NEHEMIA 2:13 - ASII LAKDAP Bible (BSI)

¹³ Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.

Hawa Naga Bible 2001

¹³ Nuiyhez kuex shalx nyuip kox Warc Tvnx Kaluix maq dung kaz vtueq, ghaqyaz kox Yungrex Yuix Kuiuq kuex yanz wvnc vtueq Suingkez Kaluix nuex httuiuc laz khuemx kaz tiq. Ngaz rueq ghaqyungx palx ruk vbac kaz htenc nuiyc wvr rueq vkhamc gay palx kaluix htenc kuex lawc kaz tauk.

NEHEMIA 2:13 Referencias Cruzadas

2 KAÜWA WERAÜ 26:9

Ujjia raq Jerusalem tro na kiitelong ruk ka Tapshok Kilamchong ba na, Hiqthungtan Kilamchong ba na, kiimaq ruk ka anong riiwan tlaq ba thun kiijaq rekhe chang kongmong chong thun haito. Raüta chela tro ruk ka atsing angang she kloto.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

NEHEMIA 12:31

Lata, ngi raq Juda wang wa welabi thun ka, ruk wukhu thaq na shea wan kang. Lata, mungmaiqse ka kongjong kong nai na triiphea kang. Lata, Jerusalem chela trotam na kongtahushhu maq Shiikeawe ma kechutum ashi ange khum wan miitu, arang kuqkang. Krai mren, kongshi ka kra jaqtsi nü ruk thaq kiina wawanto. Raüta, Sinchiitsap Kilamchong nü kiina wawanto.

NEHEMIA 2:12

Shiikeawe raq ngi ma Jerusalem chela miitu jamlai jaqsham wan chang ngutiiwa, itsan ka tiichhii wantlii maq chongkuqtaq, kra bomtsi ka maiq ahinti ju miimin chongmang dam thü kang. Kra latiishe ngi ka rawa wathung wakham na tiido lata, ngi rai kongtibi shea lata, chela tro wa longruk thun kra shrira liikang. Kiimaq ngi ka kumtoq kaüse thaq na nga latli kikang.

NEHEMIA 2:15

Kriikha miishe, ngi ka Kidron jüwii lam kriimaq she kumtoq kaü raikhu na chao lata, peruk kra shrira liiwan kang. Latiishe, ngi ka chela mong niishe hali Jüwii Kilam Chong kra lam maq lata, ngi kai chang lam kra phan phan she jang wan latiishe, chela mong na wawan nongkang.

NEHEMIA 2:17

Kra lot latiishe, “Liirong laq, singmung maiqse lei, nashiq ma chamchao jonghea asi. Jerusalem chela ka athen kaiwishe. Chela tro na long peruk thun ka wiita athen kaikun she. Chela tro wa kilamchong thun kriimin wiita tiithen baiqto! Lo, ümchaü min, chaprong i. Laita chela trotam wa long ruk thun ara tiihea hai rong i. Laita nashiq mung khushü jam tlaq ara tiijong rong i,” nguta ngi raq tsangshiq ma chongkang.

NEHEMIA 2:3

Kiimaq ngi raq, “O, Chaü lei, rilung alu maq silaq! Iti iwi sichang changkhü chela ka wiita she then wanto. Chela trotam na long maq aruk khetuk thun kriimin wa maq chaq baiq raüta wiita she thenkito,” nguta apaiq bom ka trekang.

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.