Luke 9:11 - ASII LAKDAP Bible (BSI) Nokmaiqse phong raq, apaiq ka saü wato nguta tai raüta, tsangshiq raq apaiq jai ka phan wanto. Apaiq raq tsangshiq ka aheawiq maq taoto. Raüta, tsangshiq ma Shiikeawe Mungtan tsütsa kra chongkuqto. Kiimaq atsiti thun kra tiihea kuqto. Hawa Naga Bible 2001 Nuk miqsaz htenc rueq kvruex tuiuz wuez vtueq, vpiq yix nuex phvnx wvnc naungx wuez tueq. Vpiq rueq tsuinghez kuex malc wvnc ruiux Tishox Mungtan lvmx jungphvnx kuq tueq, vthuiuz vsac jix muinz tvhvlc kuq tueq. Muklom Miqtang aa eshi tung aa raaq tha tat eq ning ji tha phan ta. Jesu aa ning thaji tha wangphin ta halta, ning ma Shkewa Mungtan tung aa raaq batta, etho utang uqhal ma raa ta, ning tha taqhal ta. |
Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.
Jesuq raq apaiq tsea miitu matkii she süriitlo nguta tai raüta, apaiq ka kriiba wa ahin niishe tiido wawanto. Kiimaq nokmaiqse kong phong pahea raq apaiq jai ka phan wanto. Apaiq raq tsangshiq phong wa maiq atsi asiti thun ümchuwa sitaq kra wiita kunkun tiihea kuqto.
Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.
Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.
Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.
Apaiq raq amang ale maiqse angu kra, wok phetaktak hea tiiphaqsiq wan tlo, shatmaq chiithe maiqse kra jaqmii maq tiiwa baiqtlo.
Kiijiishe, Jesuq raq treto, “Ju wa hansang sitlaq, kriiti miika shammi ka ra mak. Shatmaq, ju wa atsi, kriiti miika shammi ra tlo!
Kra jai maq heashi siraüta, Jesuq ka khumshkhum maq, chela thun nai hiqshong thun kiina wawanto. Raüta, Shiikeawe Mungtan Tsütsa Ahea kra chongkuq wanto. Apaiq rai ajaqshisetiim roqshi ri anai kiimin wadamto.
Kiimaq apaiq raq treto, “Shiikeawe Mungtan na apaü raüta athü kra sap miitu tak wan tsii ka namshiq miili kuqto. Maiq nanok ahinti miika, manphan miili chongkuqtlo. Kriika tsangshiq raq ümtinkhan li lii raü min, chhi mak miraq. Kiimaq tsangshiq raq ümtinkhan li tai raü min, tak mak miraq.”
Kiimwebi thun ka trahokai rii maq jang wan raütiishe, Jesuq ma tsangshiq raq ümtinkhan wa jaqsham wantaq, kra tsütsa ka tiitai kuqto. Apaiq raq tsangshiq ka, apaiq rai shea raüta, Bethsaida chela niishe kihoto.
Rashe nyap wan kra chhi raüta, ajaqshisetiim roqshi ri wenai ka apaiq phana kito. Raüta, “Mungmaiqse phong kriika atiiwa she riilaq. Tsangshiq ka ara binjü na maiqhiq shong thun sitlaq nai ara binjü tro na, wakjam ram asi kiina wa raüta, tü adung she mirit phaqsiq wanlaq. Kiimaq tsangshiq jap chang kra mirit wan laq. Ara nashiq tiiborai tiikai ba arka, rum-nyangkhi ba,” nguta apaiq ma chongto.
Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.
Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.
I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.
Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.
Shatmaq, tsangshiq raq apaiq ma kamwan hü miika, tsangshiq ka apaiq puk na, jamkho minyap wan? Kiimaq, apaiq raq achongkuq tsütsa ahea kra, tsangshiq raq tai wan hü miika, tsangshiq ka apaiq ma jamkho mikam wan? Kiimaq, apaiq tsütsa ahea kra chiiriim raüta, chongke wanti maiq siwan hü miika, apaiq tsütsa ahea kra, tsangshiq raq jamkho mitai wan?
Riita ara chong tiikai arai mren, tsangshiq raq tsütsa ahea kra tai raütiitiq, tsangshiq raq kamtsantsii ka thü wan tlo. Kiimaq, tsütsa ahea ngutlaq kriika, Khristo tsütsa ahea chongkuqtlaq kra nangnga ngutlo.
Ara jamkhano chong tiikang ngukla, Khristo raq arilung ka, apaiq honhonse polosea na, tiisung mak dea. Kra rii na, apaiq ka maiqse miitu siwanto nguta chong tlo. Arka, Asii bomtsi wa chhi tiikai. Asii bomtsi na, “Namshiq ma maiqse raq, ümtinkhan wa shummii thoda tho kuq wantaq, kriika i khu thaq na saüto,” nguta chong tlo.
Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.
Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.