2 Samuel 16:21 - Qullan Arunaka DC

²¹ Ahitofelasti ukxaruw Absalonar säna: —Awkiman uñt'at warminakapamp ikintasim, reyi uta uñjir jaytawayki ukanakampi, ukhamat Israel markan jaqinakax awkimar uñisitam amuyapxani, ukatsti jumar arkirinakax juk'amp ch'amañchasini —sasa.

Aymar Bibliia 1986

²¹ Ahitófelasti Absalonarojj saraquïnwa: —Awquiman warminacapampi iquintasim, cawquïrinactejj jupajj palacio uñjiri jaytawaycatayna ucanacampi, uqhamatwa take Israel marcan jakenacajj yatipjjani awquimampejj jan cuna lurañamas utj- jjatapa, uqhamaraqui jumar arquirinacasa juc'ampi ch'amañcht'asipjjaraquini —sasa.

Qullan Arunaca

²¹ Ahitófelasti Absalonarojj saraquïnwa: —Awquiman warminacapampi iquintasim, cawquïrinactejj jupajj palacio uñjiri jaytawaycatayna ucanacampi, uqhamatwa take Israel marcan jakenacajj yatipjjani awquimampejj jan cuna lurañamas utj- jjatapa, uqhamaraqui jumar arquirinacasa juc'ampi ch'amañcht'asipjjaraquini —sasa.

2 Samuel 16:21 Jak'a apnaqawi uñst'ayäwi

Génesis 34:30

Ukat Jacobux Simeonampiru, Levimpirux säna: —Ukham luratanakamampixa, jumanakax jan walt'añanak utjayarapipxistaxa. Jichhax aka chiqankir cananeonakasa, ferezeonakasa uñisipxitaniwa. Mayacht'asisax nayatakiw sayt'asipxani, jiwasax juk'anikïtanwa, taqinirupuniw jiwarayistani —sasa.

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

Génesis 38:16

Thakhit maysaru saraqtasinsti, uka warmiruw jikxatäna, janiw yuxch'apätap yatkänti, ukat säna: —¿Jumamp ikintaskiristti? —sasa. Warmisti ukxaruw jiskt'äna: —¿Nayampi ikintasinsti kunarak churitätasti? —sasa.

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

2 Samuel 10:6

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

2 Samuel 12:11

Naya, Tatituw arsta: Jumatakisti jan walt'añanak pachpa utamat sartayä, juman uñjkataw warminakamarux pachpa utamankirit maynir katuyarakï, jupasti uru qhanan uka warminakampix ikintarakini.

2 Samuel 13:5

Jonadab jaqisti akham sarakïna: —Ikiñar ikintam, ukatsti wali usutäkasmas ukhamaw tuküta. Awkimax jumar uñjir jutkani ukkhasti, juparux akham säta: “Tamar kullakaxar nayar uñjir khithanita, aka pachpan manq'a phayt'arapitpan nayan uñjkata, churkitani uk manq'asiñaxataki” sasa, ukhamat jumax jupar uñjäta, churkätam uksa manq'asirakïta —sasa.

2 Samuel 15:16

Ukhamaw David reyix, qawqhanitix reyi utan utjkän jupanakamp chika mistuwayxäna. Tunka warminakaparukiw jaytawayäna reyi uta uñjapxañapataki.

2 Samuel 16:20

Ukat qhiparusti Absalonax Ahitofelaruw jiskt'arakïna: —¿Kuns jumanakax amuyt'apxta? ¿Kun lurañasas wakisi? —sasa.

2 Samuel 17:7

Husai chachasti sarakïnwa: —Ahitofelan amtatapax jichha kutix janiw walïkiti.

2 Samuel 2:7

Jichhasti jumanakax ch'am katxatapxam, janirak thayjtapxamti, jumanakar apnaqir Saúl reyix jiwatäkchi ukasa, jichhasti Judá ayllunkirinakaw nayar reyit utt'ayitu jumanakar apnaqañataki” sasa.

2 Samuel 20:3

Kunapachatix Davidax Jerusalenan utjir reyi utapar purkän ukapachasti, reyi uta uñjapxañapatak jaytawaykatayna uka tunka uñt'at warminakaparux, mä utaruw irpantayäna, ukarusti uñch'ukirinak ucharakïna. Davidax ukan jupanakarux uñjayaskäna, ukampis janiw maynirus warmiskänti. Ukhamaw jupanakax ukan jist'antatäpxäna, ijma warminakjamarakiw jiwañ urunakapkam jakapxäna.

1 Reyes 11:25

Jupasti Salomonan jakañapkamax Israelan uñisiripänwa; Hadad chachamp chikasti jan walinakpun Salomonarux luräna, Israel markar uñisitap layku. Ukhamat Rezón chachax Siria markan reyipar tukuwayäna.

1 Reyes 2:17

Adoniasasti sarakïnwa: —Achikt'asïma, Salomón reyiruy mayirapita, Abisag sunamita tawaqu warmixäñapatak nayar churañapataki. Jupasti janiw jumarux “Janiw” siskätamti —sasa.

1 Reyes 2:22

Reyisti ukxaruw taykapar säna: —¿Kunatarak jumasti Abisag sunamita tawaqu Adoniasan warmipäñapatak nayar mayistasti? Adoniasax jilïr jilaxawa, ukhamarus Abiatar sacerdotempi, Seruiá jaqin Joab yuqapampix jupamp arust'ächixaya. ¿Marka apnaqäwimppachti jupatak mayiñ munistaxa? —sasa.

Levítico 18:8

“Awkimarux jan ñanqhachamti warmipar warmisisaxa.

Levítico 20:11

“Maynitix awkipan warmipar warmischi ukasti, awkiparuw ñanqhachaski. Uka layku, chachamppacha, warmimppach jiwayatäñatak juchañchatäñapawa, ukhamarus jupanakpachaw jiwatapat juchanïsipkani.

Zacarías 8:13

Judá markankirinaka, Israel markankirinaka, jumanakax yaqha markanak taypinxa taqinin ñanqhachat markäpxäyätawa, jichhax nayaw qhispiyapxäma, askiruw tukuyapxäma. ¡Jan axsarapxamti! ¡Ch'amañchasipxam!”

1 Corintios 5:1

Jumanakat maynix awkipan qhipa warmipampi sarnaqatapaw yatisi. Ukham sarnaqañax janipuniw akch'as walïkiti, janiw Diosar jan uñt'ir jaqinak taypinsa ukham sarnaqirix utjkiti.

1 Samuel 13:4

Israelitanakasti, Saúl reyin filisteo soldadonakar tukjatap yatipxäna, ukat filisteonakax israelitanakar wal uñisipxäna, ukhamasti soldadonakax Saúl reyimpiw Guilgal chiqan tantachasipxäna.

1 Samuel 27:12

Aquís reyisti Davidarux suma jaqit uñt'äna, chuymapansti sarakïnwa: “Davidax israelitanakar uñisxiwa, jichhakuchaw nayan luqtirixäni” sasa.