NEHEMIA 3:16 - ASII LAKDAP Bible (BSI) Kiimaq, Bethjur hong wa khoko mungmaiqse pengti Ajbuk riika, kra jaqtho maq pha raüta, Dawit maalap chang makho ba kiimaq riita, thamchum ba kiimaq raüta, phenlanok sichang piitiip kiina saüli tiihea haito. Hawa Naga Bible 2001 Kvruex tvhttoarc kuex Bethazur ghaq hong kholak kuex guimz lawc jix Azabuk saz Nehemia rueq Dawid ruiuz khux, yuix jumx nuiyc nolaungx bix yuimx htenc nuex httuiuc laz ruk tueq. |
Hokhamwe Hejekia raq ümchu wa jaqsham wantaq, apaiq raq srea nola jaqsham wantaq thun kra, kiimaq apaiq raq kham anyang chang khamtum thun klo wantaq thun kra, kiimaq hiq mong maq thu raüta khamkai chang lam chela mong na chehotaq thun jaqsham kra wiita Juda Mung Langti Hokhambi Manphan Lakdap na waiqthüto.
Kiimaq amaa ka Dawit Chela na apaiq raq apaiq maakho long raq na watje tiije thütaq kiijaq lapto. Tsangshiq raq süse tapan nai homseng tel maq amaa ka alapkai ma jutjü raüta lapto. Kiimaq wa jonghea chaq raüta apaiq maa ka joto.
Kra latiishe chela maq shedong nü siim maq riita hiqkhu nü na Khamdü Kilam Chong kiinü niishe liiwan kang. Lata Hokhamwe Khamchum nü kiiniishe liiwan kang. Kriiba niika, long peruk ashthenbaiq long rong ka riiphongki raüta, longrong thaq maq, ngi chao tiikang kumtoq kaü ka khum wan chang lam ahü riito.
Kra jaqtho miika, Jerusalem chela hong wa khoko pengti Hallohesh se Shollum raq tiihea haito. Asetiim jechaksere riimin jaqsham ka khrum kuq damto.
Beth Hacherem wang pengti, Rechab se Malchija riika, Sinchiitsap Phong Kilamchong ba tiihea haito. Apaiq raq kilü thun ka haito, raüta, kilamchong na jinpan maq keabaiqto. Raüta kilü lachang jinpan thun kra tiihongto.
Arjaq chongtiikai Lewi weraü thun raq, nanok jaqtho kiimaq pha wan raüta ruk ka banai batsam wa athiq kra tiihea haito. Kra hai wantaq ba thun ka arba thun ara riito. Bani se Rehum riika Ajbuk raq haitaq jaqtho kiimaq tiichap pha wan raüta haito. Keila hong na siti mungmaiqse khoko peng wantiwe Hashabiah riika, asengi la na, Rehum jaqthiq ba maq tiichap pha wan raüta tiihea haito.
Kra jaq tho miika, Hur se Rephaia, apaiq ka Jerusalem hong wa khoko na siti mungmaiqse kra pengti raq tiihea haito.
Ngi raq thamchum thun pahea thu wan kang. Lata sonruk thun na khamlam thu lata kham shea wan kang.
Solomon watlo, apaiq hokham ngacho na ngaraü, Akheti srea weroqtrok raq pitlo, Tsangshiq ka Israil mung na nolajongbi.
chela mong na khamchum chü wa kham kitlaq kra je ma nguta khamchum ashi thülan. Shatmaq namshiq raq Shiikeawe ka broriiman riilan. Apaiq raq arthun arka man na rathup niiphü tiihongtha wan jeshe riito. Kiimaq apaiq raq arthun mra ka tiipin wanto.
Namshiq Jerusalem chela tro kiitelong ruk thun kriika bashishi na atiihea chang sitlaq kra chhilan. Namshiq raq Jerusalem wa jam thun ka wiita sidi liiwanlan. Lantea jam wiijam ka asiiq riibaiqlan. Lantea kiiwa kiitelong thun ka lam lanta chela tro ruk kra tiihea hailan. Kriika kham riichom ma nguta klolan,
Tati raq Isaia ma nguto, “Ümse Shear Jashub kra sheaho laüta Hokhamwe Ahaj rai riihumkikiq. Ümniiraq apaiq ka lamthaq nü thamchum wa khamlam sheachang hikhat thuhotaq kra tiisup na kheataqtinok raq khea taqchang hiqba tho kiijaq mirhumhaü.
“Phunainotiim lei, ngi raq namshiq ma pharangrang maq, nati ajong pinthum Hokham we Dawit manphan ka chongkuq pha. Apaiq ka tsaikito she. Apaiq maakho ka ümchaü niitaq, arjaq nashiq makki na asi.