NEHEMIA 2:13 - Hawa Naga Bible 2001

¹³ Nuiyhez kuex shalx nyuip kox Warc Tvnx Kaluix maq dung kaz vtueq, ghaqyaz kox Yungrex Yuix Kuiuq kuex yanz wvnc vtueq Suingkez Kaluix nuex httuiuc laz khuemx kaz tiq. Ngaz rueq ghaqyungx palx ruk vbac kaz htenc nuiyc wvr rueq vkhamc gay palx kaluix htenc kuex lawc kaz tauk.

ASII LAKDAP Bible (BSI)

¹³ Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.

NEHEMIA 2:13 Referencias Cruzadas

2 KAÜWA WERAÜ 26:9

Uzia rueq Vshuk Kaluix muinz, Warc tvnx Kaluix muinz palx ruk vhttak gay baung nuex pvrrawx htenc tvhungx guirx vtueq, Yerusalem ghaq kuex palx ruk tv-phaungx ngaungx taq tueq.

NEHEMIA 1:3

Tsuinghez rueq rullungx thuiuzthuic thueyc kaz muq maq miqmac mungx nuex yek waungc jix hez kuex pinhtumc kuilc daz rvhumc vtueq, phic vphaungx nuex httaz jix pungnuk miqsaz rueq wvlc guez tvyaungc yaq lvmz ngaz muex jungphvnx kuq phuex. Kvmaq raz tueq Yerusalem ghaq palx ruk htenc kvhttak rul wvnc vtuex lvmz nuiyc ghaqyungx kaluix kuex wvr rueq khamc gay tueq maq majuiuc nuex httuiuc laz tvhvlc muq shauk doc lvmz kuex jungphvnx kuq phuex.

NEHEMIA 12:31

Ngaz rueq Yuda walaungx bix kuex palx ruk htauk nuex tvtuimx vtueq, ghaqyungx kuex tvroz ruiux Tishox muex kejux tvtsvmc shic ngoyc tvkoc miq kungyungx kung nueyc kuex tvlawc tauk. Vphaungc kungshiz kuex Suingkez Kaluix nuex tvtac vtueq ruk khux maq vkeq kox nuex kvroz wvnc tueq.

NEHEMIA 2:12

Yerusalem ghaq tvkoc yvmx khoc shuimc lvmc juing lac lvmz Tishox rueq ngaz muex kvmungx yaq lvmz kuex ukhaq muex muinz jungx mauk. Kvruex yimaq raungwvrx htungx nuex kvtenc vtueq kungjix bix wvyvmc kuex gvl vtueq ghaqyungx maq dung kaz wvnc tiq. Ngaz ngaungc tauk loze maq lvy vtueq vganc nyvmx saz kuex lomx muq.

NEHEMIA 2:15

ngaz kuex Kidron Warc nuex svt vtueq loze nuex ngaungc ruiux palx ruk kuex tvhvlc ric lawc tauk. Kvruex yimaq yaz yix lvmx maq yek yek vtueq Warc Palx kaluix maq ghaqyungx nuex nyuip waung tiq.

NEHEMIA 2:17

Yuq muinz majuiuc ngaz rueq tsuingshiq muex, “Yerusalem ghaq bac wvnc vtuex nuiyc palx kaluix htenc bac kay ningkhvnc nuex naungshiq yvmx khoc lac kuilc daz rvhumc vtix lvmz khiz vshuinx! Naungshiq muingc bac muq tvkoc ghaqyungx palx ruk kuex tvhvlc ix,” ngoz tauk.

NEHEMIA 2:3

tvralc tauk kuex, “Taungjix hokhvmx waz kuex rullungx pattup httax kuiuz! Izjix iwaz tamx luip juing ghaqyungx bac wvnc vtuex nuiyc palx kaluix htenc muinz wvr rueq khamc gay tueq ningkhvnc nuex ngvy thuinbac muq juing yvmx khoc lac httax lot taungx?” ngoz tueq tvtay jungx tauk.

JEREMIA 5:10

Ngaz rueq ngvy miqsaz svpiq sunc kuex ralx muex tvyap gay shaungx, yuq muinz tvdup suik tvbac gay shaungx rvmuq. Vnoz vkanx htenc kuex ngaz muex seng muq ningkhvnc nuex, tsuingshiq muex soalc gay shuinz ngoz shaungx.