti —sasa.

1 Reyes 2:22

Reyisti ucjjarojj taycaparojj sänwa: —¿Cunatsa mayistajja sunamita Abisag tawakjja Adoniasan warmipataquijja? ¡Reyïñajja jupar churjjañajjaquiw ucjjaru mayiñamajj wact'jjtamjja, jupajj jilïr jilajjätapata, ucatsti Abiatar sacerdotesa, uqhamarac Sarvia jaken Joab yokapasa jupampïtap laycuraqui! —sasa.

Levítico 18:8

“Jan awquimarojj ñankhachamti, warmiparu warmisisajja.

Levítico 20:11

“Maynitejj awquipan warmipampi iquintchi ucasti awquiparuwa ñankhachasqui. Uca laycu ucanacasti chachamppacha, uqhamarac warmimppacha jiwayatäñataqui juchañchatäñapawa, uqhamarusa jupanacawa jiwatapatjja juchanïsipcani.

Zacarías 8:13

Jumanacasa, Judá marcasa, Israel marcasa maldecitäpjjänwa yakha marcanac taypinjja. Jichhajj uqhamaracwa nayajj khespiyäjja, bendecitaracwa tucuyaraquëjja. ¡Jan ajjsarapjjamti! ¡Ch'amañchasipjjam!”

1 Corintios 5:1

Jilatanaca, yatisiw jumanac taypinjja jan wali sarnakerin utjatapa. Maynejj pachpa madrastra taycaparuwa warmisjje. Ucajj jan walipuniwa. Janiw uqhamjja Diosar jan uñt'ir jakenacas lurquiti.

1 Samuel 13:4

Take israelita jakenacasti yatipjjaraquïnwa, Saúl reyejj filisteo soldadonacarojj k'ala tucjatapa, ucat filisteo jakenacajj israelitanacaru wali uñisipjjäna, ucatpï ejercitojj Saúl reyimpi tantacht'asïnjja Gilgal sisqui uca chekana.

1 Samuel 27:12

Aquis reyisti Davidarojj suma jaket uñt'araquïna, chuymapansti saraquïnwa: “Davidajj israelitanacarojj uñisjjewa, uqhamasti nayan servirijjapunïniwa” sasa.