DANIEL 12:1 - ASII LAKDAP Bible (BSI)

¹ Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

Hawa Naga Bible 2001

¹ Ruiynyel khvysvmc jix raungkamx waz rueq jungx tueq, “Kvruex kaq mmiqsaz bvmc jix raungkamx wayungx Michael kuex dung kaz tuex. Kvkaq miqphvnx htenc dung wvnc tueq maq phaungc vtueq mkaq muinz rvhumc muq shauk kuilc daz httuiuc wvnc vkhing httuiuc tuex. Kvkaq Tishox rueq muingc wvlc juing luik dvp nuex muingc httax yaq mmiqsaz lotlaz kuex palc daungc wvnc rvhumc tuex.

DANIEL 12:1 Referencias Cruzadas

Tvtsvmc 56:8

Ümniiraq asap haü ngi ka ümtinkhanwa chamchao tiikang; ümniiraq imakphai satlaq kra raüpot thülaü. Kriithun ka üm lakdap na waiqthüje riimak shea?

Tvtsvmc 69:28

Tsangshiq mang ka atrati mangwaiq chang lakdap wa atiimaq riibaiqlaq; tsangshiq mang ka ümsenginok mang waiq chang lakdap na naq tlom damkiq.

ISAIA 4:3

Maiq loweatek aso ümchuwa Jerusalem na tiichong kitaq kriiti thun ka, Shiikeawe raq alai ma nguta tiichongbaiqtiiti thun asii maiqsetiim ngutiishe mingu.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

EJEKIEL 13:9

Ngi raq namshiq arot riisham makchhi chongti, lanta maiq tiishon riisham bom maq tiithai tlan kra miitu mo she mitiihoha. Namshiq ka isengi Israilnok raq adam na mungthung raüta bom riichong raüta thapthi wantlaq kiijaq lomlot man she mirhan. Kiimaq nokti mang waiq lakdam na namshiq mang ka ahü miraq. Namshiq ka nam mung na ümkhii riita jiimin jang wanlot man she mirhan. Kiijiishetiq namshiq raq Ngi ardea Tati Rakaü Hiqwe nguta misap han.

EJEKIEL 34:24

Ngi, Tatiwe ka tsangshiq Shiikeawe ma mijaha. Kiimaq ijaqshise Dawit ikha hokham weshi raq tsangshiq ka mipeng wan. Arka, Ngi raq ngutiikang.

EJEKIEL 5:9

Ngi raq jamlai phan wa abi nguta saisi tiikang thun kra, ümniiraq sham wan tlaü kra ningkhan, Ngi raq Jerusalem ka man na ümtiikiimin tiiho wan mang mo tsihea kra mitiihoha, Kiimaq kriika arjai miimin atinkhan abi pinthum mo ka tiiho wan nong mang she mirha.

DANIEL 10:13

Ngi ka Parsia munglangti rase hokham raq, raroq nai ri ranaiqshi ningtang hoto. Kiijiishe ajong rasetiim phong wa maiqla ashi, Maikel ka ngi phana kiraüta khrum kuqto. Jamkhano ngukla ngi ka Parsia mung na, ngi laqlaqse lishe tiichong kikang.

DANIEL 11:45

Kiimaq apaiq raq apaiq hokham tombutiip thun jonghea ka khamjong raikii nai Shomjam haichang hiqlam liipan na mihai. Shatmaq apaiq ka re na mitsai. Apaiq khrumti maiq ka jumin ahü she miraq.”

DANIEL 7:10

kiimaq kiiwa wa raisetiim thun ka phoktlo. Kiijaq apaiq shiililiiti maiq ahing amun, kiimaq apaiq rung na, maiq amun aseng chaptlo. Rung na khapho pha wanto, kiimaq lakdam kom phong pahea linto.

DANIEL 9:12

Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

Yoel 2:2

Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

MALAKI 3:16

Kiijiishe Tatiwe ma tiihai shat maq siti liipan na bom ka riichongto. Kiimaq Tatiwe riimin tsangshiq bom ka taito. Kiimaq tsangshiq raq jamlai wa chongtaq kra trekuqto. Raüta Tatiwe raq apaiq ma haisong tsantsii thüti, kiimaq apaiq shrengti miitu lakdam ashi na akha waiqthüto.

Matthew 24:21

Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq.

Mark 13:19

Kra chamchao akhing saü tlaq kriika, Shiikeawe raq ra nai hiq tiiq wanli maq, ümchaü niitaq ara mangjong hiq na chamchao sitlaq kiima thapthi wan chang siika riimak. Kiimaq rawiichii niimin akha redong ka ahü she miraq.

Luke 10:20

Riita, shotsai winji raq namshiq aming ka taitlo ngutiika, naq chochi rongkiq. Shatmaq, kra thaq na kao raüta, namshiq mang ka ramungtan niishe waiqthüto nguta kra miitu chochi ronglaq.”

Romans 11:15

Ara jamkhano chong tiikang ngukla, Shiikeawe raq tsangshiq tiishaü baiq wan taq, kriikha na santla mangjong maiqse angu wiita ka, Shiikeawe rai wesang ralii kong wa, Shiikeawe khi alu nok miishe tiija wantaq. Riita, ikhiijiika, tsangshiq Jehudinok phan ka, wiitarü thum thum she, Shiikeawe wokhong na siwan raü jiika, mangjong maiqse angu ma achu shiiman ka ümtinkhan jonglu kewan chang she wa riila? Kriishe ngu raü jiika mangjong maiqse angu thun wiita ma, amaa wa atra siwan lamlu lishe misi wan!

Romans 11:26

Kra jai miishe ka, Israilnok kiimin Shiikeawe riishe mitiichhii kuq wan. Arka Asii bomtsi na chong tlaq kiikha miraq. Asii bomtsi na akha chong tlo, “Chhii wanti we ka Jajon chela wa midong wan. Raüta, Jakob lai ala phan maiqse raq, abi ati ümtinkhan wa, ngarai tang wantaq kra thun ka, kunli she mitiisii he wan.

Ephesians 1:21

Kiimaq, ümchaü Khristo ka kiijaq Ramungtan na nga raütiishe, ra na siti winji mungtubi, arang hotibi winji, ningkun rümtibi, winji welabi, kiimaq winji tuwebi ümchuwa sitlaq kra thun khuthaq na, Khristo apaiq riishe, mung ka lang tlo. Khristo raq, apaiq jaqsham arang mang ho tlaq kriika, ümchaü pat wa nai jai na saüho tlaq pat na siwan tlaq thun tarü thaq na, ajong pinthum mang ho raütiishe sitlo.

Philippians 4:3

Kiimaq ngi rai kongshi maq jaqshamti we, kongti we lei, ümniiriimin la, ara nanyino nyungnai ara kiqram wan miitu, khrum kuq haü jaq ahea miraq. Tsangnai ka ngi rai, Tsütsa Ahea ara chongke jaqsham kra tiijong wan miitu, Klemen nai nanok phunobi ahinti kongtibi rai, reraüshi maq chap wan damti, kongti nyungnai jo. Ara chongtiikai, Shiikeawe jaqshamtibi mang ka, Shiikeawe raq atrati thun mang waiq chang, lakdam thü tlaq kiijaq asi.

Jude 1:9

Riita, ara tsangshiq phephiiq wan tlaq akhiika, Rase jong Maikel raq san tla, atinkhan ka bom mak riito. Mosheq maa ka ju raq lapshe chang wa nguta, Thawe rai riitsotaq akhing niimin, apaiq raq Thawe ma ason ka son mak dea riito. Shatmaq, apaiq raq Thawe miika, “Tatiwe riitiq ümniika mison kiiphaü!” ngutli bomkuqto.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 12:7

Kiijiishe, rawang win na re she dong wanto. Maikel nai apaiq kongti rasetiim raq, prenkaü nai apaiq sengi rasetiim kriishe khat wanto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.