Génesis 34:30 - Qullan Arunaca

³⁰ Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

Aymar Bibliia 1986

³⁰ Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

Qullan Arunaka DC

³⁰ Ukat Jacobux Simeonampiru, Levimpirux säna: —Ukham luratanakamampixa, jumanakax jan walt'añanak utjayarapipxistaxa. Jichhax aka chiqankir cananeonakasa, ferezeonakasa uñisipxitaniwa. Mayacht'asisax nayatakiw sayt'asipxani, jiwasax juk'anikïtanwa, taqinirupuniw jiwarayistani —sasa.

Génesis 34:30 Jak'a apnaqawi uñst'ayäwi

Génesis 12:12

cunapachatejj egiptonquir jakenacajj uñjapjjätam ucqhajj: ‘Aca warmejj aca jaken warmipawa’ sasa, ucatsti nayarojj jiwayapjjetaspawa, ucampis jumarojj janiw jiwayapcätamti, jumampi jacañ laycu.

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 12:6

ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Génesis 13:7

Abraman uywap awatirinacasti, Lot sobrinopan awatirinacampiw jan walt'cjjapjjänti. Uqhamarusa uca tiemponjja cananeo jakenacasa, ferezeo jakenacasa ucsa tokenacanjja jacasipcaraquïnwa.

Génesis 34:2

ucampisa juparojj Hamor sat heveo jaken Siquem sat yokapaw uñjäna. Uca Hamor jakesti uca chekanjja mä jach'a jilïrïnwa, ucatsti munquir jan munquirwa jupampi iquintäna, uqhamat deshonraraquïna.

Génesis 34:29

Cunanacatejj utanacan utjcän ucanacsti k'alwa lunthatsuwayapjjäna, uqhamarac wawanacsa, warminacsa preso apapjjäna.

Génesis 34:31

Ucampisa, jupanacajj sapjjaraquïnwa: —Uqhamajj, ¿jupanacajj cullacajjarojj cunjämarutejj munapjje uqhamar lurasipcaquisapänti? —sasa.

Génesis 46:26

Jacobompi chica Egiptor purinipcän uca jakenacasti takpachanejj sojjta tunca sojjtani jakenacänwa, warminacampi wawanacampisti janiw jaqhutäcaraquïnti. Ucanacasti Jacobon familianacapänwa.

Génesis 46:27

Josean wawanacapasti paninïnwa, jupanacasti Egipton nacipjjaraquitayna. Uqhamasti Egiptorojj Jacobon familiapajj pakallko tunca jakenacaw takpachanejj purinjjäna.

2 Samuel 10:6

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

2 Samuel 16:21

Ahitófelasti Absalonarojj saraquïnwa: —Awquiman warminacapampi iquintasim, cawquïrinactejj jupajj palacio uñjiri jaytawaycatayna ucanacampi, uqhamatwa take Israel marcan jakenacajj yatipjjani awquimampejj jan cuna lurañamas utj- jjatapa, uqhamaraqui jumar arquirinacasa juc'ampi ch'amañcht'asipjjaraquini —sasa.

1 Reyes 11:25

Jupasti Salomonan jacañapcamajja Israelan uñisiripänwa; jupajj cuna jan walinactejj Hadad chachajj lurcän ucanacaruw mayachasïna, ucampis Israel marcarojj uñisïnwa. Uqhamatwa Rezón chachajj Siria marcan reyipa tucuwayäna.

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

1 Crónicas 16:12

Muspharcaña jach'a luratanacapata amtasipjjam, uqhamarac ewjja arunacapa arsutapatsa;

1 Crónicas 16:19

“Jupanacajj juc'aniquïpcchïn ucasa, aca orakena mä kawkha jaya jakenacjama,

1 Crónicas 19:6

Amonita jakenacasti yatipjjänwa Davidampi uñisiyasipjjatapa, ucatsti Hanún chachajj, amonita jakenacampejja apayapjjänwa quimsa tunca quimsani tonelada kollkenaca pagasina, apanipjjañapataqui nuwasiña carronaca, uqhamarac caballería soldadonaca Mesopotamia, Siria, Maaca, uqhamarac Soba uca orakenacata.

1 Crónicas 2:7

Carmi chachan wawapasti Acar satänwa, jupasti jan walt'añwa utjayäna, cuntï Diosajj tak tucjañapa siscäna ucanaca jan tucjatapata.

Salmos 105:12

Diosajj janiw t'akhesiñap muncänti, jupanacajj mä juc'aniquïpcän ucapachasa, sart'ir jakëpcän ucapachasa,

Éxodo 5:21

Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja.

Proverbios 11:17

Qhuyapayasirïqui ucajj, jupa pachpataquiwa asqui lurasqui, ucampis khorüqui ucasti, jupa pachpataquiwa jan wal lurasqui.

Proverbios 11:29

Jan amuyasisa utapa apanucurejja, jan cunaniw kheparani; jan amuyt'an jakejja, yatiñan jaken sirviripäniwa.

Proverbios 15:27

Walja yänacaru munapayirejj pachpa utapwa tucji, ucampis qhititejj jan kollke chilltayasqui ucaw jacani.

Deuteronomio 4:17

ni animalanacaru, jamach'inacaru,

Deuteronomio 4:27

Tatitusti take jumanacaruraquiw yakha marcanacar ananucupjjätam, ucatsti mä juc'aniquiraquiw jumanacatjja uca marcanacan jilt'apjjaraquïta.

Deuteronomio 7:7

“Tatitu Diosasti janiw jumanacarojj yakha marcanacat sipan jach'a marcäpjjatam laycuti ajllisipctamjja, jan ucasti jumanacajj take marcanacat sipansa jisc'a marcaquïpjjtawa.

Josué 7:25

Josué chachajj Acanarojj sänwa: —¿Cunatarac jumasti aca jan walinac lurapjjestasti? Jichhasti aca urunjja Diosay jumaru mutuypan nanacar jucha apanitamata —sasa. Josué chachan uca arunac tucuyipanjja, take israelit jakenacaw kalampi c'upjasin Acán chacharojj jiwayapjjäna, takpach familiapamp chica, ucatsti ninampiw phichhantapjjäna.

1 Samuel 13:4

Take israelita jakenacasti yatipjjaraquïnwa, Saúl reyejj filisteo soldadonacarojj k'ala tucjatapa, ucat filisteo jakenacajj israelitanacaru wali uñisipjjäna, ucatpï ejercitojj Saúl reyimpi tantacht'asïnjja Gilgal sisqui uca chekana.

1 Samuel 16:2

—¿Cunjämsa jichhasti saräjja? ¡Saúl reyitejj saratajj yatinejja, jiwaychitanejjaya! —sasaw Samuelojj säna. Tatitusti saraquïnwa: —Mä kachu vaca kallu irpjjarusiwayam, ucatsti ‘Sacrificio loktiriw sarä’ sasa saraquim.

1 Samuel 27:1

Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.

1 Samuel 27:12

Aquis reyisti Davidarojj suma jaket uñt'araquïna, chuymapansti saraquïnwa: “Davidajj israelitanacarojj uñisjjewa, uqhamasti nayan servirijjapunïniwa” sasa.