NEHEMIA 3:15 - ASII LAKDAP Bible (BSI)

¹⁵ Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

Hawa Naga Bible 2001

¹⁵ Mizpa ghaq hong guimz lawc jix, Kohoze saz Shallum rueq Yuix Kuiuq Kaluix kuex tvhvlc guirx tueq. Piq rueq vshuip shuip ruiux, kaluix daungx htenc, kaluix kvr pumz htenc nuiyc vtaung htenc kuex tvhungx taq tueq. Piq rueq hokhvmx sunc hep wawc Shela Yuix Tumz palx ruk kuex Dawid Ghaqyungx hikhux nuex httuiuc laz ruk tueq.

NEHEMIA 3:15 Referencias Cruzadas

2 SAMUEL 5:9

Kra kiitelong maq aruk hiq kra jiiwan jai she, Dawit ka kiijiishe siwanto. Raüta kra chela ka, “Dawit Chela,” ngutiishe mangto. Apaiq raq chela ka kra tro na tei wanto. Kriika külase kriimaq shedong nünü siim na hiq tiima phongtaq ba kriimaq tiichap phawan raüta haipha wanto.

2 HOKHVMX 25:4

Re raq chela tro ruk thun ka atiipu she riibaiqto. Bebilon mung phenlabi ka chela tro tam maq kheshat li jiimin, Israilnok phenlabi ka rawa mong na tlotli juhoto. Tsangshiq ka hokhamwe sonruk na kailam kriimaq riita, chela ruk wiinai triiche chang kilamchong kriimaq juhoto. Raüta Jordan rai tan nü nü kiiniishe juhoto.

2 KAÜWA WERAÜ 32:30

Kiimaq Hokhamwe Hejekia riika Gihon Raise khii kra shang baiq raüta, kriiwa kham ka hiqmong maq nala thu raüta Jerusalem chela ruk mong na kham ka chehoto. Hejekia riika phanrap jaq sham na kunkun ong wanto.

NEHEMIA 12:37

Raüta, tsangshiq ka Khamdü Kilamchong miishe ka Dawit Chela mong na nyap wan chang longpen hiqkhuphi lam kiiniishe düwanto. Raüta, Dawit hokham we jam ka lea wan raüta, chela ruk nü kiina hali, Khamchum Kilamchong kiiniishe wa wan raüta, chela maq shedong nü siim kiiniishe wawanto.

NEHEMIA 2:14

Kra latiishe chela maq shedong nü siim maq riita hiqkhu nü na Khamdü Kilam Chong kiinü niishe liiwan kang. Lata Hokhamwe Khamchum nü kiiniishe liiwan kang. Kriiba niika, long peruk ashthenbaiq long rong ka riiphongki raüta, longrong thaq maq, ngi chao tiikang kumtoq kaü ka khum wan chang lam ahü riito.

NEHEMIA 2:17

Kra lot latiishe, “Liirong laq, singmung maiqse lei, nashiq ma chamchao jonghea asi. Jerusalem chela ka athen kaiwishe. Chela tro na long peruk thun ka wiita athen kaikun she. Chela tro wa kilamchong thun kriimin wiita tiithen baiqto! Lo, ümchaü min, chaprong i. Laita chela trotam wa long ruk thun ara tiihea hai rong i. Laita nashiq mung khushü jam tlaq ara tiijong rong i,” nguta ngi raq tsangshiq ma chongkang.

NEHEMIA 3:12

Kra jaqtho miika, Jerusalem chela hong wa khoko pengti Hallohesh se Shollum raq tiihea haito. Asetiim jechaksere riimin jaqsham ka khrum kuq damto.

NEHEMIA 3:14

Beth Hacherem wang pengti, Rechab se Malchija riika, Sinchiitsap Phong Kilamchong ba tiihea haito. Apaiq raq kilü thun ka haito, raüta, kilamchong na jinpan maq keabaiqto. Raüta kilü lachang jinpan thun kra tiihongto.

NEHEMIA 3:19

Kra jaqtho miika, Mijpa binjü wiiq peng wantiwe Joshua se Ejar raq haito. Apaiq riika, chuntsi nyiimwin khok rinkea ba maq pha wan raüta, lamha dü wan tlaq kiijaq saüli tiihea haito.

NEHEMIA 3:7

Kiimaq kra jaqtho miika, Gibeon chela wa Melatia, kiimaq Meronoth chela wa, Jadon tsangnai wenai raq, kiimaq Gibeon chelati nokmaiqse raq, nai Mijpa chelati nokmaiqse riika, Joiada nai Moshullam sengi raq tiihea haitaq jaqtho maq tiichap wan raüta, long khetuk ka tiihea haito. Tsangshiq riika Euphretis Jürai maq Shenyap nü mung Wanghuptiwe sichang jam kra tho na saüli tiiheato.

NEHEMIA 3:9

Kra jaq tho miika, Hur se Rephaia, apaiq ka Jerusalem hong wa khoko na siti mungmaiqse kra pengti raq tiihea haito.

THARC TVLUINGC 2:6

Ngi raq thamchum thun pahea thu wan kang. Lata sonruk thun na khamlam thu lata kham shea wan kang.

ISAIA 8:6

Apaiq raq nguto, “Arnok raq Shiloa kham raise wa kitlaq khangririhea kham ka miimbaiqto. Raüta Hokhamwe Rejin nai Hokhamwe Peka khaki na atiikhai rokshrok haitlo.

JEREMIA 40:6

Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.

Luke 13:4

Riita, Silom wa maiq roqshi ri tiichat, kongmong chong raq pat raüta tsaitaq kriiha? Namshiq nga tsangshiq ka, Jerusalem na siti mungmaiqse thaq na ngarai homa jonghea hotibi kha maq tsangshiq ka kiikha tsaito ngutiisha tiima tlan?

John 9:7

Kra raütiishe, apaiq raq, “Kilaq, Silom Thamchum na ümthea ka maikikiq,” ngutiishe makchuk we ka thaüto. (Silom liichum ka “tiikito” nguta ngo riito). Krai mren, makchuk we ka thamchum kiina kihoto. Raüta athea ka maito. Kiimaq amak ka heakisaq li she heakito. Raüta apaiq ka maiqhea tingsang she ajam na jang wanto.

PHOWEBI 20:1

Mung tiihea raüpot kra lap raüta, Israil mungti tlotli sheqkhu nü na Dan chela maq phaho raüta shemai nü na Beersheba chela na saüli, kiimaq shedong nü miika Gilead wang na saüli, mungmaiqse raq bom ka treto. Raüta tsangshiq tarü kiqshi maq Tatiwe man na Mijpa chela na ngongthunto.

PHOWEBI 20:3

Kiimaq anü na Benjamin phan mungmaiqse riimin, Israilnok maiqphan ahinti thun ka Mijpa chela na thungtlo nguta tsütsa ka taito. Israilnok raq bom ka waito, “Naishiq ma chonglaq ara ngarai ka jamkho tangta?”