2 Samuel 8:12 - Qullan Arunaca

¹² Edom, Moab, Amón, filisteonacata, amalecitanacata, uqhamaraqui cuntejj Hadad-ezer reyit guerran aparancataynas ucanacänwa. Uca Hadad-ezer jakesti Rehob jaken yokapänwa, Soba marcan reyipa.

Aymar Bibliia 1986

¹² Edom, Moab, Amón, filisteonacata, amalecitanacata, uqhamaraqui cuntejj Hadad-ezer reyit guerran aparancataynas ucanacänwa. Uca Hadad-ezer jakesti Rehob jaken yokapänwa, Soba marcan reyipa.

Qullan Arunaka DC

¹² Edom, Moab, Amón, Filistea, Amalec, Sobá markanakata, ukhamaraki kuntix Sobá markan reyiparu, Rehob reyin Hadad-ézer yuqapar apaqankatayna ukanakamppachata.

2 Samuel 8:12 Jak'a apnaqawi uñst'ayäwi

2 Samuel 10:11

saraquïnwa: “Sirio jakenacatejj nanacar atipjirjamäni ucapachajj mäquiw yanapt'iri jutapjjäta; amonita jakenacatejj jumanacat sipana juc'ampi ch'amanïni ucat atipjañ munapjjaraquïtam ucapachasti nanacaw jumar yanapt'irejj jutapjjaraquïma.

2 Samuel 10:14

Amonita jakenacasti, uqham sirio jakenacaru jaltjjapjjeri uñjapjjän ucqhasti jupanacas Abisai nayrakatatjja jaltjjapjjaraquïnwa, ucatsti marcaruw mantjjapjjäna. Uqhamasti Joab chachajj janiw amonitanaca contrajj muwascjjänti jan ucasti Jerusalén marcaruw cuttanjjäna.

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

1 Crónicas 18:11

Davidasti take aca yänacjja, korimppacha, kollkemppacha take marcanacat aparcatayna ucanacjja Tatituruw loktäna, Edom, Moab, amonita, filisteo, amalecita ucanacatwa aparäna.

1 Samuel 15:8

Agag sata, amalecitanacan reyiparusti preso catuntaraquïna, ucat take ejercitoparusti espadampiw jiwarayaraquïna.

1 Samuel 27:8

Davidampi jakenacapampisti mistsupjjänwa, Gesur, Gezer, Amalec uca marcanacaru saqueyjañataqui. Uca marcanquirinacasti Talaim sisqui uca chekata, Shur tokeru sarañana, Egiptompi korpasqui, ucsa tokenwa jacapjjaraquïna.

1 Samuel 30:17

Uqhamasti Davidajj alwata, jayp'ucamawa jupanacarojj nuwaräna, k'alwa jupanacarojj tucjaraquïna, ucampisa pusi patac waynanacaquiw camellonacaparu lat'jjatasina jaltjjapjjatayna.

1 Samuel 30:20

Jupasti take ovejanacapa, vacanacapa catuntasiraquïna. Uqhamasti cawquïrinacatejj uca uywanaca anaquinipcän ucanacasti sapjjaraquïnwa take ucanacajj Davidan jicjjatataw sasa.