Matthew 24:29 - ASII LAKDAP Bible (BSI)

²⁹ “Kra tha wa chamchao rahiq akhing kra lea wan jai tiijo rotli she, rashe ka anyaq mirki; jipi kiimin li mak she miraq. Raiqsaiq thun ka ra wa adea mirwan. Kiimaq ra mong nyang na siti ningkun thun kriimin tsangshiq khumchang lam kiiwa naüshaü shaü she minaü baiq.

Hawa Naga Bible 2001

²⁹ “Kvmaq kuilc daz juing raungnuiyq htenc yix maq, shalx kuex buingc wvnc vtueq, yapix muinz lez muq shex rvtuex, ruiysuiyq htenc muinz raungwawc dvy wvnc tuex, raungmungx wawc luimc vkawc htenc kuex miqmac khuemx yaq lvmx htenc kvwawc tvhttot gay rvhumc tuex.

Muklom

²⁹ “Ethi saal tsamnang jio, Rangsal sha nak tina, etho jappi sha lit moq angna, Etho taset tang sha rangkan wang qhat wang na etho mungtan tang tarong sha thamot na.

Matthew 24:29 Referencias Cruzadas

THARC TVLUINGC 12:2

Kra akhing na ümniima rashekiili kra, jipili kra, kiimaq raiqsaiq chhaitlaq kra, samhea chhimaü she mirhaü. Kiimaq rajun sheati phumnyaq dakaü kriika ümmakki wa ahin na rahai raq pan wan mak she miraq.

ISAIA 13:10

Ra wa raiqsaiq angu thun nai raiqsaiq kongshi maq khumti kong thun kra wiita chhai mak she mitsaqki. Rashekaü ka dong wan raü min nyaqdokdok miraq. Kiimaq jipi kaü riimin likuq mak she miraq.

ISAIA 24:23

Jipi li ka amo she mirwan. Raüta ra minyaqki. Kiimaq rashe ka kiimak she miraq. Jamkhano ngukla Tati Ajong Pinthumwe ka hokhamwe miraq. Apaiq raq Jajon pum na atei Jerusalem na ngaraüta mung mipeng. Kiimaq mungmaiqse pengti tuwe jongbi raq apaiq khushü ka michhi.

ISAIA 34:4

Rashe kaü, jipi kaü kiimaq raiqsaiq thun ka dea wan raüta bunlak buncha bunki raüta botkhulai miishe mijaki. Ra ka lakdam kom raüta thübaiqtlaq ikhli mimoki. Kiimaq raiqsaiq thun ka spiqraü chong wa spiqjaq rokki tlaq ikha riimakla phupmup jaq rok wantlaq ikha mirok wan.

Yoel 2:10

Tsangshiq longwan kiijiila hiq atiikhai banban. Ra dea min atiikhai banban lishe. Ra min kiikuq mak she. Jipi min likuq mak she, ranyaq tangtang lishe. Raiqsaiq dea min chhaikuq mak she.

Yoel 3:15

Rashekaü kaü min kiimak she, jipikaü min limak she. Ranyaq tangtang li she. Raiqsaiq thun min chhai mak she.

AMO LUIK DVP (AMOS) 5:20

Tatiwe ranaiq ka rathup ranyaq wa tangtang miraq, rashekii ka ahü she miraq. Kra rathup ranyaq wa ranaiq miraq. Rawüli nguta ahü miraq.”

AMO LUIK DVP (AMOS) 8:9

Tatiwe raq ngutlo, “Krii ranaiq akhing na rashekaü ka, ranaiq shethung niili minyap wan, mangjong hiq ka ranaiq shethung niili mitiinyaq baiq ha.

Matthew 24:21

Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq.

Matthew 24:8

Riita ara chong tiikai thun mra pin tlaq arka, maiqnyung ashi ma nowüchhi tsi akhing phaho tlaq ikha maiqpat anye saü wan ma nowüchhi tsi phaho she.”

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Revelation 8:12

Kiijiishe, rase blai ngojati riishe alerong ka tsüto. Kra tsükiita rashe kaü ka mantsam wa manshi thento. Kiimaq jipi kiimin mantsam wa manshi kiimaq raiqsaiq diim tlaq kiiwa min, mantsam wa manshi rii ka thento. Krai mren, tsangshiq liliim kiimin mantsam wa manshi ka anyam she riikito. Krai mren ranaiq shi ka mantsam rii wa manshi rii ka rawüli ahü she riito. Kiimaq rawa ka mantsam wa manshi rii ka aliliim ahü she riito.