Jeremías 40:8 - Qullan Arunaca

⁸ takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Aymar Bibliia 1986

⁸ takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Qullan Arunaka DC

⁸ taqpachaniw Mispá sat chiqar Guedaliasan ukar sarapxäna. Ukanak taypinsti Netaniasan Ismael sat yuqapaw ukankäna; Caréah sat jaqin Johanán ukhamaraki Jonatán sat yuqanakapa; Tanhúmet sat jaqin Seraías yuqapa; Netofankiri Efai sat jaqin yuqanakapa, Maacat chiqankir mayni jaqin Jezanías sat yuqapasa, taqi jaqinakapampi kunaw ukankarakïna.

Jeremías 40:8 Jak'a apnaqawi uñst'ayäwi

2 Samuel 10:6

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

2 Samuel 10:8

Amonita jaquinacasti jutantapjjaraquïnwa, ucatsti nuwantasiñataquiw waquichasipjjaraquïna pachpa marcar mantaña puncuna, ucañcamasti sirio uqhamaraqui Soba uca quipcaraqui Rehob, Is-tob uqhamaraqui Maaca toket jutir soldadonacasti take uca orakenacwa catuntasipjjaraquïna.

2 Samuel 23:34

Elifelet sata Ahasbai sat jaken yokapampi, cawquïritejj Maaca sat jaken yokapäcaraquïna ucampi; Eliam jakempi cawquïritejj Gilo chekan utjasiri Ahitofel jaken yokapäcaraquïna ucampi.

2 Reyes 25:23

Ucatsti cunapachatï Judá orakenquir ejerciton jilïrinacapasa, uqhamarac jakenacasa yatipjjäna Babilonianquiri reyejj Gedalías chacharu apnakeripata utt'ayatapata ucqhajja, jupanacasti jupar uñjiriw sarapjjäna Mizpa chekana. Jupanacasti acanacäpjjänwa: Netanías chachan Ismael yokapa; Carea chachan Johanán yokapa; Tanhumet chachan Seraías yokapa, Netofa chekanquiri; Maaca marcanquiri mä chachan Jaazanías yokaparaqui. Jupanacasti sarapjjänwa jakenacapamp chict'ata.

2 Reyes 25:25

Ucampis pakallkör phajjsina Netanías chachan Ismael yokapaw purinïna tunca jakenacamp chict'ata, jupasti Elisama chachan allchhipänwa, uqhamarac Judá marcanquir reyinacan familiapatänwa, ucatsti takpachaniw Gedalías chacharu jiwayapjjäna, uqhamarac Mizpa chekana judío jakenaca, caldeo jakenacasa utjcäna ucanacarus jiwayapjjaraquiquïnwa.

1 Crónicas 11:30

Netofa chekanquiri Maharai; Baana chachan Heled, yokapa jupasti Netofa ucanquiriraquïnwa;

1 Crónicas 2:48

Caleb chachan Maaca sat uñt'atapasti Seber, uqhamarac Tirhana ucanacan taycapänwa.

1 Crónicas 2:54

Salma chachan wawanacapasti acanacänwa: Belén, netofatitanaca, Atrot-bet-joab, ucasti manahetitan yakha chicatapänwa, zuraítanac cuna,

Esdras 2:22

Netufa chekanquir jakenacasti, pheska tunca sojjtanïpjjänwa.

Nehemías 7:26

Belenanquiri, uqhamarac Netofanquiri jakenacasti patac quimsakallk tunca quimsakallkoni;

Jeremías 37:15

Ucanacasti Jeremiasar uñjasajj walpun colerasipjjäna, Jeremiasarusti nuwjayapjjaraquïnwa, Jonatán, qhititejj reyin secretariopäcänjja, ucan utaparuw carcelt'ayapjjaraquïna, uca utsti carcelaruw tucuyapjjaraquitaynajja.

Jeremías 37:20

Jichhasti, jach'a reyi, ist'ita aca mayisitajjaru, cuntejj maycäma uca: Juma reyejj jan munamti wasitat nayaru Jonatán jaken utaparu irpatäñajj-jja, qhititejj reyin secretariopäqui ucaru, inampisa ucanjja nayajj jiwjjerista” sasa.

Jeremías 38:26

Ucampisa jumajj jupanacarojj saraquim: ‘Nayajj reyiruw achict'asiscäyäta jan wasitat Jonatán jaken utaparu apayapjjañapataqui, jan ucan jiwascañataqui’ sasa.

Jeremías 40:11

Cawquïri judionacatejj Moab, Amón, Edom sat orakenacana jacapcäna ucanacajj ist'apjjaraquïnwa Babilonianquiri reyejj, yakhepa judionacarojj pachpa orakeparu jaytascatapa, uqhamaraqui Gedaliasarusa marca apnakerita utt'ayawayatapsa uca kheparirinacaru apnakañapataqui.

Jeremías 40:13

Carea jaken Johanán sat yokapampi uqhamaraqui cawquïri soldadonacan comandantenacapatejj pampa tokenacana kheparapcatayna ucanacasti Gedaliasaru uñjiriw sarapjjäna Mizpa chekana, sapjjaraquïnwa:

Jeremías 40:14

“¿Janit yatcta Baalis sata Amón oraken reyipajj jumataqui Netaniasan Ismael yokaparu qhitanitapa jumaru jiwayañataqui?” sasa. Ucampisa Gedaliasajj janiw jupanacarojj yäkcaraquïnti.

Jeremías 40:15

Uqhamasti Johanán jakesti Gedaliasarojj jamasatwa saraqui: “Nay sará Ismael chacharu jiwayaniñataqui. Janiw qhitis yatiñapäcaraquiti qhitin juparu jiwayatapsa. ¿Cunatsa uqhamaqui uñch'uquiñäni jupan jumaru jiwayañapjja? Uqhama luratapajj take judionacaruw wasitat ananucuspa qhitinacatejj juma jac'aru tantacht'asipqui take ucanacaru, cunatejj Judá marcata jilt'qui ucanacataquisti sinti jan walt'añapunïspawa” sasa.

Jeremías 40:6

Jeremiasasti Gedalías sat jakempi chicaw Mizpa sisqui uca chekar sarjjäna, jupampi chicaw jacaraquïna cawquïri jakenacatejj uca orakeru kheparapcatayna ucanacampi chica.

Jeremías 41:1

Pakallko phajjsi pasjjepansti Netaniasan yokapa Elisama sat jaken allchhipa Ismael sat jakejj, qhititejj reyin familiapatäcaraquïna ucajj Mizpa sisqui uca chekaruw saräna Gedaliasampi jiquisiñataqui. Tunca jakenacampi chict'ataw saräna.

Jeremías 41:11

Cunapachatejj Carea sat jaken Johanán sat yokapajj uqhamaraqui qhitinacatejj jupampïcäna uca jilïrinacasa, uqham Ismael jaken mayninacaru jiwarayatapa ist'asinjja,

Jeremías 41:2

Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Jeremías 42:1

Take jilïrinacasti, Carea jaken Johanán yokapa, uqhamaraqui Osaías jaken Azarías sat yokapa, take jakenacampi jisc'a jach'a,

Jeremías 42:8

Jeremiasasti Johanán sat jakeruw jawsayaraquïna, cawquïritejj Carea jaken yokapäqui ucaru, uqhamaraqui cawquïri jilïrinacatejj jupampi chicäpcän ucanacaru, take jakenacaru jisc'at jach'acama,

Jeremías 43:2

ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Jeremías 43:5

Jan ucasti Johanán jakempi take jilïri militaranacampejj, qhitinacatejj ananucutäcasin Judá marcaru jacasiri cuttanjjapjjatayna take uca jakenacaru tantacht'asinjja:

Deuteronomio 3:14

(Manasés tribun Jair sutini yokapajj Argob sat orakenacwa catuntasjjäna, Gesur, Maaca orakenacampis korpasqui uca chekacama, ucatsti sutinchänwa Basán orakerojja Havot-jair sasa pachpa sutipampi, cawquïr sutimpitï jichhürunsa uñt'atäsqui uqhama.)

Josué 12:5

Aca reyin orakepajj Hermón sat kolluta, Salca chekata, Basán sat chekata Gesur uqhamaraqui Maaca sat chekacama, ucatsti Galaad sisqui uca chica orakcama, cawquïritï Sehón sutini Hesbón marcan reyipäcäna.