Matthew 24:21 - ASII LAKDAP Bible (BSI) Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq. Hawa Naga Bible 2001 Yvmx khoc lac ngoz ruiux lec mungkawx phaungc wvnc tueq maq, majuiuc raungnuiyq nuex httuiuc laz mkaq muinz yaungx wvnc muq kuilc daz yunghvlc htauk nuex jvnc vtueq yaungx tuex. Muklom Chammatakoi eshi neynap tho rapney tsamnang tha thu phana, chammal mingkang phanghun wang thanga náng thula angwey moq etho baluk otho ang moq angna. |
Ngi raq jamlai phan wa abi nguta saisi tiikang thun kra, ümniiraq sham wan tlaü kra ningkhan, Ngi raq Jerusalem ka man na ümtiikiimin tiiho wan mang mo tsihea kra mitiihoha, Kiimaq kriika arjai miimin atinkhan abi pinthum mo ka tiiho wan nong mang she mirha.
Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.
Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.
O, welabi lei, ara bomtsi ara tairong laq, Juda mungti tarü raq ara tiitsang tairong laq! Namshiq pat na akha ramdong chhiwan lan shea? Kiimaq namwetiim pat niimin akha ramdong chhiwan tiishea?
Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.
Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.
Kra matdong akhing ka namshiq ma diwin ji na rathaiq rahai bala nai Niitiitsak ranaiq bala charai mak chang miitu Shiikeawe jaq wa achu jaü lanta siwan lili rong laq.
“Kra tha wa chamchao rahiq akhing kra lea wan jai tiijo rotli she, rashe ka anyaq mirki; jipi kiimin li mak she miraq. Raiqsaiq thun ka ra wa adea mirwan. Kiimaq ra mong nyang na siti ningkun thun kriimin tsangshiq khumchang lam kiiwa naüshaü shaü she minaü baiq.
“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.
Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”
Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!
Krai mren, ramok rachhai wa trang liishe, ramok wa trang liishe, kiimaq phiiptsi chang hiq jong muwa trang liishe brak wanto. Mangjong hiq na maiqse angu kra phansang wanli miiphat, atinkhan heng hiqjong mu ka, mu wan mak dea. Ara hiqjong mu wantaq arka, wiitarü thaq na abi henghea pinthum mu wanto!
“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.