2 Samuel 16:22 - Qullan Arunaka DC

²² Ukat Absalonatakix uta patar mä carpa lurt'arapipxäna, ukan Absalonax awkipan uñt'at warminakapamp ikintasïna; taqpach israelita jaqinakan uñjkaña.

Aymar Bibliia 1986

²² Uqhamasti Absalonataquejj azotea pataruw mä carpa carpt'arapipjjäna, ucanwa Absalonajj awquipan warminacapampi iquintasiraquïna; take israelita jakenacan uñjcaña

Qullan Arunaca

²² Uqhamasti Absalonataquejj azotea pataruw mä carpa carpt'arapipjjäna, ucanwa Absalonajj awquipan warminacapampi iquintasiraquïna; take israelita jakenacan uñjcaña

2 Samuel 16:22 Jak'a apnaqawi uñst'ayäwi

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

2 Samuel 11:2

Mä jayp'usti, Davidax ikiñapat sartasin reyi uta terrazan sarnaqaskäna, ukatsti akatjamat mä wali suma uñnaqt'an warmir jarisiskir uñjäna. Uka warmisti ukkhakiw phaxsi wilapat q'umachasiskatayna. Davidasti uka warmit yatxatañ munasaw mayni uywatapar khithäna. Uywatasti kuttanisin yatiyxarakïnwa, uka warmin Betsabé sutinïtapa, Eliam jaqin phuchhapätapa, ukhamarak Urías sat mä hitita jaqin warmipätapa. Ukhamasti Davidax mayni jaqinak khithasin uka warmir irptayasinïna, ukatsti jupampiw ikintäna; uka qhipatsti warmix utaparuw kuttawayxäna.

2 Samuel 15:16

Ukhamaw David reyix, qawqhanitix reyi utan utjkän jupanakamp chika mistuwayxäna. Tunka warminakaparukiw jaytawayäna reyi uta uñjapxañapataki.

2 Samuel 20:3

Kunapachatix Davidax Jerusalenan utjir reyi utapar purkän ukapachasti, reyi uta uñjapxañapatak jaytawaykatayna uka tunka uñt'at warminakaparux, mä utaruw irpantayäna, ukarusti uñch'ukirinak ucharakïna. Davidax ukan jupanakarux uñjayaskäna, ukampis janiw maynirus warmiskänti. Ukhamaw jupanakax ukan jist'antatäpxäna, ijma warminakjamarakiw jiwañ urunakapkam jakapxäna.

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Ezequiel 24:7

Markasti wila wartatampi phuqhantatawa; jaqinakarux qarqanakar jisktasaw jiwaraytaxa; wilapsa janirakiw uraqirux puriyktati, ukhamat laq'an jan imxatañapataki.

Números 25:6

Ukampis Moisesampi israelitanakampix qullan utjäwir mantañan jacht'asisa jikxatasipkän ukchañkamasti, mä israelita jaqix chujllaparuw mä madianita warmir jupanakan uñjkat irpantasiskäna.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.