2 Samuel 10:6 - Qullan Arunaka DC

⁶ Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

Aymar Bibliia 1986

⁶ Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

Qullan Arunaca

⁶ Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

2 Samuel 10:6 Jak'a apnaqawi uñst'ayäwi

Génesis 34:30

Ukat Jacobux Simeonampiru, Levimpirux säna: —Ukham luratanakamampixa, jumanakax jan walt'añanak utjayarapipxistaxa. Jichhax aka chiqankir cananeonakasa, ferezeonakasa uñisipxitaniwa. Mayacht'asisax nayatakiw sayt'asipxani, jiwasax juk'anikïtanwa, taqinirupuniw jiwarayistani —sasa.

2 Samuel 10:5

Uka jaqinakasti wali p'inqachataw kuttanxapxäna, Davidasti uk yatisin ukspachaw jupanakar jikxatayir jaqinak khithäna, akham sapxañapataki: “Jericó markar qhiparapxam, sunkhanakam jilantañapkama, ukat kuttanxapxäta” sasa.

2 Samuel 10:7

Davidasti uk yatisin, Joab yanapiriparux ejerciton taqpach soldadonakapampiw khithäna.

2 Samuel 16:21

Ahitofelasti ukxaruw Absalonar säna: —Awkiman uñt'at warminakapamp ikintasim, reyi uta uñjir jaytawayki ukanakampi, ukhamat Israel markan jaqinakax awkimar uñisitam amuyapxani, ukatsti jumar arkirinakax juk'amp ch'amañchasini —sasa.

2 Samuel 23:34

Maacá chiqankir Ahasbai jaqin Elifélet yuqapa; Siló chiqankir Ahitófel jaqin Eliam yuqapa.

2 Samuel 8:12

Edom, Moab, Amón, Filistea, Amalec, Sobá markanakata, ukhamaraki kuntix Sobá markan reyiparu, Rehob reyin Hadad-ézer yuqapar apaqankatayna ukanakamppachata.

2 Samuel 8:3

Davidasti Rehob jaqin Hadad-ézer yuqaparux atipjarakïnwa, Sobá uraqin reyiparu, kunapachatix uka reyix Éufrates jawir tuqi uraqi wasitat apnaqañampïkän ukapacha.

2 Samuel 8:5

Ukatsti, Damasco markankir sirio jaqinakaw Sobá markan Hadad-ézer reyipar yanapt'ir purinipxäna, ukampis Davidax uka sirionakar atipjarakïnwa, jupanakat pä tunka payan waranqa jaqinakaruw jiwarayäna.

1 Reyes 11:24

Jupasti mä qawqha chachanak tantachatayna, ukatsti mä tama lunthatanakan p'iqichiripänwa. Davidax uka lunthat jaqinakar jiwaraykäna ukkhaxa, Rezón chachax Damasco markaruw sarxäna, ukansti reyit utt'asïna.

2 Reyes 7:6

Tatituw Siria markan ejercitopar ist'ayatayna, nuwasïwir sarañ carronakana, caballerianakan uxutanakapa, ukhamarak mä jach'a ejerciton jalatanakapa, ukat sirionakax amuyapxatayna, Israel reyisa mink'askaspa jupanakar hitita reyinakampi, egipcio reyinakamp katuntayañataki.

Salmos 48:4

4 (5) Akapachankir reyinakax mayakiw jupatakix sayt'apxi;

Éxodo 5:21

jupanakarusti sapxänwa: —¡Tatitux jumanakar mutuypan nanakar jan wali luratanakamata! Reyimpi, jaqinakapampix nayrat sipan juk'amp jichhax nanakar uñisipxitu. ¡Jumanakaw nanakar jiwarayañapatak amtayapxtaxa! —sasa.

Proverbios 25:8

jan mäki taripañ utar yatiyir jalamti, yaqha jaqiw jutasin may qhanañcharakispa, jumasti p'inqa tukusma.

Jeremías 40:8

taqpachaniw Mispá sat chiqar Guedaliasan ukar sarapxäna. Ukanak taypinsti Netaniasan Ismael sat yuqapaw ukankäna; Caréah sat jaqin Johanán ukhamaraki Jonatán sat yuqanakapa; Tanhúmet sat jaqin Seraías yuqapa; Netofankiri Efai sat jaqin yuqanakapa, Maacat chiqankir mayni jaqin Jezanías sat yuqapasa, taqi jaqinakapampi kunaw ukankarakïna.

Jeremías 46:21

Qullqi layku nuwasir soldadonakapasti, lik'i vaca qallunakjamäpxiwa, jupanakasti jalakamakiw mistuwayxapxani, janirakiw sayt'asiñatakix ch'amanïpkaniti, t'unjatäñap urusti puriniwa, mutuyatäñ pachapas purinirakiwa.

Deuteronomio 3:14

(Manasesan Jaír sat yuqapaw Argob uraqinak katuntasxäna, Guesur, Maaca uraqinakamp qurpaski uka chiqakama. Jaír chachax Basán uraqirux Havot-jaír sasaw sutichäna pachpa sutipampi, uka sutimpiw jichhürunsa uñt'atäski.)

Jueces 11:3

Ukat Jefté waynax jilanakap jak'at jaltxäna, Tob chiqaruw jakir sarxäna, ukawjansti mä tama qhuru jaqinakampiw jikisxäna, ukanakasti jupamp chikaw jan wali lurañanakan sarnaqxapxäna.

Jueces 11:5

Galaad chiqankir jilïrinakasti, Jefté waynaruw Tob uraqit irptayanipxäna,

Jueces 18:28

Uka markax Sidón markat jayankänwa, janirakiw khitimpis parlkänti, ukat jupanakarux khiti arxatiris jan utjkänti, uka markax Bet-rehob qhirwan jikxatasïna. Uka qhipatsti danita jaqinakax uka marka askichasin sayt'ayapxäna, ukat ukan jakxapxarakïna.

1 Samuel 13:4

Israelitanakasti, Saúl reyin filisteo soldadonakar tukjatap yatipxäna, ukat filisteonakax israelitanakar wal uñisipxäna, ukhamasti soldadonakax Saúl reyimpiw Guilgal chiqan tantachasipxäna.

1 Samuel 27:12

Aquís reyisti Davidarux suma jaqit uñt'äna, chuymapansti sarakïnwa: “Davidax israelitanakar uñisxiwa, jichhakuchaw nayan luqtirixäni” sasa.