NEHEMIA 2:14 - ASII LAKDAP Bible (BSI)

¹⁴ Kra latiishe chela maq shedong nü siim maq riita hiqkhu nü na Khamdü Kilam Chong kiinü niishe liiwan kang. Lata Hokhamwe Khamchum nü kiiniishe liiwan kang. Kriiba niika, long peruk ashthenbaiq long rong ka riiphongki raüta, longrong thaq maq, ngi chao tiikang kumtoq kaü ka khum wan chang lam ahü riito.

Hawa Naga Bible 2001

¹⁴ Kvruex yimaq ghaqyungx shaldungc kox maq Yuix Kuiuq Kaluix nuiyc Hokhvmx Yuix Jumx httax yaq ghaqkhux kox nuex kaz tauk. Ngaz ngaungc tauk loze kuex lung phungc nuex lvmx thuiyx vtueq humc muq ningkhvnc nuex,

NEHEMIA 2:14 Referencias Cruzadas

2 HOKHVMX 18:17

Asiria mung riimtiwe ajong hokhamwe raq asengi phenlabi ka pahea pahea Lakhish chela wa Hejekia ka Jerusalem wa khatkai tiikito. Kra phenphung ka apaiq sengi phentu ajong pinthum wetsam wokhong na tiikito. Tsangshiq ka Jerusalem na saüho raüta, tsangshiq ka kheataqtibi raq tsangshiq kheataq chang lam ba kiijaq thungto. Kriika lam thaq nü na khamchum kiiwa kham chechang nala thutaq kra tho na riito.

2 HOKHVMX 20:20

Hokhamwe Hejekia raq ümchu wa jaqsham wantaq, apaiq raq srea nola jaqsham wantaq thun kra, kiimaq apaiq raq kham anyang chang khamtum thun klo wantaq thun kra, kiimaq hiq mong maq thu raüta khamkai chang lam chela mong na chehotaq thun jaqsham kra wiita Juda Mung Langti Hokhambi Manphan Lakdap na waiqthüto.

2 KAÜWA WERAÜ 32:30

Kiimaq Hokhamwe Hejekia riika Gihon Raise khii kra shang baiq raüta, kriiwa kham ka hiqmong maq nala thu raüta Jerusalem chela ruk mong na kham ka chehoto. Hejekia riika phanrap jaq sham na kunkun ong wanto.

NEHEMIA 12:37

Raüta, tsangshiq ka Khamdü Kilamchong miishe ka Dawit Chela mong na nyap wan chang longpen hiqkhuphi lam kiiniishe düwanto. Raüta, Dawit hokham we jam ka lea wan raüta, chela ruk nü kiina hali, Khamchum Kilamchong kiiniishe wa wan raüta, chela maq shedong nü siim kiiniishe wawanto.

NEHEMIA 3:15

Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

NEHEMIA 3:16

Kiimaq, Bethjur hong wa khoko mungmaiqse pengti Ajbuk riika, kra jaqtho maq pha raüta, Dawit maalap chang makho ba kiimaq riita, thamchum ba kiimaq raüta, phenlanok sichang piitiip kiina saüli tiihea haito.

THARC TVLUINGC 2:6

Ngi raq thamchum thun pahea thu wan kang. Lata sonruk thun na khamlam thu lata kham shea wan kang.