THARC TVLUINGC 2:6 - ASII LAKDAP Bible (BSI)

⁶ Ngi raq thamchum thun pahea thu wan kang. Lata sonruk thun na khamlam thu lata kham shea wan kang.

Hawa Naga Bible 2001

⁶ ngaz rueq yuix kuy tvkoc yuix jumx htenc htuz taq tauk.

THARC TVLUINGC 2:6 Referencias Cruzadas

NEHEMIA 2:14

Kra latiishe chela maq shedong nü siim maq riita hiqkhu nü na Khamdü Kilam Chong kiinü niishe liiwan kang. Lata Hokhamwe Khamchum nü kiiniishe liiwan kang. Kriiba niika, long peruk ashthenbaiq long rong ka riiphongki raüta, longrong thaq maq, ngi chao tiikang kumtoq kaü ka khum wan chang lam ahü riito.

NEHEMIA 2:8

Kiimaq hali, ngi raq hokhamwe jaq wa, rum wa pe kra liiwantiwe Asaph ma, rum na pe sitlaq kiiwa pehü pan ma lam raüta, Shomjam tro na long peruk kiijaq kilam chong thun kra hai wan miitu, kiimaq chela khetuk thun kra tiihea wan miitu kiimaq ngi miitu jamhai wan tiikang kiijaq lang miitu, pe raa tlaq kra, Asaph raq michom kuq laq nguta, aming kewan lak ashi kri waiqkuq haü jaq ahea nguta, bom ka tiitai kang. Shiikeawe ka ngi rai asi. Kiimaq, ngi raq ümchuwa jaü kang kra, hokhamwe raq ngi ma kunkun tiihong kuqto.

NEHEMIA 3:15

Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

NEHEMIA 3:16

Kiimaq, Bethjur hong wa khoko mungmaiqse pengti Ajbuk riika, kra jaqtho maq pha raüta, Dawit maalap chang makho ba kiimaq riita, thamchum ba kiimaq raüta, phenlanok sichang piitiip kiina saüli tiihea haito.

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

ASHICHONG 7:4

Ümdangkong ka chiiwi kongmong chong ikha, Ümmakpo nai ka, Heshobon chela jonghea kilamchong tho wa, khamchum khangriri hea ikha. Ümkhüpo ka Lebanon pum mren, Damaskas chela kheti kintsongti ikha.

JEREMIA 17:8

Apaiq ka pechong ashi jüse raikii na acham jongtlaq ikha, arangtu thun ka kham na hiq mong maq tiikitlo. Ara chong ka rarin rawii niimin ahai song chang ahü, jamkhano ngukla ajaq thun ka waichat chat hea nümtlo; rajun saümakli jiimin ara chong ka jamlai chapa chang ahü; atsi ango ka tsingo wan ruqli.